Забава
Момченце со чудо преживеа пад од 70 метри
Четиригодишно момченце кое со родителите и седумгодишната сестричка пешачело крај северниот брег на сојузната американска држава Калифорнија, паднало од карпа крај морето висока 70 метри, но преживеало и ги дочекало спасувачите во свесна состојба, објави во вторникот спасувачката служба.
По страотниот пад во понеделникот од ‘ртот во паркот Бодега Хед, двајца болничари се спуштиле во метална кошница и го пронашле уплаканото момченце со неколку скршени коски и други сериозни повреди, на само неколку метри од морето. Семејството и спасувачите стравувале дека телото може да биде однесено од морските бранови, бидејќи не можеле да го здогледаат затоа што било облечено во темно палто а веќе почнало и да се стемнува.Спасителите здивнале кога установиле дека детето е живо. „Почувствував големо олеснувања, станува збор за еден од милион вакви случаи“, изјавил спасувачот Лу Сторцингер. „Акциите за спасување зависат од многу фактори и вчера среќата сигурно беше на нашата страна“, додал.Засега не е јасно дали момченцето со телото удрило во стрмата литица или го прелетало целиот пад до карпите, но на патот немало гранки кои би го запреле или амортизирале неговиот пад, рекол Сторцингер. Детето според неговиот татко имало скршеница на ногата, скршен зглоб, две фрактури на черепот и помали на лицето.Хеликоптерот на спасувачката служба поради лошото време и намалената видливост не можел да се спушти до местото на несреќата, околу 82 километри северозападно од Сан Франциско, па детето до болницата во Окленд било пренесено со возило на брзата помош. Веднаш му било оперирана ногата, примило трансфузија и било ставено во индуцирана кома.Според таткото на момченцето, и покрај тоа што до детето стоела неговата мајка, таа не успеала да го задржи кога тоа се лизнало кон амбисот во кој претходно фрлало камчиња. /крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Eден од омилените сараевски бендови се враќа на сцената по петгодишна пауза
На сцената се враќа легендарниот сараевски бенд „Плави оркестар“, омилениот бенд на некои луѓе во регионот. Бендот првпат по пет години ќе настапи на 6 јули во Славонски Брод, на 3 август во Опатија, на 24 август во Сплит и на 1 септември во Врсар.
Кариерата на бендот ја одбележаа големите хитови, како што се песните „Суада“, „Каја“, „Подобро пијан отколку стар“, „Сава тихо тече“, чија популарност и присуство постои со години.
Бендот беше основан во Сараево во 1983 година како дел од движењето „Нови примитивци“, во кое беа вклучени и „Забрането пушење“, Елвис Ј. Куртовиќ и некои други музичари од Сараево. Критичарите го сметаат бендот за еден од најголемите културни феномени во осумдесеттите и деведесетите, близок и на постарите и на помладите генерации слушатели.
Издадоа 8 албуми, кои се продадени во над 5 милиони примероци, а неколкупати го обиколија светот со вкупно повеќе од 1.500 концерти.
Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување, кое може да предизвика грчеви во мускулите и губење на подвижноста. А сега во интервју за „Вог“, Дион, меѓу другото, проговори и за својата болест и рече дека живее ден за ден.
Како уметник што настапува пред светската публика од својата 13-та година, Дион рече дека ѝ било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Вог“ признала и колку ѝ било тешко кога ја добила дијагнозата.
„На почетокот се запрашав: ‘Зошто јас? Како се случи ова? Што направив? Дали е моја вина?’ ‘Животот не ти дава одговори. Тоа е сѐ што ви треба за да живеете. Ја имам оваа болест од непозната причина’“, рече таа и додаде дека „има сила во себе и знае дека ништо нема да ја спречи“.
Забава
(Видео) Џорџина и Роналдо објавија видео од плажа, им се допадна на три милиони луѓе
Џорџина Родригез на „Инстаграм“ објави романтично видео на кое ужива на плажа со својот партнер Кристијано Роналдо ставајќи крај на шпекулациите за проблеми во врската.
View this post on Instagram
„Во рајот со тебе“, напиша таа покрај видеото на кое се шетаат на плажа и се бакнуваат, а видеото им се допадна на повеќе од 3 милиони луѓе.
Роналдо на својот „Инстаграм“ сподели и фотографии од одморот, каде што покажа како се забавуваат и напиша: „Среќа“.