Контакт

Естрада

Депресија, секс, дроги – контроверзниот живот на Џорџ Мајкл

Објавено пред

Џорџ Мајкл беше легенда. Иако последните десетина години ги полнеше таблоидите со своите здравствени проблеми и проблемите со дрогата, беше и остана неоспорна музичка големина.

Како што тоа е случајот и со многуте други музички ѕвезди чија кариера се провлекувала низ декадите, така и Мајкл лесно беше да се прифати здраво за готово. Уште повеќе што неговите последни вистински големи хитови беа оние на почетокот на 2000 година, а поп сцената е посебно неблагодарно место за средовечните идоли на 80-сеттите и 90-сеттите години на минатиот век.

Но, легендите остануваат легенди, а Џорџ Мајкл е несомнено во тоа друштво.

И додека за неговиот музички опус најдобро зборуваат песните, неговото присуство во таблоидите пречесто се сведуваше на инцидентот во јавното WC, како и проблемите со дрогата.

Мајкл, како и сите други, имал многу тешки моменти кои без сомнение оставиле длабока трага врз него.

Тој со години се бореше со депресијата откако во период од три години го загуби љубовникот Ансел Фелепа и мајка му Лесли Анголд. Фелепа почина од компликации со сидата.

„Се борев со тешка депресија по смртта на мајка ми. Да ја загубиш мајката и љубовникот во период од три години е тешко“, рече Мајкл за The Independent.

Во интервју за The Guardian, во 2005 ќе рече:

„Беа тоа 12 години депресија, страв и купишта други срања. По смртта на мајка ми бев многу блиску да се откажам од животот. Го имав тоа силно чувство дека најдобрите денови се зад мене. Ви се колнам, се чувствував како да сум проклет. Не можев да верувам колку работи одеднаш Господ решил да натовари врз мене. Беше премногу смрт околу мене“.

Уште од тинејџерските денови Мајкл водеше тешка борба со својата сексуалност. Иако на пријателите им рече дека е бисексуалец, долго време се лажел себе и се преправал дека може да има односи со жените, а по распадот на Wham знаел дека е геј, а не бисексуалец и тоа го депримирало бидејќи не можел отворено да признае, туку долго ја криел својата тајна што потајно го уништувало.

Да биде работата уште полоша, од плакарот излезе на најлош можен начин, со скандали и медиумски написи.

Имено, во 1998 година е уапсен заради „недолично однесување“, откако полицаец во цивил го намамил во јавно WC и го уапсил. Беше принуден да признае дека е хомосексуалец.

„Од некоја чудна причина мојот геј живот не стана полесен со признанието. Се случи токму спротивното. Медиумите уживаа во тоа што претходно имав хетеро публика и има намера тоа да го уништат. Некои мажи ги фрустрираше што нивните девојки сѐ уште веруваат дека Џорџ Мајкл само не ја пронашол вистинската девојка за себе. Патем речено, тоа е она што многу членови од моето пошироко семејство сѐ уште го мислат“, рече Мајкл за ББЦ во 2014 година.

Уште како млад се впуштал во сексуални односи со странци, а на Пирс Морган му признал дека само за седум години променил повеќе од 500 сексуални партнери.

Криењето на сексуалната ориентација остави трага врз него бидејќи се обидувал да ја заштити мајка си.

„Бев премногу незрел да сфатам колку жртвувам. Морате да разберете колку го сакав своето семејство и дека сидата е нераскинлива од хомосексуалците во 80-сеттите и 90-сеттите. Барем што се однесува до родителите. Мојата мајка тогаш сѐ уште беше жива и за неа тоа би бил кошмар да мора секој ден да мисли на што сум изложен“, рече Мајкл.

Во октомври 2006 година Мајкл беше уапсен заради поседување на марихуана(иако имаше проблеми и со крекот). Порано та година исто беше уапсен под сомнение дека е издрогиран откако полицијата го затекнала како спие во својот автомобил. Два месеца по тој инцидент, со својот Range Rover оштетил три возила на своите соседи. Во јули 2010 година враќајќи се од геј прајд, е уапсен откако со автомобилот се забил во излог на продавница, а подоцна е обвинет и заради поседување на марихуана и возење во алкохолизирана состојба.

Откако ја призна вината, Мајкл беше осуден на осум недели затвор, доби казна и забрана за управување на моторно возила на период од пет години.

„Сфатив дека проблемот е во мене. Тоа ме потресе и сфатив дека живеам во заблуда. По несреќата отидов на лекување и двенеделна детоксикација, што никој не знаеше. Сето тоа е зад мене. Навистина“, рече во едно интервју.

Во октомври 2011 година Џорџ Мајкл морал да ја прекине европската турнеја откако се разболел. Примен е во виенската болница со воспаление на белите дробови и завршил на интензивна нега. Откако беше пуштен од болница, дал изјава и открил дека лекарите морале да извршат трахеотомија.

„Тоа скоро ме уби. На потсвесно ниво беше застрашувачко и веројатно никогаш повеќе нема да се чувствувам сигурно. Но, чувствував и вина заради семејството и пријателите бидејќи со недели не знаеја дали ќе се извлечам или не. Да им се случеше тоа на моите сестри, тоа би ме уништило“, рече Мајкл.

Во 2013 година се здоби со тешки повреди на главата откако испадна од воз во движење. Итно бил превезен во болница каде што минал две недели, а подоцна бил снимен со голема лузна на главата.

Како и многу пати претходно, често знаел да се повлекува во самотија. Тој и неговиот партнер Фади Фаваж се видени во септември минатата година, по што ретко е забележуван во јавноста.

На Божик 2016 година почина од срцев удар.

„Со голема тага потврдуваме дека нашиот голем син, брат и пријател Џорџ почина во својот дом за време на Божик. Семејството ве моли да ја почитувате нивната приватност во овие тешки моменти“, се вели во официјалното соопштение. /крај/ин/ст



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Естрада

(Видео) Мис ја загуби титулата поради тверкање на „Тик-ток“

Објавено пред

На мисот на Папуа Нова Гвинеја, Луси Мајно, ѝ беше одземена круната откако на „Тик-ток“ сподели видео на кое се гледа како тверка.

Критичарите велат дека инцидентот со тверкањето (еден вид танц) ја покажува длабоко вкоренетата култура на омраза кон жените во земјата.

Луси Мајно (25), која била и капитен на женскиот фудбалски тим на Папуа Нова Гвинеја, се соочила со лавина реакции откако на „Тик-ток“ споделила видео на кое се гледа како тверка, објави британскиот дневен весник „Гардијан“.

Иако ваквите содржини се чести на оваа апликација, оние што ја поддржуваат санкцијата по објавеното видео, кое сега е избришано, велат дека тоа не е соодветен пример за другите.

„По објавувањето на снимката, Луси Мајно беше ослободена од должноста мис на Папуа Нова Гвинеја“, наведе Комитетот за избор на мис на пацифичките острови Папуа Нова Гвинеја (MPIP PNG).

„Нашата главна цел е зајакнување на улогата на жените, ние сме уникатна платформа што ги промовира културното наследство, традиционалните вредности и споделувањето преку туризмот“, се вели во соопштението на Комитетот.

Прикажи повеќе...

Естрада

Aнкета по интервјуто кај Опра: Хари и Меган никогаш претходно не биле толку непопуларни меѓу Британците

Објавено пред

Популарноста на принцот Хари и неговата сопруга Меган опаѓа и никогаш не била пониска меѓу Британците по нивното интервју со водителката на американската телевизија Си-би-ес, Опра Винфри, покажаа резултатите од истражувањето објавено денес од „Југов“ (YouGov), пренесува агенцијата „Ројтерс“.

Агенцијата наведува дека интервјуто дадено од Хари и Меган ја донело монархијата стара 1.000 години во најголемата криза во овој век, а според анкетата спроведена од „Југов“, тоа влијаело не само на нивната туку и на популарноста на некои други членови на кралското семејство.

Според истражувањето, откриено е дека 48 отсто од 1.664 испитаници имаат негативен став кон Хари во споредба со 45 проценти од оние со позитивен став, што е првпат неговата вкупна оценка да биде негативна и претставува пад од 15 поени во споредба со една недела претходно, пренесува „Ројтерс“.

Агенцијата наведува дека сега само три од 10 лица имаат позитивен став кон Меган, а 58 проценти имаат негативно мислење за неа.

Единствениот друг член на кралското семејство кај кого, според истражувањето, е забележан пад на популарноста е таткото на Хари, престолонаследникот Чарлс, кого сега негативно го оценуваат 42 процента од Британците наспроти 49 отсто од оние со позитивно мислење.

Според анкетата на „Југов“, и натаму најпопуларна е 94-годишната кралица Елизабета за која дури 80 проценти од испитаниците мислат позитивно, а за постариот брат на Хари, Вилијам, и за неговата сопруга Кејт, позитивно мислење имаат три четвртини од испитаниците.

Посебна анкета, која била спроведена делумно пред емитувањето на интервјуто во Британија, покажала дека поддршката за монархијата како целина е во голема мера непроменета – со 63 проценти од Британците што го поддржуваат ваквото уредување, а 25 отсто сакаат избран шеф на државата, соопшти агенцијата.

Прикажи повеќе...

Естрада

Експерт за говор на телото тврди: Меган и Хари ја кажаа вистината, но за многу работи се воздржуваа

Објавено пред

Пети Вуд, која е експерт за говор на телото, вели дека Меган Маркл за време на интервјуто што таа и принцот Хари го дадоа за Опра Винфри, и покрај тешките признанија, сепак се воздржувала од намерата да каже повеќе.

Таа за магазинот „Мери Клер“ изјавила дека во очите на Маркл била видлива мешавина од емоции, дека била замислена и честопати гледала настрана.

„Има дел од неа што се смее додека се сеќава на тие настани, но има и солзи. Постојат работи што и се драги, како, на пример, свадбата. Но, некои настани ја вознемируваат. Значи, тоа е комплексен сет на емоции. Таа се обидува да ги зaдржи“, рекла Вуд.

Според нејзините зборови, на почетокот на интервјуто Маркл се обидела да се заштити од предрасудите на публиката со тоа што ги прекрстила нозете на заштитнички начин држејќи ги рацете во скутот, што, како што проценува, е обид за заштита на нејзиниот идентитет и женственост.

Вуд исто така проценила дека говорот на телото на Маркл, кога зборувала со љубов за кралицата, открил и нешто покомплексно.

„На самиот почеток на интервјуто Опра ја споменува кралицата, а Меган покажа сложени, негативни вокални и гестикурални знаци за неа. Таа мрмореше. Кога рече дека кралицата е една од првите личности што ги запознала, погледна надолу и направи гримаса. Направи и движење со јазикот. Ова е идеален пример за тоа како невербалните знаци откриваат како таа навистина се чувствува“, објаснила Вуд.

Исто така, продолжила таа, во описот на Меган за нејзината борба со менталното здравје говорот на телото го рефлектирал она за што зборувала – таа навистина се обидувала да го потисне сеќавањето на тој ужасен период.

„Кога плачеше, тоа беа вистински солзи“, рекла Вуд.

Говорејќи за делот од интервјуто во кое Меган зборуваше за загриженоста на палатата за бојата на кожата на нејзиниот син Арчи, Вуд вели дека нејзиното тело многу се сменило и додава дека е очигледно оти за неа тој дел од интервјуто бил најстрашен.

„Го приспособи столчето, што е потсвесна желба да избега од ситуацијата. Израз на чист страв се појави на нејзиното лице. Тоа беше моментот кога Опра се обиде да ја убеди да каже кој ја коментирал бојата на кожата на Арчи. Беше толку исплашена“, вели Вуд.

Во однос на принцот Хари, познавачката на невербалната комуникација проценува дека тој изгледал тажен затоа што не можел да го заштити своето семејство, на што укажува и држењето на телото, кое се чинело повлечено.

Вуд исто така вели дека и покрај тешките теми, говорот на телото на двојката ја покажува нивната љубов и посветеност еден на друг во тешки моменти.

„Анализирав стотици нивни фотографии. Таа го гледа нејзиниот сопруг кога и да зборува. Ако постои можност да се допрат, тие ќе го сторат тоа. Луѓето веројатно се прашуваат каква е состојбата на нивната врска сега. Тие се тука еден за друг и се поддржуваат. Навикнати се да наоѓаат меѓусебна утеха“, заклучува Вуд.

Прикажи повеќе...

Најново

Македонија1 час

Нови 150 заболени и 16 починати од коронавирус во земјава

Во последните 24 часа се направени 2.093 тестирања, а регистрирани се 150 нови случаи на КОВИД-19 во: Скопје – 62,...

Македонија2 часа

(Видео) Пристигна унгарската донација од 6.000 дози вакцини, ќе бидат наменети за граничната полиција

Министрите за внатрешни и надворешни работи Оливер Спасовски и Бујар Османи денеска на скопскиот аеродром ја пречекаа делегацијата предводена од...

Македонија2 часа

Груевски, Камчев и Мијалков обвинети за „Плацовите на Водно“, се бара продолжување на притворот за Камчев

Обвинителството бара експремиерот Никола Груевски, заедно со неговиот кум Ристо Новачевски, ексдиректорот на УБК, Сашо Мијалков, бизнисменот Орце Камчев, неговата...

Македонија3 часа

Хоџа: Погрешни се тезите дека ќе може сѐ и сешто да се легализира

Од Владата оценуваат дека по вчерашното усвојување на законот за утврдување на правниот статус на бесправно изградените објекти во законодавниот...

Свет4 часа

Погребана младата наставничка од Казањ, која со своето тело заштити дете од разулавениот убиец

Роднините, пријателите и учениците денеска ја испратија на вечно почивање Елвира Игнатиева (26), наставничка по англиски јазик, која загина во...

Македонија6 часа

Царовска: Жално е што нашите ученици не се подготвени за предизвиците што ги носи новото време

Министерката за образование, Мила Царовска, смета дека реформите што треба да се спроведат во образованито не се избрзани, туку дури...

Свет6 часа

Израел по бомбардирањето: Тел Авив во урнатини, децата сами на улица

Судирите меѓу израелските и палестинските сили продолжија утрово, а по ескалацијата на насилството и крвавите конфликти, Израел прогласи вонредна состојба...

Македонија8 часа

Македонскиот војник заразен од коронавирус во Африка со посебни протоколи пренесен на Инфективната клиника

Рано утрово во земјата пристигна 55-годишниот македонски потполковник позитивен на коронавирусот и суспектен на јужноафриканскиот сој, објави на социјалните мрежи...

Европа8 часа

Германски виролог: Оние што нема да се вакцинираат неминовно ќе се заразат

Германскиот виролог Кристијан Дрoстен очекува дека населението во Германија ќе добие имунитет против коронавирусот за една и пол година. Тоа,...

Европа8 часа

Тензиите од Блискиот Исток се префрлија во Германија, инциденти пред синагоги, запалени знамиња

Тензиите од Блискиот Исток се прелеаја во Германија, каде што се случија инциденти пред две синагоги. Во Бон синоќа неколку...

Свет9 часа

СЗО: Индискиот сој на коронавирусот откриен во 44 земји

Светската здравствена организација (СЗО) откри дека индискиот сој на коронавирусот што предизвика нагло зголемување на бројот на заболени во Индија...

Свет10 часа

(Видео) Ескалираат судирите меѓу Израел и Хамас, најмалку 40 убиени, меѓу нив и деца

Ескалира конфликтот меѓу Израел и Хамас. Од Тел Авив се слушаа сирени од раните утрински часови. Одекнаа и неколку експлозии....

Македонија21 час

Во петок во Македонија ќе пристигнат 38.400 вакцини од „Астразенека“

Овој петок во Македонија ќе пристигнат 38.400 вакцини од „Астразенека“, соопшти министерот за здравство, Венко Филипче. „Добивме уште една добра...

Македонија1 ден

Во Македонија 171 нов случај на коронавирус, починаа 26 лица

Во последните 24 часа во Македонија се потврдени 171 нов случај на коронавирус, 26 лица починаа, а 409 оздравеа, соопшти...

Македонија1 ден

Државата треба да ѝ врати над 1,7 милион евра на Европската комисија, пари што ги проневерил ексфунционер од МИОА

Основното јавно обвинителство за гонење на организиран криминал поднесе обвинение против поранешниот секретар во Министерството за информатичко општество и администрација и...

Македонија1 ден

Од четврток забраната за движење ќе трае само по четири часа

Владата на денешната 69-та седница донесе одлука полицискиот час, од 13 мај, да почнува на полноќ, наместо од 23 часот...

Македонија1 ден

(Видео) Заев: Европските лидери добро ја разбираат нашата порака – идентитетот не е за преговори

Премиерот Зоран Заев денеска ги сумира резултатите од средбите кои во изминатите два дена нашата владина делегацијата ги оствари со...

Македонија1 ден

Во првата недела од мај 37 отсто е намален бројот на новозаразени и починати од Ковид-19

Според неделниот извештај на Институтот за јавно здравје (ИЈЗ), во текот на минатата недела (од 3 до 9 мај) тестирани...

Македонија1 ден

Доцна вечерва пристигнува офицерот на АРМ, кој со корона се заразил во Африка

Министерката за одбрана, Радмила Шекеринска, ја потврди информацијата дека припадник на АРМ е заразен од коронавирус во Централноафриканската Република. Потполковник...

Свет1 ден

Еден од напаѓачите го најавил масакрот во руското училиште носејќи маска со натпис „бог“

Најмалку 11 лица се убиени во вооружениот напад во средно училиште во рускиот град Казањ. Напаѓачите, според информациите објавени од...

Досие