Hitech
Нови iPhone ќе функционира како дигитален паричник
Американскиот технолошки гигант Apple постигнал договор со куќите за платежни картички новиот модел iPhone да може да се користи за плаќање, пренесува Bloomberg повикувајќи се на анонимни извори.
Американскиот технолошки гигант Apple постигнал договор со куќите за платежни картички новиот модел iPhone да може да се користи за плаќање, пренесува Bloomberg повикувајќи се на анонимни извори.
Како што се претпоставуваат американските медиуми, Apple ќе ја претстави својата нова верзија на паметниот телефон iPhone во текот на септември. Истовремено, според агенцијата, би можело да биде објавено и дека е постигнат договор со Visа, MasterCard и American Express. Така, новиот модел на iPhone би се претворил во мобилен паричник.
Новата технологија ќе овозможи да се вршат плаќања без користење на платежните картички, што ќе потврдува со отпечатоците до палците на нивните сопственици.
Претходно извршниот директор на Apple, Тим Кук веќе објави дека технологија за распознавање на отпечатоците на палците ќе може да се применува за мобилни плаќања. Таквата функција под називот Touch ID веќе беше воведена пред околу една година, кога беше лансиран моделот iPhone 5s.
Прес-конференцијата на којашто Apple најверојатно ќе го претстави новиот модел на водечкиот паметен телефон означен од медиумите како iPhone 6 ќе се одржи на 9-ти септември, кога се очекува да биде објавен и договорот со картичните куќи, според сајтот Re/code, партнерски портал на телевизиската мрежа CNBC, кој вообичаено има точни информации за новитетите од компанијата. Претходно блогот Macrumors пишуваше дека новиот смартфон на Apple ќе биде претставен на 16-ти септември, а некои слични ресурси претпоставуваа дека тоа ќе се случи во периодот меѓу 15-ти и 25-ти септември, додека во продажба ќе биде пуштен на 14-ти октомври.
Според експертите, новиот iPhone ќе добие 13-мегапискелна камера, двојадрен процесор А8 со минимална брзина од 2 GHz. Капацитетот на батеријата ќе биде зголемен и до 60 отсто, и се претпоставува дека во 4,7-инчниот (12 см) гаџет таа ќе биде со 1.800 mAh, а 5,5-инчната (13 см) верзија на уредот ќе биде опремена со батерија од 2.500 mAh.
Не се исклучува дека iPhone 6 ќе биде опремен со сигурносно стакло, коешто е создадено со користење на кристали од сафир. Компанијата ја искористи таа технологија при производството на копчињата за враќање на позицијата „почетен екран“ (Home) и во леќите на камерите вградени во iPhone 5S.
Сигурносното стакло од новата генерација Gorilla Glass 3, всушност, треба да биде една од клучните карактеристики на новиот iPhone. Во почетокот на ноември 2013 година Apple за 578 милиони долари го купи производителот на сафирно стакло „GT Advanced Technologies“, како што тврдат извори од глобалниот пазар, чии производи ќе бидат широко користени во новата продукција на Apple.
Претставниците на Apple вообичаено не откриваат поединости за најавениот настан, па до последниот момент никој со сигурност не може да тврди дали овојпат што ќе соопштат од компанијата./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Hitech
Во Кина побарувачката за мобилни телефони на „Епл“ значително се намали, продажбата на „Хуавеј“ скокна за 70 отсто
Испораките на мобилни телефони на „Епл“ во Кина паднаа 19 отсто во првиот квартал, што ја одразува заканата за доминантната позиција на американскиот гигант во повисокиот сегмент по враќањето на „Хуавеј“ на пазарот, покажуваат податоците на пазарот. Уделот на „Епл“ на најголемиот пазар на паметни телефони во светот падна на 15,7 отсто во првиот квартал, од 19,7 отсто на почетокот на 2023 година. Ова го доведе американскиот гигант речиси на исто ниво со „Хуавеј“, чија продажба скокна 70 отсто, според истражувачката компанија Counterpoint.
„Виво“ ја презеде круната на „Епл“ како најголем продавач на паметни телефони во Кина. Американската компанија падна на третото место, зад „Хонор“, бренд на подостапни уреди. На четврто место е „Хуавеј“, чиј пазарен удел скокна од минатогодишните девет на 15,5 отсто.
„Враќањето на „Хуавеј“ на пазарот директно влијаеше на „Епл“ во премиум-сегментот. Треба да се додаде дека побарувачката за нови мобилни телефони на „Епл“ за замена на постарите модели беше малку придушена во споредба со претходните години“, рече аналитичарот на Counterpoint, Иван Лам, во соопштението за печатот.
Во меѓувреме, „Епл“ почна промотивни кампањи обидувајќи се да ги привлече потрошувачите со попусти, вклучувајќи субвенционирање одредени модели на „Ајфон“ до 1.300 јуани (168,29 евра).
Минатата недела „Хуавеј“ ѝ ја претстави на јавноста новата серија смартфони Pura 70. Во август минатата година, по долга пауза, ја лансираа серијата Mate 60, која некои аналитичари ја протолкуваа како триумф над американските санкции, врз основа на софистицирано домашно производство на чип.
Канадската истражувачка компанија TechInsights очекува Кинезите да купат повеќе од 50 милиони мобилни телефони оваа година, вклучително и 10 милиони од Huawei Pura 70. Тоа ќе го стави „Хуавеј“ на прво место, со пазарен удел од 19 отсто, што е повеќе од 12 отсто минатата година.
Во првиот квартал кинескиот пазар на паметни телефони порасна 1,5 отсто продолжувајќи го позитивниот тренд од крајот на 2023 година, според Counterpoint.
Hitech
„Воцап“ воведе суптилна промена, корисниците во светот бесни
Со оглед на тоа дека има две милијарди активни корисници, слободно може да се каже дека „Воцап“ е една од најпопуларните апликации во светот. Но, многумина останаа бесни по новата суптилна промена воведена во платформата за пораки.
Наместо „онлајн“ и „пишува“, зборовите што вообичаено се појавуваат под имињата на луѓето во вашите разговори, сега има големи почетни букви на тие зборови. Иако ова звучи како мала промена, корисниците во светот воопшто не се задоволни поради тоа и се жалат на социјалните мрежи.
The word “online” was capitalized on @WhatsApp this week. Tell me why this is bothering me so much 🫠 pic.twitter.com/SfYqw0JdQ9
— Rebecca Franks (@riggaroo) April 13, 2024
„Дали на некој друг му пречи што наместо ‘онлајн’ и ‘пишува’, ‘Воцап’ сега исфрла големи букви?“, „Ова страшно ме нервира, ме болат очите кога го гледам“, „Воопшто не е некоја промена, но мене ми е неверојатно иритирачки“, пишуваат тие на „Икс“.
@isabellemariewa Wieso schreibt ihr das auf ein mal groß Whatsapp? Ich habe Fragen #fyp #whatsapp #relatable #foryou ♬ Originalton – Isabelle Marie
За жал, се чини дека промената ќе остане, без достапна опција во поставките за враќање на претходната верзија. Меѓутоа, ако новите големи букви навистина ве излудуваат, ќе бидете среќни кога ќе слушнете дека постои лесен начин за решавање. Сè уште има мали букви на WhatsApp Web.
@oicaramba Did whatsapp always capitalize the first letter of “typing” and “online”? #fyp ♬ original sound – oicaramba
@sophiepetrucciohall #whatappstatus #whatsapp anyone else noticed? #fyp #mybrain ♬ оригинальный звук – •🎧🎤•
Hitech
Xiaomi почна да произведува електрични автомобили
Кинескиот Xiaomi ги предупредува потенцијалните купувачи на електричниот седан SU7 дека можеби ќе треба да чекаат четири до седум месеци за нивниот автомобил поради големата побарувачка.
Производителот на паметни телефони и друга електроника за широка потрошувачка почна да прима нарачки за својот модел на електричен автомобил, кој влезе на пазарот во четвртокот и објави дека преднарачките го достигнале бројот 88.898 во првите 24 часа.
Според статусот на апликацијата за нарачки автомобили на Xiaomi, испораките за стандардниот модел SU7, по цена од 215.900 јуани или 29.870 долари, би можеле да траат помеѓу 18 и 21 недела.
Чекањето за испорака на моделот SU7 Pro би можело да трае од 18 до 21 недела, а за најскапиот модел, чија цена е 299.900 јуани или 41,5 илјад долари, може да се протега меѓу 27 и 30 недели.
SU7, чиј дизајн потсетува на моделите на спортски автомобили на Porsche Taycan и Panamera, беше лансиран во услови на жестока ценовна војна на светскиот пазар на автомобили, каде што повеќе од 40 марки се натпреваруваат за вниманието на потрошувачите.
Xiaomi не е без силни средства, забележуваат аналитичарите, кои истакнуваат дека има подлабоки џебови од многу стартапи за електрични возила и дека неговата експертиза во бизнисот со паметни телефони му дава предност во развојот на системи за електронски надзор, карактеристика што ја ценат кинеските потрошувачи.