Контакт

Hitech

Huawei го претстави новиот P Smart 2019 на специјален настан во Скопје

Објавено пред

Huawei вчера го претстави својот нов паметен телефон P Smart 2019, кој е веќе достапен и во Македонија. Новиот телефон беше промовиран на специјален настан на кој присуствуваа претставници на медиуми за технологија, бизнис и забава, заедно со популарните гејмери и блогери.

Со демонстрации и интерактивна дискусија беше нагласена важноста на дизајнот, особено на бојата Aurora Blue и големиот дисплеј со FullView од 6,21 инчи, кој е 11 % поголем од својот претходник P Smart 2018, и има способност да покаже 15 % повеќе бои. Тој го поседува сертификатот TÜV Rheinland за заштита на видот бидејќи ја намалува штетната всина светлина. Компактното 3D-овално тело со керамички слој ја дополнува дизајнерската визија за моделот.

P Smart 2019 исто така се покажа одличен во една од најдобрите области на брендот – мобилната фотографија. Телефонот има висококвалитетна камера со двојна слика (13 MP + 2 MP), која има способност да препознае 22 категории слики во над 500 сцени, при што се користени повеќе од 100 милиони фотографии за да се подобри оваа функција. Камерата исто така нуди подобрен уметнички Bokeh-ефект кој корисниците може да го приспособат по снимањето на фотографијата или видеото.

Вештачката интелигенција кај овој модел не е ограничена само на главната камера. Поларната камера со 8 мегапиксели кај P Smart 2019 исто така има паметно препознавање на заднината и режим за убавина, а фотографирањето дури и ноќе не е проблем благодарение на широкиот отвор за f/1,8. Камерата P smart 2019 ќе ги фасцинира потрошувачите со уште еден сет функции – препознавање специфични културни атракции – згради, скулптури, слики и повеќе, информации за калориската вредност на храната што ја внесуваат, па дури и директни сугестии за онлајн-шопинг. Сето ова се должи на фактот дека моделот се базира на најновата верзија на Android 9 Pie и најновиот Huawei EMUI 9 интерфејс. Корисниците може да бидат опуштени и без разлика колку слики и видеа ќе направат, телефонот ќе има место за нив благодарение на вградената меморија од 64 GB и слот за 512 GB меморија.

Интерфејсот EMUI 9, во комбинација со чипсетот на Kirin 710, обезбедува одлични перформанси на паметниот телефон, кој исто така е добро решение за мобилнитe гејмери. Во тестовите на престижни лаборатории, како што се Geekbench, GFXBench, AnTuTu и 3D Mark, P smart 2019 покажува од 70 до 100 % повисоки перформанси од својот претходник. Покрај тоа, технологијата GPU Turbo 2.0 поддржува 5 мобилни игри, со можност за постојано додавање нови. Последно, но не и најмалку важно, со 3.400 mAh батерија, P Smart 2019 никогаш нема да ве остави без поддршка.

(ПР-текст)

 



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Hitech

Новинар тајно се вработил во фабрика за „ајфони“: „Повеќе личи на затвор отколку на фабрика“

Објавено пред

Кинескиот студент од Њујорк, Деиџан Зенг, го минал минатото лето тајно работејќи во фабрика за „ајфони“ во Кина. Зенг бил на тајна задача и открил зошто производството на популарниот телефон нема да се врати во САД.

Работел шест недели, претежно ноќни смени од 12 часа, секој ден, освен недела, во фабриката на фирмата „Пегатрон“. Неговата работа се состоела од рачно вградување делови во мобилните телефони.

За ваквата операција тој имал необична причина – истражување заеднички спроведено од Универзитетот во Њујорк и кинеската Асоцијација за надзор на трудот.

Истражувањето било спроведено по добиените сознанија на кинеското здружение дека би можело да дојде до негодувања кај работниците поради условите за работа во фабриката.

Кога се вратил во САД, Зенг ги споделил своите искуства во интервју за Си-ен-би-си.

Врз основа на тоа искуство тој заклучил дека и покрај плановите на американскиот претседател Доналд Трамп, практично е невозможно американските работници да го преземат производството на „ајфон“ и слични електронски уреди.

Како воопшто ја добил рботата во кинеската фабрика?

„Само се појавив таму. Само ми ја дадоа адресата на фабриката и отидов таму. Кога стигнав, видов луѓе како стојат со багаж во долг ред, па само застанав во него. Кога дојдов на ред, ме прашаа за лична карта, побараа да им ги покажам рацете и да ја рецитирам англиската азбука. Потоа влегов. Ми требаа помалку од 30 секунди. Не треба формално да аплицирате за работа или да имате некои посебни вештини“, изјавил Зенг додавајќи:

„Во фабриката добивав плата од 3.100 јуани или 450 американски долари“.

Зенг смета дека е невозможно таков работен процес да се преслика во САД затоа што ниту еден американски работник не би прифатил работа за таква плата.

Според некои снимки направени од кинеската фабрика, нејзината надворешност повеќе потсетува на затвор отколку на фабрика бидејќи зградата е опкружена со мрежи што би спречиле самоубиство на работниците.

Сепак, многумина веруваат дека поради фактот што Кина станува економски послилна, ваквите услови за работа набргу ќе бидат неприфатливи, што ќе услови преместување на производството каде што е попрофитабилно за индустрискиот гигант.

 

 

Прикажи повеќе...

Hitech

„Епл“ планира да претстави ајфон поевтин од 500 долари

Објавено пред

Никеј ејжн рипорт неодамна објави дека „Епл“ следната година планира да лансира телефон чија цена не би надминувала 500 долари, а кој практично би го наследил ајфон СЕ од 2016 година.

Во петокот еден од најпознатите аналитичари на „Епл“, Минг Чи-Куо, навести дека на почетокот од следната година компанијата ќе лансира компактен и евтин телефон со унапредени перформанси.

Во своето предвидување, Куо наведува дека новиот телефон ќе го има најновиот A13 бионик чип и 3 гигабајти РАМ меморија.

Инаку, уште пред две години на интернет се појавија голем број  неофицијални слики од телефонот ајфон СЕ 2, но „Епл“ никогаш официјално не го претстави. Тие слики укажуваа на телефон со сличен изглед како ајфон 8 кој беше претставен истата година, па се верува дека токму тој модел би можел да послужи како основа за СЕ 2.

Куо забележува дека лансирањето на телефон како ајфон СЕ 2 би имало смисла, со оглед на тоа дека повеќе од 100 милиони корисници сè уште користат ајфон 6, за кој не е предвидено ажурирање со новиот iOS 13. За овие корисници, ајфон СЕ 2 би бил идеален телефон за надградба.

Постои уште една причина зошто Куо верува дека наскоро ќе биде претставен СЕ 2 – продажбата на ајфон е во значителен пад во последните неколку квартали. Продажбата и популарноста на новиот ајфон 11 може да го забави ваквиот тренд, но претставување на поевтин телефон сигурно би претставувало дополнителен ветер во грб за „Епл“.

Прикажи повеќе...

Hitech

(Видео) Научници надградија робот: Пред неколку години едвај одеше, а сега вежба гимнастика

Објавено пред

Хуманоидниот робот изработен од компанијата „Бостон динамикс“ пред три години едвај одел, а сега вежба гимнастика, пренесе „Вашингтон пост“.

На јутјуб-каналот на „Бостон Динамикс“ е објавено видео од роботот Атлас, кој изведува сложени акробатски потфати.

Атлас за релативно краток временски период успеал да достигне ниво на професионален спортист, а во видеото покажува сет на вештини кои би се очекувале од човек кој тренира подолг период од својот живот.

Во овој случај, Атлас го користи целото тело, нозете, рацете, до мускулите на торзото за да изведе комплексни движења.

Инженерите кои стојат зад овој потфат велат дека користеле нов метод за развој на движењата кај роботот.

Тие користеле алгоритми кои ги претвораат дадените вежби во груби описи на изведените движења.

Потоа Атлас ги проучува ваквите движења и ги претвора во свои вежби, со употреба на нов контролер за предвидување, така што од движењата креира една континуирана вежба.

Од компанијата велат дека успехот во изведувањето на овие елементи е околу 80%.

Прикажи повеќе...

Најново

Свет8 часа

Пропадна планот на Џонсон за брегзитот

Британските законодавци го одобрија предлог-законот на премиерот Борис Џонсон за брегзитот, но одбија да биде усвоен во рок од три...

Свет9 часа

(Видео) Путин и Ердоган го објавија планот за Сирија

Претседателот на Турција, Реџеп Таип Ердоган, по средбата со рускиот претседател Владимир Путин, која траеше повеќе од шест часа, соопшти...

Македонија10 часа

Одобрени 60 милиони денари за чистење на линданот во ОХИС

Владата на денешната 160-та редовна седница донесе одлука за одобрување 60.000.000 денари од буџетот за 2019 година за чистење на...

Македонија10 часа

САД го ратификува протоколот за членство на земјата во НАТО

Сенатот на САД попладнево го изгласа протоколот за членство на Македонија во НАТО. За протоколот гласаа 92 сенатори, а двајца...

Топ11 час

Момче од Швајцарија повредено при пад на Матка

Изутринава, во 8.40 часот, од Ургентниот цетар при комплексот клиники „Мајка Тереза“ било пријавено дека вчера со тешки телесни повреди...

Македонија14 часа

Одбиени барањата на Јанева и Боки 13 за укинување на притворот

Основниот кривичен суд Скопје ги одби барањата за укинување на мерката притвор на поранешната специјална јавна обвинителка Катица Јанева и...

Македонија16 часа

Вучиќ: Дали за косовското прашање ќе добиеме гаранции од ЕУ какви што доби Северна Македонија?

Српскиот претседател Александар Вучиќ во интервју за австрискиот весник „Стандард“ ја исклучи можноста Белград да го признае Косово во актуелните...

Македонија17 часа

(Видео) Нови вработувања и подобри услови за истражувачка работа бараат од Институтот за хемија

Создаваме способни оформени кадри кои заминуваат во странство бидејќи со години не се овозможуваат вработувања на млади соработници, уловите за...

Македонија17 часа

Ѓоко Поповски повторно доби 9 години затвор за набавката на полициски возила

Судијката Добрила Кацарска попладнево повторно го осуди на казна затвор од 9 години поранешниот помошник-министер во МВР, Ѓоко Поповски, откако...

Македонија18 часа

Вебер: Од Скопје и Тирана баравме многу, а сега вратата им е затворена пред носот

Лидерите на најголемите политички групи во Европскиот парламент едногласно ја осудија одлуката за одложување на преговорите со Северна Македонија и...

Македонија18 часа

Заев: Не треба да го одложуваме пописот, ќе разговараме со директорот за термините

Пописот не треба да го одложиме, изјави премиерот Зоран Заев одговарајќи на новинарско прашање. Тој најави дека следната недела ќе...

Македонија19 часа

Туск пред пратениците во ЕП: Голема грешка е одлуката за Северна Македонија и Албанија

Претседателот на Европскиот совет, Доналд Туск денеска пред пратениците во Европскиот парламент рече дека е голема грешка тоа што не...

Свет19 часа

Нарухито прогласен за јапонски цар, помилувани половина милион осуденици

Јапонската влада помилува околу 550.000 осуденици за помали кривични дела по повод востоличувањето на императорот Нарухито. Одлуката, одобрена од владата...

Свет20 часа

„Фејсбук“ ги објави новите мерки за претседателските избори во САД

„Фејсбук“ најави дека внимателно ќе ги следи „медиумите кои се контролирани од државата“ и се обидуваат да манипулираат со расположението...

Регион21 час

Грчката полиција изнесе малолетници од кино на филмот „Џокер“

Во Грција изби широка полемика зошто полицијата минатиот викенд изнела малолетници од две кина во Атина, во кои се прикажувал...

Свет21 час

Торнадо остави неколку илјади домаќинства без струја во Далас

Десетина илјади домаќинства и деловни објекти во Далас останаа без струја поради торнадо што го погоди овој американски град. Ударите...

Регион21 час

Чавушоглу: Санкциите и заканите нема да нè спречат во офанзивата во Сирија

Меѓународните санкции или закани со санкции нема да ја присилат Турција да ја спречи својата афанзива во Северна Сирија, изјави...

Македонија1 ден

(Видео) Мицкоски: Едногласно ја преименувавме коалицијата во „Обнова на Македонија“

По средбата со коалициските партнери, Мицкоски рече дека едногласно се договориле да го сменат името на коалицијата во „Обнова на...

Македонија1 ден

(Видео) Мицкоски на средба со коалициските партнери

Лидерот на ВМРО-ДПМНЕ, Христијан Мицкоски, вечерва во седиштето на партијата е на средба со своите коалициски партнери. Состанокот следува по...

Регион1 ден

Протест пред француската амбасада во Бугарија против одлуката на Макрон за Северна Македонија

Десетици интелектуалци, јавни личности и граѓани се собраа вечерва пред француската амбасада во Софија за да го искажат своето несогласување...

Досие