(Фото) Ја нарекуваа „девојката од соништата на секој маж“, а потоа се дозна вистината

Популарна австралиска инфлуенсерка, која собрала над 80.000 следбеници и ги пренасочувала кон веб-страница со претплата, се покажа како лажен профил. Таа се претставувала како Бинди Реј, 20-годишна жена која работи на позиции што подразбираат систем на работа „fly-in, fly-out“ (FIFO) во Австралија. Станува збор за работен аранжман при кој вработените патуваат со авион до оддалечени локации, работат одреден број денови, а враќањето дома им го организира компанијата.

Нејзините профили на социјалните мрежи биле полни со фотографии од ноќни излегувања, слики на кои носи работни елеци и фотографии од разни локации; таа често позирала во откопчана работна облека.

Bindi Raye is not a human yet has 80,000 followers. Seriously. It’s posts aren’t identified Ai https://t.co/1xwpyeo7Yu

— Alison Caldwell (@Al_Caldwell2025) September 24, 2026

Истрагата открива дека инфлуенсерката не постои
Истрагата спроведена од австралискиот медиум ABC откри дека популарната инфлуенсерка всушност не постои. Иако изгледало дека води исполнет живот – објавувајќи рецензии за храна од работа, посетувајќи спортски натпревари и дружејќи се со пријатели – Бинди Реј не е вистинска личност.

Таа била креирана со помош на вештачка интелигенција (AI) за да привлече следбеници и да ги насочи кон Fanvue, платформа што наплаќа претплата за пристап до нејзините порнографски видеа.

One of Australia’s most followed – and most glamorous – FIFO tradie influencers has been revealed to be a complete figment of artificial intelligence. https://t.co/IZXxSLYdoY

— Gunnar Michel (@bigmic2504) September 25, 2026

Индикации дека нешто не е во ред
Знаци кои укажувале дека профилот е лажен можеле да се забележат на самите фотографии. Подеталниот преглед открил дека текстот во позадина често претставувал бесмислена низа од знаци – вообичаена грешка кај сликите генерирани од вештачка интелигенција.

Нејзиното лице изгледало поинаку во речиси секоја објава, а изгледот на нејзиниот работен елек исто така варирал. Во некои случаи, таа носела сосема поинаква облека, додека на нејзиниот елек повремено се појавувало логото на вистинска рударска компанија која ангажира работници по системот FIFO.

Реакција од рударската компанија и од Meta
Рударската компанија за која станува збор изјавила за ABC дека лицето по име Бинди Реј никогаш не било нивно вработено, ниту пак некој што личи на жената од фотографиите.

Во меѓувреме, Instagram почнал да ги отстранува нејзините објави поради кршење на правилата кои наложуваат означување на содржината генерирана од вештачка интелигенција. Meta, матичната компанија на Instagram, изјави дека самото објавување содржина генерирана од вештачка интелигенција не е спротивно на правилата, но дека профилите што објавуваат „реалистична содржина од вештачка интелигенција“ мора јасно да назначат дека материјалот е генериран на тој начин.

Се чини дека лицето што стои зад инфлуенсерот создаден со вештачка интелигенција реагираше на ова откритие. Неодамна на Instagram беше објавена серија фотографии со натпис: „Научив една работа оваа недела: не верувајте во сè што слушате“.

View this post on Instagram

A post shared by FIFO Australia (@fifoaustralia)

„Сонот на секој маж“
Иако некои корисници во коментарите сфатија дека станува збор за лажен профил и ја предизвикаа личноста зад него „да го покаже своето вистинско лице“, многу други продолжија да упатуваат комплименти, нарекувајќи ја „сонот на секој маж“ и опишувајќи ја како „волшебна“ и „божествена“.

Профилот на Bindi Raye е само еден од многуте лажни профили креирани за да привлечат следбеници и да ги пренасочат кон веб-страници што функционираат врз основа на претплата. Како што AI алатките стануваат сè понапредни, разликувањето помеѓу содржина со вистински луѓе и содржина генерирана од вештачка интелигенција може да стане сè потешко.