Hitech
Претставен новиот Windows 10 на Microsoft
Компанијата Microsoft во средата ја претстави својата нова генерација на оперативниот систем Windows 10 и најави дека новите Windows-и ќе ги направи достапни како бесплатна надградба за сопствениците на последните верзии на Windows, а го претстави и својот нов пребарувач со кодно име Spartan за кој се претпоставува дека ќе го замени Internet Explorer.
Новите Windows-и 10 се многу поедноставни од претходникот Windows 8.1, кој наиде на млаки реакции. Во Microsoft објаснуваат дека станува збор за прва холографска платформа, којашто овозможува создавање холографски искуства во реалниот свет.
Уште ланскиот септември од компанијата истакнаа дека нејзините програмери за новиот оперативен систем одлучиле да ја „прескокнат 9-ката“ и дека ќе ги искористат подготвуваните за неа решенија во новата варијанта на системот. Како што се прецизира, во неа се обновени некои стари веќе традиционални функции кои отсуствува од претходниот Windows 8, што предизвика незадоволно кај корисниците.
Во Microsoft ги земале предвид предлозите и ги уверуваат корисниците дека при работата со новата верзија нема да имаат проблем без разлика кој оперативен систем Windows го користат во моментов. Вратена е во менито „Start“ која ја имаше во Windows 7 но визуелната нотација на функцијата останува во форматот на Windows 8. Како што соопштија од компанијата „се осигурува потврденоста на Windows 7 со додавање на предностите на Windows 8“.
Новиот пребарувач на Microsoft кој го доби кодниот назив Spartan, според најавата, се одликува со голема брзина а според експертите многу наликува на другите популарни интернет прелистувачи – Firefox и Chrome. Неговата промоција беше планирана токму со лансирањето на новиот оперативен систем Windows 10.
Интернет ресурсот ZDNet истакнува дека Spartan не е само нова, 12-та по ред верзија на пребарувачот Internet Explorer, туку дека засебно е направена и верзијата Internet Explorer 11. Притоа Spartan ќе биде достапен во најмалку две верзии, за мобилни телефони и за персонални компјутери. Spartan беше работниот назив на проектот, но не јасно е дали со текот на времето ќе биде променет.
Медиумите истакнуваат дека и двата продукта од Microsoft успеале да ги завршат според плановите и најавената дата за презентација 21-ви јануари./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Hitech
(Видео) Neuralink покажа како човек го движи курсорот на глувчето на екранот со своите мисли
Стартапот на Елон Маск, Neuralink, покажа како 29-годишен неподвижен човек, кому неодамна му бил вграден првиот чип во мозокот, игра шах на интернет преку своите мисли.
Целосно парализираниот Нолад Арбог играше шах на својот лаптоп движејќи го курсорот на глувчето со умот. Имплантот на стартапот на Маск му беше вграден пред два месеца.
— Neuralink (@neuralink) March 20, 2024
„Моето име е Ноланд Арбо, имам 29 години, имав нуркачка несреќа пред осум години и оттогаш сум квадриплегичар. Сакам да играм шах и тоа е една од активностите што ми ги овозможивте, нешто што не можев да го направам во изминатите неколку години, особено не вака. Порано користев глушец, но сега правам сè со мојот мозок“, изјави, меѓу другото, Ноланд.
Чипот на Neuralink е дизајниран да ја чита мозочната активност, да дешифрира какво движење има намера да направи личноста, а потоа да активира команда за извршување на таа акција. Арбо рече дека првично вежбал да се обидува да ја движи раката додека не станало интуитивно да се замисли како го движи курсорот.
Hitech
Остар пад на продажбата на „ајфон“ во Кина
Продажбата на „ајфон“ на „Епл“ во Кина падна 24 отсто во првите шест недели од оваа година во споредба со почетокот на 2023 година, според истражувачката компанија „Контерпоинт“, како одраз на се посилната конкуренција.
Американскиот технолошки гигант се соочува со жестока конкуренција од кинеските ривали. Така, продажбата на „хуавеј“ скокнала 64 отсто во истиот период, се наведува во извештајот.
Ниту „Ајфон“ ниту „Хуавеј“ веднаш не одговорија на барањето на Би-би-си за коментар на податоците.
Покрај обновениот раст на продажбата на „хуавеј“ во сегментот на поскапи телефони, „Епл“ е под притисок и од агресивната ценовна политика на кинеските „Опо“, „Виво“ и „Ксијаоми“, напиша Менгменг Џанг од „Контерпоинт рисрч“.
Според извештајот, падот на кинескиот пазар во целина е седум проценти. Кина е еден од најголемите пазари на „Епл“.
„Хуавеј“ со години е измачуван од американските санкции, но неговата продажба порасна кога во август минатата година ја лансира серијата 5Г-мобилни телефони „мате 60“, што ги изненади аналитичарите бидејќи му беше забранет пристапот до клучните чипови и технологијата потребни за 5Г-мобилен интернет.
Заедно со „Хуавеј“, само „Хонор“ забележа раст на продажбата меѓу првите пет брендови, според извештајот на „Контерпоинт“. Според „Контерпоинт“, „Виво“, „Ксијаоми“ и „Опо“ продале помалку мобилни телефони отколку во првите шест недели од 2023 година.
Извештајот исто така покажа дека уделот на „Епл“ на кинескиот пазар на паметни телефони паднал на 15,7 отсто од 19 отсто минатата година, што значи дека паднал од второто на четвртото место.
„Хуавеј“ се искачи на второто место, со пазарен удел од 16,5 отсто, речиси двојно повеќе од пред една година.
„Виво“ ја задржа позицијата на производител со најмногу продадени мобилни телефони и покрај падот на продажбата од 15 проценти.
Hitech
Илон Маск ги исмеа Инстаграм и Фејсбук: „Ако ја читате оваа објава…“
Сопственикот на апликацијата „Икс“ Илон Маск, се потсмеваше на својот профил поради неуспехот на Фејсбук и Инстаграм.
По цел ден корисници на Фејсбук, Месинџер и Инстаграм се жалеа дека не можат да пристапат до нивните сметки, медиумите објавија дека има дефект и дека не се знае кога ќе биде отстранет.
If you’re reading this post, it’s because our servers are working
— Elon Musk (@elonmusk) March 5, 2024
Поради оваа вест и прашањето на многумина, што всушност се случува, се огласи Илон Маск, сопственикот на социјалната мрежа „Икс“ (поранешен Твитер), на кого корисниците на оваа мрежа масовно му поставуваа прашања за падот на апликациите на Мета.
— Elon Musk (@elonmusk) March 5, 2024
„Ако ја читате оваа објава, тоа е затоа што нашите сервери работат“, напиша Маск на својот „Икс“ профил.