Забава
Италијанскиот стил во Скопје: ревија и изложба на очила од 1940 до 2026
Вчеравечер, во Музејот на Народноослободителната Борба се одржа модна ревија и ретроспективна изложба на италијански очила во организација на ITA -Italian Trade Agency, Амбасадата на Р.Италија и Диоптра.
Повеќе од 120 гости меѓу кои амбасадори и дипломати, стилисти, уметници и љубители на модата имаа несекојдневна можност да уживаат во ревијата на очила од најпознатите италијански марки како Lozza, Persol, Dоlce &Gabanna, Trevi Coliseum, Giorgio Armani, Gucci, Valentino, Fendi и Furla.
Настанот го отвори Амбасадорот на Р.Италија, Н.Е. Паоло Палминтери, кои во оваа прилика изјави:
“ Италијанските очила не се само индустриски производ, туку неприкосновен симбол на “Made in Italy”, кој е резултат големо наследство на know-how. Од првата фабрика за очила на Анџело Фрескура отворена во Калалцо ди Кадора во 1878 година, до денес, овој сектор во Италија брои околу 814 компании кои вработуваат преку 19.000 лица, извезуваат 90% од своето производство и генерираат извоз од над 5 милијарди евра. Денес, конкурентната предност на италијаскиот кластер за очила се потпира на два клучни фактори: интегриран синџир на набавки со густа мрежа на добавувачи и лидерство во луксузот. Концентрацијата на супериорни вештини и know-how и овозможија на Италија да се позиционира како број 1 производител на очила и рамки за очила во Европа, и истовремено како водечки светски производител и извозник во сегментот на луксузни произдови“.
По завршувањето на модната ревија, беше отворена изложбата на очила каде беа претставени оригинални модели на италијански очила од 1940 до 2026 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Пејачката Милица Тодоровиќ успеала да изгуби дури 15 килограми
Пејачката Милица Тодоровиќ успеала да изгуби дури 15 килограми пред породувањето, а во една прилика открила дека во тој период решила и здравствен проблем за кој не ни знаела дека го има.
Таа дознала дека има инсулинска резистенција, а проблемот го решила со целосна промена на животните навики. Тодоровиќ отворено зборувала за својата борба со килограмите, истакнувајќи дека претходно често била на диети кои не давале долгорочни резултати.
„Јас сето тоа го нарекувам нова ера на Милица Тодоровиќ, а тоа подразбира сè… Не се магии, едноставно имав голема инсулинска резистенција, тоа беше здравствен проблем за кој не знаев“, изјавила таа во емисијата „Амиџи шоу“.
Милица признала дека со години се борела – губела килограми, па повторно ги враќала, а голема улога во сето тоа имал и стресот. Дури кога го решила здравствениот проблем, успеала да направи трајна промена и да ослабе 15 килограми, чувствувајќи се подобро и поздраво.
Таа истакнала дека е голем гурман, но дека никогаш не се доживувала себеси како „буцка“.
„Сите знаеме како се слабее, но најчесто не го применуваме тоа. Уживам во храната и многу сакам да јадам! И кога се здебелив, тие неколку килограми вишок ми пречеа. Но не се доживував како буцка. Сепак, бев свесна дека тоа што го правам не е добро за здравјето, особено затоа што мојата исхрана најчесто беше пржена, мрсна и слатка“, искрено рекла пејачката.
Наместо строги забрани, Милица вовела јасни правила и дисциплина. Покрај тоа што пиела многу вода и зелен чај, нејзиниот дневен мени кој дал резултати бил:
Појадок: овесни снегулки прелиени со вода и овошје
Ручек: месо и салата
Забава
Тие повторно ќе блеснат силно: Четири хороскопски знаци ќе се радуваат како никогаш досега
Астролозите тврдат дека вратите на среќата, новите можности и позитивните промени се отвораат за одредени хороскопски знаци во наредниот период.
По месеци неизвесност и стагнација, ѕвездите конечно им испраќаат бран добра енергија што би можел да влијае на љубовта, работата, финансиите и личниот развој. Додека некои конечно ќе ги пожнеат плодовите од своите напори, други хороскопски знаци одеднаш ќе се најдат во ситуации што можат да им го променат животот на подобро.
Лав
Прв меѓу нив е Лавот. Лавовите се соочуваат со период во кој повторно ќе блеснат во полн сјај. Нивната харизма и самодоверба доаѓаат до израз, а тоа би можело да ги доведе до деловен успех и нови познанства.
Многу Лавови ќе почувствуваат силен бран на мотивација, па затоа ќе им биде полесно да донесуваат одлуки што ги одложувале долго време. Во љубовта, можат да очекуваат искрени разговори и постабилни врски, додека слободните би можеле да сретнат личност која целосно ќе ги освои.
Бик
Биковите исто така ќе почувствуваат голема промена. По еден турбулентен период, Бикот ќе доживее долгоочекуван мир. Финансиската состојба би можела значително да се подобри, а трудот вложен во претходните месеци конечно ќе почне да се исплати.
Ѕвездите им советуваат да бидат отворени за нови можности бидејќи тие би можеле да го означат почетокот на едно многу успешно поглавје. На приватно ниво, можат да очекуваат повеќе хармонија и чувство на сигурност што им е исклучително важно.
Стрелец
Среќата ќе им биде наклонета и на Стрелците. Стрелците влегуваат во период полн со возбуда, патувања и нови искуства. Енергијата што ќе ја почувствуваат ќе им помогне да излезат од својата рутина и да преземат смели чекори што досега ги избегнуваа.
Можни се големи промени на деловниот план, но и неочекувани средби што ќе им донесат инспирација и оптимизам. Љубовниот живот би можел да цвета, особено за оние кои се подготвени да преземат ризици и да се отворат за нови емоции.
Риби
Рибите исто така ќе почувствуваат позитивни вибрации. Рибите конечно ќе имаат чувство дека работите се склопуваат точно како што посакувале. Нивната интуиција ќе биде посилна од вообичаеното, па затоа лесно ќе препознаваат добри можности и ќе избегнуваат непотребни проблеми.
Ова е идеално време за нови почетоци, креативни проекти и донесување важни одлуки. Многу Риби ќе почувствуваат големо емоционално олеснување и внатрешен мир.
Забава
(Видео) Поради натпреварувачката од Финска, прекршено евровизиско правило кое важи веќе 28 години
Финската виолинистка, Линда Лампениус, добила ретка можност и специјално одобрување во финалето на овогодинешната Евровизија 2026 во Виена да свири во живо. Со ова, по речиси три децении, е направен исклучок од строгото правило на Евровизија според кое инструменталната придружба на сцена мора да биде однапред снимена.
Таа и пејачот Пет Парконен ја претставуваат Финска со песната „Лиекинхеитин“, која се смета за еден од фаворитите.
Организаторите ѝ дозволиле исклучок поради значењето на виолината во настапот. Линда изјавила дека виолината е нејзиниот глас во песната и дека конечно ќе може да „пее“ на сцена.
Инаку, правилото за забрана на свирење во живо постои поради брзите смени меѓу настапите и намалување на технички ризици. Вокалите сепак мора да бидат изведени во живо.
Пред оваа одлука, последниот настап со вистински инструменти во живо бил во 1998 година. Во Бирмингем, претставникот на Македонија, Владо Јаневски, ја изведе песната „Не зори, зори“ во придружба на вистински оркестар. Тој настапи последен таа вечер со оркетар. Нгеовиот настап всушност има два историски моменти. Интересно да се напомене е и дека Јаневски беше првиот евровизиски претставник на Македонија.
Хигиеничар во основно училиште во беровско село снимал ученици со мобилен телефон
Надворешната канцеларија за криминалистички работи Берово поднесе кривична пријава против М.К.(53) од беровско поради постоење основи на сомнение за сторено...
Се евакуираат девет села во јужен Либан пред најавените воздушни напади
Израелските одбранбени сили (ИДФ) издадоа предупредувања за евакуација до жителите на девет села во јужен Либан, пред, како што наведоа,...
Путин во официјална посета на Кина на 19 и 20 мај
Рускиот претседател Владимир Путин ќе ја посети Кина на 19 и 20 мај на покана на кинескиот претседател Шји Џинпинг,...
Поради врнежи дневната програма на „Виноскоп“ е одложена за утре
Дневната програма на фестивалот „Виноскоп“ за денеска е откажана и се преместува за утре поради најавените врнежи и од безбедносни...
Обид за разбојништво во Битола, со пиштол влегол во канцеларија
СВР Битола до Основното јавно обвинителство Битола поднесе кривична пријава против М.Ѓ. (36) од Битола поради основано сомнение за сторено...
Во Чешка уапсен маж кој од црква украл череп стар речиси 800 години
Чешката полиција уапси 35-годишен маж осомничен за кражба на религиозна реликвија стара речиси 800 години – череп за кој се...
Милошоски: Абази и Коларевиќ ги игнорирале извештаите на ДЗР во истрагата за „Мазут“
Пратеникот на ВМРО-ДПМНЕ Антонијо Милошоски денеска соопшти дека обвинителите Ислам Абази и Катерина Коларевиќ намерно ги изоставиле извештаите на Државниот...
ЗНАМ повторно поставува прашања за фирми и деловни релации во Бугарија поврзани со раководството на СДСМ
По вчерашната прес-конференција на Движењето ЗНАМ за Наша Македонија, од партијата велат дека не добиле одговор од раководството на СДСМ,...
Трамп: Убиен е заменик-лидерот на Исламска држава во американско-нигериска операција
Американскиот претседател Доналд Трамп вчера изјави дека во заедничка операција на нигериските и американските сили „елиминиран“ е Абу Билал ал-Минуки,...