Забава
Хју Џекмен на удар по појавувањето со новата девојка на Мет Гала
Хју Џекмен се најде на мета на критики откако на овогодинешната „Мет Гала“ се појави со својата нова девојка, актерката Сатон Фостер. Нивното пристигнување во Метрополитен музејот на уметноста во понеделникот вечерта, при кое позираа држејќи се за раце, многумина го протолкуваа како нечувствителен потег кон неговата поранешна сопруга, Дебора-Ли Фернес, пишува „Дејли мејл“.
На социјалните мрежи брзо се појавија критики, а дел од корисниците потегот на Џекмен го опишаа како „непочитување“ и недостаток на „класа“.
„Не поддржувам! Засекогаш сме во тимот на Деби!!“, напиша еден корисник.
„Кутра Дебора“, додаде друг, додека трет кратко порача: „Не сум воодушевен.“
Меѓу коментарите имаше и пораки како: „Го изгуби моето големо почитување“ и „Да, ова е бедно.“
Џекмен во јуни минатата година официјално го финализираше разводот од Дебора-Ли Фернес, со која беше во брак 27 години. Неговата врска со Сатон Фостер започнала кон крајот на 2024 година, откако двајцата во 2021 година заедно глумеа во бродвејската претстава The Music Man.
Џекмен (57) и неговата поранешна сопруга (70) со години беа редовни гости на Мет Гала, а последен пат таму заедно се појавија во 2023 година. Следната година актерот дојде сам, додека ланската Мет Гала ја прескокна среде медиумски пропратениот развод.
За враќањето на Мет Гала во 2026 година, Џекмен го избра друштвото на Сатон Фостер (51), со која се искачи по славните скали на Метрополитен музејот на уметноста. Парот делуваше вљубено, а за време на позирањето на црвениот тепих често разменуваа нежни погледи.
Џекмен носеше црн смокинг со стилизирано кадифено сако и елегантни чевли. Беше свежо избричен, а кратката кафеава коса ја имаше зачешлана со гел. Сатон Фостер блесна во светкава златна тоалета на едно рамо, комбинирана со чантичка украсена со скапоцени камења.
Нивното прво заедничко појавување на Мет Гала дојде во момент кога сѐ погласно се шпекулира за можна свадба. Списанието „Глоуб“ во февруари објави дека Џекмен наводно ја одбил идејата за потпишување предбрачен договор со бродвејската ѕвезда.
Наводните планови за свадба доаѓаат помалку од една година по финализирањето на, како што беше опишуван, тежок развод меѓу Хју и Дебора-Ли. Поранешниот пар, кој се раздели во 2023 година, има две возрасни деца – 25-годишниот син Оскар и 20-годишната ќерка Ава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Пејачката Милица Тодоровиќ успеала да изгуби дури 15 килограми
Пејачката Милица Тодоровиќ успеала да изгуби дури 15 килограми пред породувањето, а во една прилика открила дека во тој период решила и здравствен проблем за кој не ни знаела дека го има.
Таа дознала дека има инсулинска резистенција, а проблемот го решила со целосна промена на животните навики. Тодоровиќ отворено зборувала за својата борба со килограмите, истакнувајќи дека претходно често била на диети кои не давале долгорочни резултати.
„Јас сето тоа го нарекувам нова ера на Милица Тодоровиќ, а тоа подразбира сè… Не се магии, едноставно имав голема инсулинска резистенција, тоа беше здравствен проблем за кој не знаев“, изјавила таа во емисијата „Амиџи шоу“.
Милица признала дека со години се борела – губела килограми, па повторно ги враќала, а голема улога во сето тоа имал и стресот. Дури кога го решила здравствениот проблем, успеала да направи трајна промена и да ослабе 15 килограми, чувствувајќи се подобро и поздраво.
Таа истакнала дека е голем гурман, но дека никогаш не се доживувала себеси како „буцка“.
„Сите знаеме како се слабее, но најчесто не го применуваме тоа. Уживам во храната и многу сакам да јадам! И кога се здебелив, тие неколку килограми вишок ми пречеа. Но не се доживував како буцка. Сепак, бев свесна дека тоа што го правам не е добро за здравјето, особено затоа што мојата исхрана најчесто беше пржена, мрсна и слатка“, искрено рекла пејачката.
Наместо строги забрани, Милица вовела јасни правила и дисциплина. Покрај тоа што пиела многу вода и зелен чај, нејзиниот дневен мени кој дал резултати бил:
Појадок: овесни снегулки прелиени со вода и овошје
Ручек: месо и салата
Забава
Тие повторно ќе блеснат силно: Четири хороскопски знаци ќе се радуваат како никогаш досега
Астролозите тврдат дека вратите на среќата, новите можности и позитивните промени се отвораат за одредени хороскопски знаци во наредниот период.
По месеци неизвесност и стагнација, ѕвездите конечно им испраќаат бран добра енергија што би можел да влијае на љубовта, работата, финансиите и личниот развој. Додека некои конечно ќе ги пожнеат плодовите од своите напори, други хороскопски знаци одеднаш ќе се најдат во ситуации што можат да им го променат животот на подобро.
Лав
Прв меѓу нив е Лавот. Лавовите се соочуваат со период во кој повторно ќе блеснат во полн сјај. Нивната харизма и самодоверба доаѓаат до израз, а тоа би можело да ги доведе до деловен успех и нови познанства.
Многу Лавови ќе почувствуваат силен бран на мотивација, па затоа ќе им биде полесно да донесуваат одлуки што ги одложувале долго време. Во љубовта, можат да очекуваат искрени разговори и постабилни врски, додека слободните би можеле да сретнат личност која целосно ќе ги освои.
Бик
Биковите исто така ќе почувствуваат голема промена. По еден турбулентен период, Бикот ќе доживее долгоочекуван мир. Финансиската состојба би можела значително да се подобри, а трудот вложен во претходните месеци конечно ќе почне да се исплати.
Ѕвездите им советуваат да бидат отворени за нови можности бидејќи тие би можеле да го означат почетокот на едно многу успешно поглавје. На приватно ниво, можат да очекуваат повеќе хармонија и чувство на сигурност што им е исклучително важно.
Стрелец
Среќата ќе им биде наклонета и на Стрелците. Стрелците влегуваат во период полн со возбуда, патувања и нови искуства. Енергијата што ќе ја почувствуваат ќе им помогне да излезат од својата рутина и да преземат смели чекори што досега ги избегнуваа.
Можни се големи промени на деловниот план, но и неочекувани средби што ќе им донесат инспирација и оптимизам. Љубовниот живот би можел да цвета, особено за оние кои се подготвени да преземат ризици и да се отворат за нови емоции.
Риби
Рибите исто така ќе почувствуваат позитивни вибрации. Рибите конечно ќе имаат чувство дека работите се склопуваат точно како што посакувале. Нивната интуиција ќе биде посилна од вообичаеното, па затоа лесно ќе препознаваат добри можности и ќе избегнуваат непотребни проблеми.
Ова е идеално време за нови почетоци, креативни проекти и донесување важни одлуки. Многу Риби ќе почувствуваат големо емоционално олеснување и внатрешен мир.
Забава
(Видео) Поради натпреварувачката од Финска, прекршено евровизиско правило кое важи веќе 28 години
Финската виолинистка, Линда Лампениус, добила ретка можност и специјално одобрување во финалето на овогодинешната Евровизија 2026 во Виена да свири во живо. Со ова, по речиси три децении, е направен исклучок од строгото правило на Евровизија според кое инструменталната придружба на сцена мора да биде однапред снимена.
Таа и пејачот Пет Парконен ја претставуваат Финска со песната „Лиекинхеитин“, која се смета за еден од фаворитите.
Организаторите ѝ дозволиле исклучок поради значењето на виолината во настапот. Линда изјавила дека виолината е нејзиниот глас во песната и дека конечно ќе може да „пее“ на сцена.
Инаку, правилото за забрана на свирење во живо постои поради брзите смени меѓу настапите и намалување на технички ризици. Вокалите сепак мора да бидат изведени во живо.
Пред оваа одлука, последниот настап со вистински инструменти во живо бил во 1998 година. Во Бирмингем, претставникот на Македонија, Владо Јаневски, ја изведе песната „Не зори, зори“ во придружба на вистински оркестар. Тој настапи последен таа вечер со оркетар. Нгеовиот настап всушност има два историски моменти. Интересно да се напомене е и дека Јаневски беше првиот евровизиски претставник на Македонија.
Се зголемува свесноста за опасноста од меланом и кожните заболувања
Во рамките на ЕУРОМЕЛАНОМА 2026 денеска во Градскиот парк во Скопје се одржуваат бесплатни прегледи на бемки, дамки и сомнителни...
Многу жени трпат семејно насилство и молчат поради страв, економска зависност и недоверба во системот
Семејното насилство претставува сериозен општествен и здравствен проблем што бара координиран институционален одговор, поголема доверба во системот и ефикасна примена...
(Видео) Маеда му пресуди на Хартс во 88-та минута – Селтик ја одбрани титулата
Фудбалерите на Селтик го победија Хартс со 3:1 во последното коло и ја освоија титулата во Шкотска. Великанот од Глазгов...
Утре затворени улици низ Скопје
Во недела, 17 мај, во Скопје ќе се одржи 14. издание на спортско-рекреативниот настан „Прв до врв“, поради што ќе...
Спринтот во Каталуња за Алекс Маркез, Мартин повотрно падна
Алекс Маркез, на Гресини Дукати, победи во спринтот пред Големата награда на Каталуња. Помладиод од браќата Маркез, го искористи лошото...
Полицијата фати возачи без возачка, пијани и со забрана за управување автомобил
Во текот на изминатото деноноќие, на целата територија на државата, полициски службеници лишија од слобода 17 возачи поради безобѕирно управување....
Авионска несреќа во Германија: Летало се урна во станбена зона, загинаа две лица
Две лица загинаа кога мал авион се урна во станбена зона во германскиот град Лимбургерхоф, јужно од Манхајм. Според медиумските...
Фенербахче подготвиле астрономска понуда за Салах
Мохамед Салах наскоро официјално ќе го напушти Ливерпул, а неговата следна дестинација сè уште не е позната. Познато е дека...
Левандовски потврди дека ја напушта Барселона
Роберт Левандовски официјално потврди дека ја напушта Барселона на крајот од сезоната. Полскиот напаѓач се збогува со каталонскиот клуб со...