Забава
Италијанска „мафија“ краде пармезан
Во последните две години, крадци однеле 15.000 пити кашкавал пармезан, во Италија, со вкупна вредност од 6 милиони евра.
Се краде Parmigiano-Reggiano, кашкавал што се произведува во околината на Модена. Болоња, регионот Емилија, Парма и Мантова.„Украдени се 15.000 пити“, вели Рикардо Десерти, директор на Конзорциунот за пармезан сирење на Италија, за La Stampa.Според него, производителите на пармезан се лесна мета, затоа што најчесто се наоѓаат во рурални, селски средини и немаат алармни системи за заштита од крадци.Една пита од 40 килограми, отстоена 24 месеци, вреди 500 евра.Операцијата за крадење е секогаш иста. Напаѓаат во изолирани места, селски производства, ноќе, ја товарат питата во комбиња и брзо заминуваат.Минатата недела, 150 пити се украдени од производителот Ronconcesi, во околината на Парма, а ова е втор пат да бидат ограбени.„Мислиме дека украденото сирење е однесено во источна Европа и во јужна Италија“, вели полицијата за La Stampa.Секоја пита има воден жиг што може да се следи, но крадците едноставно, ги сечат питите со што оневозможуваат следење, пред да ги продадат на провинциски маркети.За да се спречат понатамошните кражби, полицијата воспостави ноќни полициски патроли во внатрешноста од земјата, а се пребаруваат и сомнителни комбиња со цел да се сопре бандата на крадци на кашкавал. Ги советуваат и локалните производители како да се заштитат.Во последната полициска операција беа уапсени Албанци кои крадеа сирење.„Сепак, бројот на крадци останува ист. Главниот проблем е што лесно може да се провали во просториите на производителите“, вели Десерти./крај/тл/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Бијонсе ја покажа природната коса: Погрешно е мислењето дека луѓето кои носат перики немаат долга и здрава коса
Најголемата музичка ѕвезда на денешницата, Бијонсе, за прв пат во кариерата ја покажа целосно природната коса, се со цел да ја промовира својата нова линија на производи за коса која ја нарече „Cécred“.
Бијонсе често носи перики и навистина ретко ја покажува својата природна коса, но во видеото кое го објави на Инстаграм го покажа целиот процес од фризерскиот салон.
„Погрешно е мислењето дека луѓето кои носат перики немаат долга и здрава коса“, изјави поп дивата и објасни дека косата ја суши на средна температура и се труди што повеќе да ја спаси од топол воздух. Таа користи четка од стар стил за да ја исправи косата, ја фарба и не користи третмани како минивал и слично.
„Ја чувам мојата природна коса русокоса веќе 25 години и тоа одигра голема улога во идејата за лансирање на овие производи“, објасни Бијонсе.
Нејзиното видео за 24 часа е прегледано два милиони пати.
Забава
Џенифер Лопез за првпат во сосема „обично“ издание
Џенифер Лопез (54) носи беспрекорни фустани на јавната сцена и ја нарекуваат кралица на стилот, а често ги раздвижува модните трендови, па дури и знае совршено да носи необични комбинации.
Нејзиниот фантастичен изглед во шестата деценија се должи на нејзината посветеност на спортот и здравиот начин на живот. Познато е дека латино дивата секој ден оди во теретана и дека цел живот напорно тренира, како и дека папараците будно ја следат, па често ја фаќаат во тренерки и патики кога оди на тренинг.
Меѓутоа, додека ја напуштала луксузната зграда во Њујорк, таа изгледала речиси непрепознатливо, без шминка и со мокра коса. Се качила во луксузен автомобил, а се претпоставува дека одела на адресата каде што ја чекале нејзиниот долгогодишен тим експерти – шминкери, фризери и стилисти , за да може да блесне во изданието на кое сме навикнати од оваа голема ѕвезда.
Забава
Ќерката на познатата актерка блесна во фустанот што го носеше нејзината мајка пред 25 години
Наследничката на славната двојка го прослави својот роденден во она во што порано блескаше нејзината мајка Кетрин Зета Џонс.
Ќерката на познатата актерска двојка Кетрин Зета Џонс и Мајкл Даглас пред неколку дена го прослави својот 21 роденден, а за таа прилика облече прекрасен фустан кој нејзината мајка го носеше дури пред 25 години.
Дека јаболкото не паѓа далеку од дрвото и дека некои парчиња облека се вечни, без разлика на модните трендови, покажала младата и убава Керис Зита Даглас, која не била ни родена кога нејзината мајка ја носела оваа креација од свила и тантела.