Hitech
Новиот iPhone е водоотпорен, но без приклучок за слушалки
Американскиот технолошки гигант Apple во средата го претстави новиот модел на паметниот телефон iPhone 7, а лавната новина е што овој е водоотпорен па корисниците повеќе нема да мора да стравуваат од тоа дека телефонот ќе им падне во школката во тоалетот или во мијалникот, а истовремено беше претставен и новиот модел на паметниот часовник.
Моделите IPhone 7 и iPhone 7 Plus на платформата iOS 10 се претставени од првиот човек на Apple, Тим Кук како замена за iPhone 6s i iPhone 6s Plus. „Ова е најдобриот iPhone којшто го направивме“, рече Кук пред илјадниците претставници на телекомуникациската индустрија и новинари
Двата модела се направени во тело од алуминиум во „црна како јаглен“ боја, сребрена, златна и розова. Покрај тоа што е водоотпорен, овој модел доби напредна 12-мегапикселна камера на задниот и на предниот панел. iPhone 7 Plus има две камери на задниот панел со резолуција од 12 мегапиксели.
„Седумката“ има екран од 11,9 сантиметри во дијагонала, додека „Седумката плус“ има екран од 14 сантиметри и „home“ типка чувствителна на притисок.
На овие уреди, исто така, е обновен системот за слушање музика, имено овие нови паметни телефони го немаат вообичаениот 3,5 милиметарски влез за слушалки. За подобрување на квалитетот на звукот, компанијата вгради во уредот дигитално поврзување на слушалките, преку конектор за полнење или безжичната Bluetooth технологија. Комплетот, сепак, ќе содржи адаптер за користење стандардни слушалки.
Новите модел на уредот на технолошките портали не се оценуваат како фундаментално различни од моделот лансиран во 2014 година. Двата нови модела се надградени со зголемен обем на внатрешна меморија од 32, 128 и 256 гигабајти и помоќна батерија. Се истакнува дека телефоните со новите батерии ќе работат еден час подолго отколку моделот Phone 6S и два часа повеќе отколку кај iPhone 6.
Цените на iPhone 7 се од 649 долари нагоре. Порачките за новите уреди ќе се примаат од петокот 9-ти септември, а испораките ќе започнат од 16-ти септември во 28 земји, САД, неколку европски земји, како и во Кина, Сингапур, Обединетите Арапски Емирати. Една седмица подоцна уредите ќе се испорачуваат уште во 30 држава, претежно во земјите од источна Европа.
На презентацијата на новите уреди на Apple којашто се одржа во салта „Bill Graham Auditorium“ а којашто беше директно пренесувана на официјалниот веб-сајт, Тим Кук ги претстави и новите безжични слушалки и новиот паметен часовник.
Часовникот Apple Watch 2, исто така, сега е водоотпорен и издржува притисок до длабочина од 50 метри, а работи на платформата Watch OS3. Доби и нови функции, меѓу кои и вграден систем за навигација GPS, можност за итен повик до службата 911 за помош, како и нова апликација специјална за часовникот – Pokemon Go.
Јапонската компанија Nintendo паралелно објави дека ќе објави верзии на своите игри за iPhone, почнувајќи од Super Mario. Претходно компанијата ги продаваше своите игри само на конзоли.
Часовници се достапни во тела од алуминиум, не’рѓосувачки челик, како и во новиот материјал – керамика, како и спортска верзија, презентирани во соработка со Nike. Моделот, развиен во соработка со брендот Hermes, и натаму останува во оваа линија.
Apple Watch 2 има и побрз процесор од претходникот, како и потрајна батерија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Hitech
Во Кина побарувачката за мобилни телефони на „Епл“ значително се намали, продажбата на „Хуавеј“ скокна за 70 отсто
Испораките на мобилни телефони на „Епл“ во Кина паднаа 19 отсто во првиот квартал, што ја одразува заканата за доминантната позиција на американскиот гигант во повисокиот сегмент по враќањето на „Хуавеј“ на пазарот, покажуваат податоците на пазарот. Уделот на „Епл“ на најголемиот пазар на паметни телефони во светот падна на 15,7 отсто во првиот квартал, од 19,7 отсто на почетокот на 2023 година. Ова го доведе американскиот гигант речиси на исто ниво со „Хуавеј“, чија продажба скокна 70 отсто, според истражувачката компанија Counterpoint.
„Виво“ ја презеде круната на „Епл“ како најголем продавач на паметни телефони во Кина. Американската компанија падна на третото место, зад „Хонор“, бренд на подостапни уреди. На четврто место е „Хуавеј“, чиј пазарен удел скокна од минатогодишните девет на 15,5 отсто.
„Враќањето на „Хуавеј“ на пазарот директно влијаеше на „Епл“ во премиум-сегментот. Треба да се додаде дека побарувачката за нови мобилни телефони на „Епл“ за замена на постарите модели беше малку придушена во споредба со претходните години“, рече аналитичарот на Counterpoint, Иван Лам, во соопштението за печатот.
Во меѓувреме, „Епл“ почна промотивни кампањи обидувајќи се да ги привлече потрошувачите со попусти, вклучувајќи субвенционирање одредени модели на „Ајфон“ до 1.300 јуани (168,29 евра).
Минатата недела „Хуавеј“ ѝ ја претстави на јавноста новата серија смартфони Pura 70. Во август минатата година, по долга пауза, ја лансираа серијата Mate 60, која некои аналитичари ја протолкуваа како триумф над американските санкции, врз основа на софистицирано домашно производство на чип.
Канадската истражувачка компанија TechInsights очекува Кинезите да купат повеќе од 50 милиони мобилни телефони оваа година, вклучително и 10 милиони од Huawei Pura 70. Тоа ќе го стави „Хуавеј“ на прво место, со пазарен удел од 19 отсто, што е повеќе од 12 отсто минатата година.
Во првиот квартал кинескиот пазар на паметни телефони порасна 1,5 отсто продолжувајќи го позитивниот тренд од крајот на 2023 година, според Counterpoint.
Hitech
„Воцап“ воведе суптилна промена, корисниците во светот бесни
Со оглед на тоа дека има две милијарди активни корисници, слободно може да се каже дека „Воцап“ е една од најпопуларните апликации во светот. Но, многумина останаа бесни по новата суптилна промена воведена во платформата за пораки.
Наместо „онлајн“ и „пишува“, зборовите што вообичаено се појавуваат под имињата на луѓето во вашите разговори, сега има големи почетни букви на тие зборови. Иако ова звучи како мала промена, корисниците во светот воопшто не се задоволни поради тоа и се жалат на социјалните мрежи.
The word “online” was capitalized on @WhatsApp this week. Tell me why this is bothering me so much 🫠 pic.twitter.com/SfYqw0JdQ9
— Rebecca Franks (@riggaroo) April 13, 2024
„Дали на некој друг му пречи што наместо ‘онлајн’ и ‘пишува’, ‘Воцап’ сега исфрла големи букви?“, „Ова страшно ме нервира, ме болат очите кога го гледам“, „Воопшто не е некоја промена, но мене ми е неверојатно иритирачки“, пишуваат тие на „Икс“.
@isabellemariewa Wieso schreibt ihr das auf ein mal groß Whatsapp? Ich habe Fragen #fyp #whatsapp #relatable #foryou ♬ Originalton – Isabelle Marie
За жал, се чини дека промената ќе остане, без достапна опција во поставките за враќање на претходната верзија. Меѓутоа, ако новите големи букви навистина ве излудуваат, ќе бидете среќни кога ќе слушнете дека постои лесен начин за решавање. Сè уште има мали букви на WhatsApp Web.
@oicaramba Did whatsapp always capitalize the first letter of “typing” and “online”? #fyp ♬ original sound – oicaramba
@sophiepetrucciohall #whatappstatus #whatsapp anyone else noticed? #fyp #mybrain ♬ оригинальный звук – •🎧🎤•
Hitech
Xiaomi почна да произведува електрични автомобили
Кинескиот Xiaomi ги предупредува потенцијалните купувачи на електричниот седан SU7 дека можеби ќе треба да чекаат четири до седум месеци за нивниот автомобил поради големата побарувачка.
Производителот на паметни телефони и друга електроника за широка потрошувачка почна да прима нарачки за својот модел на електричен автомобил, кој влезе на пазарот во четвртокот и објави дека преднарачките го достигнале бројот 88.898 во првите 24 часа.
Според статусот на апликацијата за нарачки автомобили на Xiaomi, испораките за стандардниот модел SU7, по цена од 215.900 јуани или 29.870 долари, би можеле да траат помеѓу 18 и 21 недела.
Чекањето за испорака на моделот SU7 Pro би можело да трае од 18 до 21 недела, а за најскапиот модел, чија цена е 299.900 јуани или 41,5 илјад долари, може да се протега меѓу 27 и 30 недели.
SU7, чиј дизајн потсетува на моделите на спортски автомобили на Porsche Taycan и Panamera, беше лансиран во услови на жестока ценовна војна на светскиот пазар на автомобили, каде што повеќе од 40 марки се натпреваруваат за вниманието на потрошувачите.
Xiaomi не е без силни средства, забележуваат аналитичарите, кои истакнуваат дека има подлабоки џебови од многу стартапи за електрични возила и дека неговата експертиза во бизнисот со паметни телефони му дава предност во развојот на системи за електронски надзор, карактеристика што ја ценат кинеските потрошувачи.