Hitech
Дебитира 335 серија на Intel® Solid-State Drive
Корпорацијата Intel во понеделникот објави дека започна со испорачувањето на првите дискови (SSD) направени со водечката 20 нанометарска NAND флеш меморија.
Новата серија Intel® Solid-State Drive 335 (Intel® SSD 335 Series) ја содржи најмалата и најефикасна NAND флеш ќелија на пазарот што и’ овозможува на компанијата да ја унапреди својата серија 300 клиент/потрошувач SSD дискови со помош на нова технологија.
Овие дискови нудат подобрување на целокупното работење на компјутерот, ја зголемуваат продуктивноста на апликациите и другите активности на процесирање како што се пребарување на интернет, гледање филмови, видео конференции итн.
Серијата 335 Intel е SATA диск со шест гигабајти во секунда (Gb/s) кој може да го замени традиционалниот, побавен хард диск (HDD) со цел да се добие побрз пристап до документи и програми. Интел SSD 335 има капацитет од 240 гигабајти (GB) кој последователно чита 500 мегабајти во секунда (MB/s) и 450 MB/s последователни записи за да им овозможи на корисниците комбинација од врвен перформанс и квалитет на Intel по поволна цена.
Овој производ е првиот диск на Intel кој ја користи најновата 20 нанометарска NAND флеш меморија која е заеднички производ со Intel/Micron flash технологија (IMFT). Taa bеше најавена во април, а испораката започна во декември 2011 година. Оваа NAND технологија користи структура на ќелиите која овозможува поагресивно скалирање на ќелиите за разлика од конвенционалните архитектури. Дваесет нанометарската 64Gb NAND меморија користи рамна структура на ќелиите, прва од ваков вид, за да ги надмине потешкотиите кои се јавуваат со напредни технологии и со тоа овозможуваат добар перформанс и доверливост на исто ниво како претходната 25 нанометарска генерација. Рамната структура на ќелиите успешно ги надминува скалабилните ограничувања на стандардната NAND портна ќелија со интегрирање на првиот Hi-K/metal gate stack со NAND производство.
„Intel SSD 335 користи Hi-K/metal технологија на рамни ќелии, која ги надминува скалабилните ограничувања и ја испорачува најмалата NAND ќелија,“ изјави Роб Крук, потпретседател на компанијата Intel и менаџер на групацијата „Intel Non-Volatile Memory (NVM) Solutions Group“.
„Со поместување на ограничувањата на технологиите и со користење на иновација во процесите, Интел може да продолжи со унапредување на SSD технологијата и да им помогне на корисниците да заштедат“, дополни Крук.
Intel SSD 335 нуди перформанс најдобар во својата класа, квалитет и вредност. По мерењето на случајни инпут/аутпут (I/O) операции во секунда (IOPS) користејќи 4KB IOPS, Интел SSD 335 чита до 42,000 IOPS и запишува со 52,000 IOPS. Достапен во 2,5 инчен форм фактор во 9,5мм кејс, тој е брза замена за конвенционалниот хард диск. Со 3 годишна гаранција, Интел SSD 335 серијата од денес е достапна ширум светот.
На сите оние кои ќе купат Intel SSD диск, достапен им е и Intel® SSD Toolbox со Intel® SSD Optimize, бесплатна услуга за корисниците на Microsoft Windows* што им овозможува моќен сет од менаџерски, информациски и дијагностички алатки за одржување на здравјето и перформансот на дискот. Достапен е во 11 јазици и е компатибилен со Windows* 8. За да си ја олеснат инсталацијата, сите Intel SSD корисници може да го преземат бесплатниот софтвер-Intel® Data Migration Software што ќе им помогне да ги клонираат сите содржини од претходниот диск (SSD или HDD) на кој било Intel SSD диск./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Hitech
Во Кина побарувачката за мобилни телефони на „Епл“ значително се намали, продажбата на „Хуавеј“ скокна за 70 отсто
Испораките на мобилни телефони на „Епл“ во Кина паднаа 19 отсто во првиот квартал, што ја одразува заканата за доминантната позиција на американскиот гигант во повисокиот сегмент по враќањето на „Хуавеј“ на пазарот, покажуваат податоците на пазарот. Уделот на „Епл“ на најголемиот пазар на паметни телефони во светот падна на 15,7 отсто во првиот квартал, од 19,7 отсто на почетокот на 2023 година. Ова го доведе американскиот гигант речиси на исто ниво со „Хуавеј“, чија продажба скокна 70 отсто, според истражувачката компанија Counterpoint.
„Виво“ ја презеде круната на „Епл“ како најголем продавач на паметни телефони во Кина. Американската компанија падна на третото место, зад „Хонор“, бренд на подостапни уреди. На четврто место е „Хуавеј“, чиј пазарен удел скокна од минатогодишните девет на 15,5 отсто.
„Враќањето на „Хуавеј“ на пазарот директно влијаеше на „Епл“ во премиум-сегментот. Треба да се додаде дека побарувачката за нови мобилни телефони на „Епл“ за замена на постарите модели беше малку придушена во споредба со претходните години“, рече аналитичарот на Counterpoint, Иван Лам, во соопштението за печатот.
Во меѓувреме, „Епл“ почна промотивни кампањи обидувајќи се да ги привлече потрошувачите со попусти, вклучувајќи субвенционирање одредени модели на „Ајфон“ до 1.300 јуани (168,29 евра).
Минатата недела „Хуавеј“ ѝ ја претстави на јавноста новата серија смартфони Pura 70. Во август минатата година, по долга пауза, ја лансираа серијата Mate 60, која некои аналитичари ја протолкуваа како триумф над американските санкции, врз основа на софистицирано домашно производство на чип.
Канадската истражувачка компанија TechInsights очекува Кинезите да купат повеќе од 50 милиони мобилни телефони оваа година, вклучително и 10 милиони од Huawei Pura 70. Тоа ќе го стави „Хуавеј“ на прво место, со пазарен удел од 19 отсто, што е повеќе од 12 отсто минатата година.
Во првиот квартал кинескиот пазар на паметни телефони порасна 1,5 отсто продолжувајќи го позитивниот тренд од крајот на 2023 година, според Counterpoint.
Hitech
„Воцап“ воведе суптилна промена, корисниците во светот бесни
Со оглед на тоа дека има две милијарди активни корисници, слободно може да се каже дека „Воцап“ е една од најпопуларните апликации во светот. Но, многумина останаа бесни по новата суптилна промена воведена во платформата за пораки.
Наместо „онлајн“ и „пишува“, зборовите што вообичаено се појавуваат под имињата на луѓето во вашите разговори, сега има големи почетни букви на тие зборови. Иако ова звучи како мала промена, корисниците во светот воопшто не се задоволни поради тоа и се жалат на социјалните мрежи.
The word “online” was capitalized on @WhatsApp this week. Tell me why this is bothering me so much 🫠 pic.twitter.com/SfYqw0JdQ9
— Rebecca Franks (@riggaroo) April 13, 2024
„Дали на некој друг му пречи што наместо ‘онлајн’ и ‘пишува’, ‘Воцап’ сега исфрла големи букви?“, „Ова страшно ме нервира, ме болат очите кога го гледам“, „Воопшто не е некоја промена, но мене ми е неверојатно иритирачки“, пишуваат тие на „Икс“.
@isabellemariewa Wieso schreibt ihr das auf ein mal groß Whatsapp? Ich habe Fragen #fyp #whatsapp #relatable #foryou ♬ Originalton – Isabelle Marie
За жал, се чини дека промената ќе остане, без достапна опција во поставките за враќање на претходната верзија. Меѓутоа, ако новите големи букви навистина ве излудуваат, ќе бидете среќни кога ќе слушнете дека постои лесен начин за решавање. Сè уште има мали букви на WhatsApp Web.
@oicaramba Did whatsapp always capitalize the first letter of “typing” and “online”? #fyp ♬ original sound – oicaramba
@sophiepetrucciohall #whatappstatus #whatsapp anyone else noticed? #fyp #mybrain ♬ оригинальный звук – •🎧🎤•
Hitech
Xiaomi почна да произведува електрични автомобили
Кинескиот Xiaomi ги предупредува потенцијалните купувачи на електричниот седан SU7 дека можеби ќе треба да чекаат четири до седум месеци за нивниот автомобил поради големата побарувачка.
Производителот на паметни телефони и друга електроника за широка потрошувачка почна да прима нарачки за својот модел на електричен автомобил, кој влезе на пазарот во четвртокот и објави дека преднарачките го достигнале бројот 88.898 во првите 24 часа.
Според статусот на апликацијата за нарачки автомобили на Xiaomi, испораките за стандардниот модел SU7, по цена од 215.900 јуани или 29.870 долари, би можеле да траат помеѓу 18 и 21 недела.
Чекањето за испорака на моделот SU7 Pro би можело да трае од 18 до 21 недела, а за најскапиот модел, чија цена е 299.900 јуани или 41,5 илјад долари, може да се протега меѓу 27 и 30 недели.
SU7, чиј дизајн потсетува на моделите на спортски автомобили на Porsche Taycan и Panamera, беше лансиран во услови на жестока ценовна војна на светскиот пазар на автомобили, каде што повеќе од 40 марки се натпреваруваат за вниманието на потрошувачите.
Xiaomi не е без силни средства, забележуваат аналитичарите, кои истакнуваат дека има подлабоки џебови од многу стартапи за електрични возила и дека неговата експертиза во бизнисот со паметни телефони му дава предност во развојот на системи за електронски надзор, карактеристика што ја ценат кинеските потрошувачи.