Hitech
iMindQ Корисна апликација наменета за зголемување на продуктивност и креативност
iMindQ претставува mind mapping software алатка, која служи за креирање мисловни мапи (mind maps), концептуални мапи (concept maps), дијаграми на текови (flowcharts) и разни други видови дијаграми.
Процесот на креирање на мисловни мапи, се нарекува mind mapping и е многу корисна техника за визуелизација и организација на нови идеи, справување со обемни информации, ефикасно решавање на проблеми, донесување одлуки и презентирање на концептите.
Широкораспространетата употреба на оваа техника за генерирање идеи и концептуализација, наоѓа особена примена во бизнис и едукативниот сектор, каде корисниците можат визуелно да претстават најразлични процеси или да визуелизираат разноврсни теми и поими.
Техниката помага за ефективно организирање на активности, задачи, настани, состаноци, интуитивно запишување на забелешки, креирање на план на активности, планирање на проекти, менаџирање на brainstorming сесии, тимска колаборација, комуницирање и споделување на информации меѓу соработници, полесно меморизирање на одредени теми, презентирање иновативен и уникатен начин и други. Начинот на креирање на мисловни мапи е навистина едноставен и затоа ова е алатка која може да ја користи секој, без разлика на возраста и занимањето.
Постапката за креирање на мисловна мапа е следниов: се тргнува од една централен наслов (централна тема), која се разгранува на поднаслови (subtopics), притоа користејќи принцип на логичка поврзаност, со цел да се разгради и детализира главната тема. Со употреба на софтверот iMindQ, корисниците можат да креираат таканаречени датотеки на знаење (knowledge repository), при што алатката дозволува вметнување не само на текст, туку и на графики, фотографии, линкови до документи или веб страници, забелешки, каде што може детално да се опише даден поднаслов, корелации, граници, коментари, разни облици, бои и други елементи.
Бенефитите од користењето на ваква алатка се насочуваат кон зголемување на целокупната продуктивност, креативност и организираност, со цел постигнување на подобри резултати во работата или учењето.
Она што го нуди софтверот е флексибилен простор за креирање и приоритизација на идеи, опции за проектно планирање (Gantt дијаграми и Work Breakdown Structure дијаграми), панел за истражување, зачувување во формат на интерактивни HTML мисловни мапи и презентирање на содржината со само еден клик.
Софтверот е достапен на неколку светски јазици: англиски, германски, француски, шпански и португалски, италијански, и на повеќе платформи и оперативни системи: Windows, Mac OS X, iOS, Android и како веб верзија. /крај/мф/зт
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Hitech
„Воцап“ воведе суптилна промена, корисниците во светот бесни
Со оглед на тоа дека има две милијарди активни корисници, слободно може да се каже дека „Воцап“ е една од најпопуларните апликации во светот. Но, многумина останаа бесни по новата суптилна промена воведена во платформата за пораки.
Наместо „онлајн“ и „пишува“, зборовите што вообичаено се појавуваат под имињата на луѓето во вашите разговори, сега има големи почетни букви на тие зборови. Иако ова звучи како мала промена, корисниците во светот воопшто не се задоволни поради тоа и се жалат на социјалните мрежи.
The word “online” was capitalized on @WhatsApp this week. Tell me why this is bothering me so much 🫠 pic.twitter.com/SfYqw0JdQ9
— Rebecca Franks (@riggaroo) April 13, 2024
„Дали на некој друг му пречи што наместо ‘онлајн’ и ‘пишува’, ‘Воцап’ сега исфрла големи букви?“, „Ова страшно ме нервира, ме болат очите кога го гледам“, „Воопшто не е некоја промена, но мене ми е неверојатно иритирачки“, пишуваат тие на „Икс“.
@isabellemariewa Wieso schreibt ihr das auf ein mal groß Whatsapp? Ich habe Fragen #fyp #whatsapp #relatable #foryou ♬ Originalton – Isabelle Marie
За жал, се чини дека промената ќе остане, без достапна опција во поставките за враќање на претходната верзија. Меѓутоа, ако новите големи букви навистина ве излудуваат, ќе бидете среќни кога ќе слушнете дека постои лесен начин за решавање. Сè уште има мали букви на WhatsApp Web.
@oicaramba Did whatsapp always capitalize the first letter of “typing” and “online”? #fyp ♬ original sound – oicaramba
@sophiepetrucciohall #whatappstatus #whatsapp anyone else noticed? #fyp #mybrain ♬ оригинальный звук – •🎧🎤•
Hitech
Xiaomi почна да произведува електрични автомобили
Кинескиот Xiaomi ги предупредува потенцијалните купувачи на електричниот седан SU7 дека можеби ќе треба да чекаат четири до седум месеци за нивниот автомобил поради големата побарувачка.
Производителот на паметни телефони и друга електроника за широка потрошувачка почна да прима нарачки за својот модел на електричен автомобил, кој влезе на пазарот во четвртокот и објави дека преднарачките го достигнале бројот 88.898 во првите 24 часа.
Според статусот на апликацијата за нарачки автомобили на Xiaomi, испораките за стандардниот модел SU7, по цена од 215.900 јуани или 29.870 долари, би можеле да траат помеѓу 18 и 21 недела.
Чекањето за испорака на моделот SU7 Pro би можело да трае од 18 до 21 недела, а за најскапиот модел, чија цена е 299.900 јуани или 41,5 илјад долари, може да се протега меѓу 27 и 30 недели.
SU7, чиј дизајн потсетува на моделите на спортски автомобили на Porsche Taycan и Panamera, беше лансиран во услови на жестока ценовна војна на светскиот пазар на автомобили, каде што повеќе од 40 марки се натпреваруваат за вниманието на потрошувачите.
Xiaomi не е без силни средства, забележуваат аналитичарите, кои истакнуваат дека има подлабоки џебови од многу стартапи за електрични возила и дека неговата експертиза во бизнисот со паметни телефони му дава предност во развојот на системи за електронски надзор, карактеристика што ја ценат кинеските потрошувачи.
Hitech
(Видео) Neuralink покажа како човек го движи курсорот на глувчето на екранот со своите мисли
Стартапот на Елон Маск, Neuralink, покажа како 29-годишен неподвижен човек, кому неодамна му бил вграден првиот чип во мозокот, игра шах на интернет преку своите мисли.
Целосно парализираниот Нолад Арбог играше шах на својот лаптоп движејќи го курсорот на глувчето со умот. Имплантот на стартапот на Маск му беше вграден пред два месеца.
— Neuralink (@neuralink) March 20, 2024
„Моето име е Ноланд Арбо, имам 29 години, имав нуркачка несреќа пред осум години и оттогаш сум квадриплегичар. Сакам да играм шах и тоа е една од активностите што ми ги овозможивте, нешто што не можев да го направам во изминатите неколку години, особено не вака. Порано користев глушец, но сега правам сè со мојот мозок“, изјави, меѓу другото, Ноланд.
Чипот на Neuralink е дизајниран да ја чита мозочната активност, да дешифрира какво движење има намера да направи личноста, а потоа да активира команда за извршување на таа акција. Арбо рече дека првично вежбал да се обидува да ја движи раката додека не станало интуитивно да се замисли како го движи курсорот.