Забава
Кина отвори воени кампови за рехабилитација на деца зависни од интернет
Кина отвори воени кампови во неколку делови на земјата во кои родителите ги испраќаат своите деца со цел да се изборат против нивната зависност од интернет.
Сé поголем број млади лица во Кина стекнуваат зависност од интернет, а нивните родители во борбата против оваа зависност својата доверба му ја даваат на методите кои се користат во камповите во кои се спроведува воен режим за младите, пишува Daily mail.
Во Кина отворени се околу 250 вакви кампови во кои се вдомуваат голем број тинејџери кои се под контрола на поранешни војници. Децата облекуваат црна униформа и вежбаат во заклучени простории.
Се верува дека децата сé повеќе се вртат кон светот на онлајн игрите со цел да го избегнат притисокот на реалното живеење. Повеќе од 17 отсто од лицата кои престојуваат во овие кампови на возраст од 13 до 17 години се вистински зависници од интернет.
„Моите родители сакаа да учам дома по цел ден и не смеев да излегувам надвор“, рекол еден тинејџер кои пред новинарите се претставил како Ванг. Тој додал дека неговата реакција на постојаниот притисок за учење од страна на родителите била целодневно седење на интернет и играње онлајн игри. Во една прилика, како што истакнува, играл игри непрекинато цели три дена без престан. Во тоа време, како што тврди, спиел помалки од еден час.
Тао Ран, психолог кој го основал „едукативниот центар“ за зависници од интернет, рекол дека тинејџерите како Венг може да ја загубат својата самодоверба и да станат ранливи и депресивни доколку не ги остварат целите кои пред нив ги поставиле нивните родители.
Од 110 тинејџери зависници, сместени во еден центар во Пекинг, 70 отсто од нив се лечат поради зависност од интернет.
Методите кои се спроведуваат со цел да се излечат тинејџерите често се агресивни, слични на воените, што мноу се разликува од методите на голем број клиники кои се борат против ваков вид на зависност. Покрај тоа, децата во камповите мора да чистат и перат, а исто така вклучени се и во подготовка на оброците.
„Едукацијата и животот во воени услови прави од нив да бидат дисциплинирани и им ја враќа способноста нормално да живеат“, истакнува психологот.
Сепак, не секогаш ваквите методи го даваат саканиот резултат. Мајката на еден од тинејџер покренала тужба против кампот бидејќи по престојувањето на нејзиниот син неговата состојба се влошила./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Eден од омилените сараевски бендови се враќа на сцената по петгодишна пауза
На сцената се враќа легендарниот сараевски бенд „Плави оркестар“, омилениот бенд на некои луѓе во регионот. Бендот за прв пат по пет години ќе настапи на 6 јули во Славонски Брод, на 3 август во Опатија, на 24 август во Сплит и на 1 септември во Врсар.
Кариерата на бендот ја одбележаа големите хитови како што се песните Суада, Каја, Подобро пијан отколку стар, Сава тихо тече, чија популарност и присуство постои со години.
Бендот беше основан во Сараево во 1983 година како дел од движењето Нови Примитивци, во кое беа вклучени и Забрането пушење, Елвис Ј. Куртовиќ и некои други музичари од Сараево. Критичарите го сметаат бендот за еден од најголемите културни феномени во осумдесеттите и деведесетите, близок и на постарите и на помладите генерации слушатели.
Издадоа 8 албуми, кои се продадени во вкупно над 5 милиони примероци, а неколку пати го обиколија светот со вкупно повеќе од 1.500 концерти.
Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување кое може да предизвика грчеви во мускулите и губење на подвижноста. А сега, во интервју за „Вог“, Дион меѓу другото проговори и за својата болест и рече дека живее „ден по ден“.
Како уметник кој настапува пред светската публика од својата 13-та година, Дион рече дека и било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично, или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Vogue“ признала и колку и било тешко откако ја добила дијагнозата.
„На почетокот се запрашав: „Зошто јас? Како се случи ова? Што направив? Дали е моја вина?’ „Животот не ти дава одговори. Тоа е се што ви треба за да живеете. Ја имам оваа болест од непозната причина“, рече таа и додаде дека „има сила во себе и знае дека ништо нема да ја спречи“.
Забава
(Видео) Џорџина и Роналдо објавија видео од плажа, им се допадна на три милиони луѓе
Џорџина Родригез на Инстаграм објави романтично видео на кое ужива на плажа со својот партнер Кристијано Роналдо, ставајќи крај на гласините за проблеми во врската.
„Во рајот со тебе“, напиша таа покрај видеото на кое се шетаат по плажа и се бакнуваат, а видеото им се допадна на повеќе од 3 милиони луѓе.
Роналдо на својот Инстаграм сподели и фотографии од одморот каде покажа како се забавуваат и напиша: „Среќа“.