Забава
Француски пекар му го продаде бизнисот на бездомник за 1 евро
Француски пекар реши да му го продаде својот бизнис на бездомник за само едно евро, а има огромна причина да му биде благодарен на новиот сопственик.
Имено, францускиот пекар Мишел Фламан, кој има 62 години, во декември минатата година за малку ќе умрел, кога печката во неговата пекарница почнала да испушта отровен гас, но во тој момент бездомникот кој се врткал пред пекарницата видел што се случува и повикал брза помош.По 12 дена поминати во болница, Фламан решил секој ден да го храни 37-годишниот бездомник Жером Осан, кој го спасил, со еден кроасан и кафе. Но, решил и да му понуди работа, само неколку часа дневно во пекарницата.Корпулентниот Фламан, за себе вели дека секогаш имал големо срце и покрај „свинскиот карактер“.Сепак, вели дека судбоносниот ден во декември, кога за малку ќе се отруел од јаглерод моноксид, ако не го спасел Осан, му покажал дека животот бара од него да се одмори.Затоа, кога по неколку месеци работа на Осан во пекарницата, видел дека тетовираниот Осан добро се снаоѓа, вреден е и послушен, решил да му ја продаде пекарницата.„Јас премногу барам. Но работата треба да се сработи и тоа онака како што велам јас, а Жером е доволно паметен за да ги слуша моите совети“, вели белокосиот Фламан.Тој вели дека како дете мислел дека ќе биде возач на камион, но дека кога наполнил 14 години, татко му го вовел во работата во пекарницата, а кога тој починал Мишел го презел бизнисот. Сега, неговите три ќерки не се заинтересирани за продолжување на работата на пекарницата.„Што е поважно, животот или парите? Не се грижам за пари. Не сум богат, но имам доволно. Сакам да бидам слободен. Сакам да забавам. А исто така, тоа него го прави среќен…“, вели Фламан, кој две години се обидувал да ја продаде пекарницата.Фламан ќе го обичува Осан до септември кога ќе се повлече од работата во пекарницата која трае од полноќ до пладнде шест дена во неделата.Потоа, сѐ ќе зависи од него, вели Фламан.„Жером е вреден работник и сака да успее. Тој заслужува шанса“.„Сакам да работам, а работните саати не ми се тешки“, вели Жером.Осан, кој има мало работно искуство од претходно, освен што работел на саеми, панаѓури сезонски вели дека ќе работи сто отсто и одговорно.„Мишел ми даде дар и сега сакам да го заслужам“, додава Осан.Фламан, кој е седнат на пластични гајби да ги одмори артритичните нозе вели: „Цел живот правам леб, сега сум уморен “./крај/тл/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Eден од омилените сараевски бендови се враќа на сцената по петгодишна пауза
На сцената се враќа легендарниот сараевски бенд „Плави оркестар“, омилениот бенд на некои луѓе во регионот. Бендот првпат по пет години ќе настапи на 6 јули во Славонски Брод, на 3 август во Опатија, на 24 август во Сплит и на 1 септември во Врсар.
Кариерата на бендот ја одбележаа големите хитови, како што се песните „Суада“, „Каја“, „Подобро пијан отколку стар“, „Сава тихо тече“, чија популарност и присуство постои со години.
Бендот беше основан во Сараево во 1983 година како дел од движењето „Нови примитивци“, во кое беа вклучени и „Забрането пушење“, Елвис Ј. Куртовиќ и некои други музичари од Сараево. Критичарите го сметаат бендот за еден од најголемите културни феномени во осумдесеттите и деведесетите, близок и на постарите и на помладите генерации слушатели.
Издадоа 8 албуми, кои се продадени во над 5 милиони примероци, а неколкупати го обиколија светот со вкупно повеќе од 1.500 концерти.
Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување, кое може да предизвика грчеви во мускулите и губење на подвижноста. А сега во интервју за „Вог“, Дион, меѓу другото, проговори и за својата болест и рече дека живее ден за ден.
Како уметник што настапува пред светската публика од својата 13-та година, Дион рече дека ѝ било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Вог“ признала и колку ѝ било тешко кога ја добила дијагнозата.
„На почетокот се запрашав: ‘Зошто јас? Како се случи ова? Што направив? Дали е моја вина?’ ‘Животот не ти дава одговори. Тоа е сѐ што ви треба за да живеете. Ја имам оваа болест од непозната причина’“, рече таа и додаде дека „има сила во себе и знае дека ништо нема да ја спречи“.
Забава
(Видео) Џорџина и Роналдо објавија видео од плажа, им се допадна на три милиони луѓе
Џорџина Родригез на „Инстаграм“ објави романтично видео на кое ужива на плажа со својот партнер Кристијано Роналдо ставајќи крај на шпекулациите за проблеми во врската.
View this post on Instagram
„Во рајот со тебе“, напиша таа покрај видеото на кое се шетаат на плажа и се бакнуваат, а видеото им се допадна на повеќе од 3 милиони луѓе.
Роналдо на својот „Инстаграм“ сподели и фотографии од одморот, каде што покажа како се забавуваат и напиша: „Среќа“.