Забава
Кина испрати двајца астронаути во вселенската лабораторија
Кина во орбитата лансирала двајца астронаути во проектот што има за цел дополнително да ги развие способностите на Пекинг за истражување на вселената.
Ракетата Long March-2F е лансирана во 7:30 часот по локално време од вселенскиот центар Јиукван на северот на Кина.Астронаутите Јинг хаипенг(49), кој веќе двапати беше во вселената и 37 годишниот Чен Гонг за два дена ќе пристигнат до орбиталната лабораторија Тиангонг 2. Тука ќе ги минат следните пет месеци, што ќе претставува најдолг престој на кинеските астронаути во вселената.Ова и неколкуте последни лансирања се сметаат како подготовки на Кина за испраќањето на луѓе на Месечината и на Марс.Вселенската станица Тиангонг или „Небеска палата“ е демонтирана на почетокот на ова година, а ја замени Тиангонг 2 лансиран минатиот месец.Астронаутите ќе изведат редица експерименти, вклучувајќи и раст на растенијата во вселената, а со ултразвучна опрема ќе бидат тестирани и сопствените тела.Ако Меѓународната вселенска станица(МВС) заврши со работа во 2024 година како што е предвидено, Кина ќе биде единствената земја со постојан екипаж во вселената.Кинеските астронаути не смеат да работат на МВС заради одлука на американскиот Конгрес од 2011 година, кој е загрижен за американската национална безбедност.Кина планира да доведе човек на Месечината до 2024 година и да спушти сонда на Марс во 2021 година. /крај/хн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Eден од омилените сараевски бендови се враќа на сцената по петгодишна пауза
На сцената се враќа легендарниот сараевски бенд „Плави оркестар“, омилениот бенд на некои луѓе во регионот. Бендот првпат по пет години ќе настапи на 6 јули во Славонски Брод, на 3 август во Опатија, на 24 август во Сплит и на 1 септември во Врсар.
Кариерата на бендот ја одбележаа големите хитови, како што се песните „Суада“, „Каја“, „Подобро пијан отколку стар“, „Сава тихо тече“, чија популарност и присуство постои со години.
Бендот беше основан во Сараево во 1983 година како дел од движењето „Нови примитивци“, во кое беа вклучени и „Забрането пушење“, Елвис Ј. Куртовиќ и некои други музичари од Сараево. Критичарите го сметаат бендот за еден од најголемите културни феномени во осумдесеттите и деведесетите, близок и на постарите и на помладите генерации слушатели.
Издадоа 8 албуми, кои се продадени во над 5 милиони примероци, а неколкупати го обиколија светот со вкупно повеќе од 1.500 концерти.
Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување, кое може да предизвика грчеви во мускулите и губење на подвижноста. А сега во интервју за „Вог“, Дион, меѓу другото, проговори и за својата болест и рече дека живее ден за ден.
Како уметник што настапува пред светската публика од својата 13-та година, Дион рече дека ѝ било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Вог“ признала и колку ѝ било тешко кога ја добила дијагнозата.
„На почетокот се запрашав: ‘Зошто јас? Како се случи ова? Што направив? Дали е моја вина?’ ‘Животот не ти дава одговори. Тоа е сѐ што ви треба за да живеете. Ја имам оваа болест од непозната причина’“, рече таа и додаде дека „има сила во себе и знае дека ништо нема да ја спречи“.
Забава
(Видео) Џорџина и Роналдо објавија видео од плажа, им се допадна на три милиони луѓе
Џорџина Родригез на „Инстаграм“ објави романтично видео на кое ужива на плажа со својот партнер Кристијано Роналдо ставајќи крај на шпекулациите за проблеми во врската.
View this post on Instagram
„Во рајот со тебе“, напиша таа покрај видеото на кое се шетаат на плажа и се бакнуваат, а видеото им се допадна на повеќе од 3 милиони луѓе.
Роналдо на својот „Инстаграм“ сподели и фотографии од одморот, каде што покажа како се забавуваат и напиша: „Среќа“.