Забава
Лего ја претстави првата фигура во инвалидска количка
Лего на саемот за детски играчки во Нирнберг и Лондон неодамна ја претстави првата фигура во инвалидска количка, откако минатата година беше покрената кампањата Toy Like Me, чии активисти со петиција од оваа данска компанија побараа на позитивен и реален начин да го прикаже инвалидитетот преку популарната играчка.
Во рамки на сетот „Fun in the Park“, што на пазарот ќе се појави во јуни, Лего лансираше фигура со насмеан лик во инвалидска количка на која друштво и прави куче водич за хендикепирани, заедно со неколку нови фигури – продавач на сладолед, велосипедист и маж што турка количка со бебе.Играчката се појави по критиките упатени до Лего заради изостанокот на разни фигури со инвалидитет во сетовите.За време на минатогодишната кампања покрената под називот Toy Like Me, собрани се повеќе од 20.000 потписи на корисници кои бараа данскиот производител да понуди различни фигури со инвалидитет.„Компанијата и натаму го игнорира постоењето на 150 милиони инвалидни деца во светот бидејќи во својата понуда нема ниту една фигура што ги претставува. На тој начин индустријата за играчки, наменета токму за нив, ги исклучува или инвалидитетот го претставува на исклучив начин“, напишаа минатата година покренувачите на петицијата на страницата Change.org.Компанијата објави дека интересот за новиот сет на Лего е толку голем, така што уште сега има резервации за сетот. /крај/хн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Eден од омилените сараевски бендови се враќа на сцената по петгодишна пауза
На сцената се враќа легендарниот сараевски бенд „Плави оркестар“, омилениот бенд на некои луѓе во регионот. Бендот првпат по пет години ќе настапи на 6 јули во Славонски Брод, на 3 август во Опатија, на 24 август во Сплит и на 1 септември во Врсар.
Кариерата на бендот ја одбележаа големите хитови, како што се песните „Суада“, „Каја“, „Подобро пијан отколку стар“, „Сава тихо тече“, чија популарност и присуство постои со години.
Бендот беше основан во Сараево во 1983 година како дел од движењето „Нови примитивци“, во кое беа вклучени и „Забрането пушење“, Елвис Ј. Куртовиќ и некои други музичари од Сараево. Критичарите го сметаат бендот за еден од најголемите културни феномени во осумдесеттите и деведесетите, близок и на постарите и на помладите генерации слушатели.
Издадоа 8 албуми, кои се продадени во над 5 милиони примероци, а неколкупати го обиколија светот со вкупно повеќе од 1.500 концерти.
Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување, кое може да предизвика грчеви во мускулите и губење на подвижноста. А сега во интервју за „Вог“, Дион, меѓу другото, проговори и за својата болест и рече дека живее ден за ден.
Како уметник што настапува пред светската публика од својата 13-та година, Дион рече дека ѝ било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Вог“ признала и колку ѝ било тешко кога ја добила дијагнозата.
„На почетокот се запрашав: ‘Зошто јас? Како се случи ова? Што направив? Дали е моја вина?’ ‘Животот не ти дава одговори. Тоа е сѐ што ви треба за да живеете. Ја имам оваа болест од непозната причина’“, рече таа и додаде дека „има сила во себе и знае дека ништо нема да ја спречи“.
Забава
(Видео) Џорџина и Роналдо објавија видео од плажа, им се допадна на три милиони луѓе
Џорџина Родригез на „Инстаграм“ објави романтично видео на кое ужива на плажа со својот партнер Кристијано Роналдо ставајќи крај на шпекулациите за проблеми во врската.
View this post on Instagram
„Во рајот со тебе“, напиша таа покрај видеото на кое се шетаат на плажа и се бакнуваат, а видеото им се допадна на повеќе од 3 милиони луѓе.
Роналдо на својот „Инстаграм“ сподели и фотографии од одморот, каде што покажа како се забавуваат и напиша: „Среќа“.