Забава
Музејот во Аушвиц немоќен пред морбидните „селфи“ фотографии
Музејот во некогашниот концентрационен логор што нациститие го изградиле во текот на Втората светска војна во окупираната Полска, е немоќен пред новата мода на таканаречените „селфи“ фотографии што младите ги снимаат на најтрагичните места на холокаустот, каков што е Ѕидот на смртта во Аушвиц.
Појавата на фотографии од насмеани тинејџери пред капијата на логорот и циничниот нацистички натпис „Работата ослободува“ или на девојка во секси пози пред симболот на трагедијата на Аушвиц зема толку голем замав што на социјалната мрежа Facebook се појави профил на кој беа објавени голем број на такви фотографии во желба да предизвикаат осуда.
Американката која го отвори профилот With My Besties in Auschwitz (Со моите најблиски во Аушвиц) по некое време го избриша, сметајќи дека ја исполнила нејзината цел.
„Оние кои не ја разбраа пораката веројатно никогаш и нема“, објаснила Американката која се впуштила во борбата против морбидните и невкусни „селфи“ фотографии.
„Нема ништо лошо во фотографирањето. Важно е како ќе се употребат тие фотографии подоцна. Често гледаме млади како се фотографираат во Аушвиц, почесто тоа се странци отоколку Полјаци. Има луѓе кои се фотографираат пред Ѕидот на смртта. Кога групата е со водич ги предупредува да не го прават тоа. Потешко е со оние кои го посетуваат Аушвиц без водич“, рекол портпаролот на Државниот музеј на некогашниот нацистички логор Аушвиц, Бартош Бартизел, за полската телевизија TVN24.
Во оваа најголема фарика на смртта во која над милион луѓе, претежно Евреи, се убиени во гасни комори или починале поради нечовечки услови за живот, е забрането фотографирање на постојаните поставки и во некои павилјони, на пример во оние во кои е изложена косата на убиените.
Бартизел рекол дека не е можно да се воведе целосна забрана за фотографирање.
„Луѓето не ни знаат на што сéп отсетува тој логор. Најважо е младите да се подготват пред посетата на Аушвиц и да бидат свесни на каква историја потсетува. Аушвиц не е само лекција по историја туку пред се емпатија. Кој е свесен за извесни граници тој не ги надминува“, рекол Бартизел.крај/мф/сд
Извор: Beta
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Кралското семејство има доверба од граѓаните и покрај теориите на заговор, покажува анкета
Повеќе од половина од луѓето во Велика Британија виделе теории на заговор на социјалните мрежи за отсуството на Кејт Мидлтон од јавниот живот, но тоа не ја поткопа довербата на јавноста во кралското семејство, покажуваат анкетите на YouGov.
Истражувањето покажува дека 51 процент од луѓето на Интернет виделе дискусии за теории за нејзиното отсуство, додека 44 отсто велат дека не, а 5 отсто од испитаниците тврдат дека тоа не е сигурно.
На социјалните мрежи, „Katespiracies“ (заговори за Кејт) варираат тврдења дека таа се опоравува. Некои се пошегуваа дека била исфрлена од кралското семејство.
Други теоретичари на заговор, како што тврди „Дејли мејл“, ги користеле социјалните мрежи за да ја наклеветат принцезата, па дури и американската старлета Ким Кардашијан објавила слика со натпис „На пат да ја најдам Кејт“.
Кејт се појави во јавноста откако претходно јавно се извини за преработената фотографија која беше објавена на Денот на мајката, што исто така предизвика бес и разни теории на заговор во медиумите и на интернет.
Според Sky News, кралското семејство сепак ја задржало довербата на жителите на Велика Британија.
Девет отсто од анкетираните велат дека помалку и веруваат на принцезата од Велс бидејќи таа отсуствува од јавниот живот, но исто толку и веруваат повеќе од порано.
Многу повеќе испитаници, 68 отсто, тврдат дека нивното мислење не е променето во последните месеци.
Во текот на викендот, принцот и принцезата од Велс беа видени како купуваат во продавница на помалку од еден километар од нивната резиденција во близина на замокот Виндзор.
Забава
„Меган Маркл е нарцис кој го контролира принцот Хари“
Меган Маркл, војвотката од Сасекс, е нарцис кој контролира и доминира над слабиот принц Хари, според биографот на британското кралско семејство, Сали Бедел Смит.
Во својата нова книга „Џорџ VI и Елизабет: Бракот што ја спаси монархијата“, Бедел Смит ја спореди Меган со Американката Волис Смит, која го натера кралот Едвард VIII да абдицира во 1936 година бидејќи не можеше да се ожени со двапати разведената Смит, пишува „Тајмс“.
Едвард потоа беше наследен од Џорџ Шести, татко на кралицата Елизабета Втора, а кралското семејство никогаш не му прости за неговата абдикација, што, според Бедел Смит, тие го сметаа за предавство.
Авторот ги споредил ситуациите на кралевите Едвард и Џорџ со несогласувањата меѓу принцот Вилијам и принцот Хари и истакнал дека и во двата случаја „се појавила Американка што ја променила динамиката“. Меган наводно се судрила со Вилијам откога се омажила за Хари во 2018 година.
„Во некои аспекти, Меган и војвотката од Виндзор, Волис Смит, имаат слични квалитети: многу нарцисоидни, контролирачки и доминантни. И ако ги прочитате писмата на Дејвид (Едвард) до неговата претходна љубовница, можете да видите колку е слаб и колку му требаше доминантна жена, а Хари е донекаде ист“, тврди Бедел Смит.
„Тајмс“ пишува дека врската меѓу Вилијам и Хари е сериозно затегната откога тие наводно одбиле да се појават заедно на церемонијата на доделување награди во чест на принцезата Дијана минатата недела. Џорџ и Едвард, како Вилијам и Хари, беа блиски извесно време, но односите меѓу нив се заладија по абдикацијата и наводното поврзување на Едвард и Волис со нацистите, вели биографот.
„Поинаку е. Хари никогаш нема да биде крал. Но, мислам дека има слични чувства на предавство, кои водат до тоа Вилијам да му биде особено лут на својот брат и тоа со добра причина“, вели американската авторка.
Забава
Кејт првпат видена во јавност со Вилијам, велат извори за кралската двојка
Јавноста, која е загрижена за здравјето на Кејт Мидлтон, може делумно да здивне бидејќи, како што објави „Дејли мејл“, принцезата од Велс изгледала среќно, здраво и опуштено за време на патот до локалната земјоделска продавница.
„По сите шпекулации што кружеа наоколу, бев изненаден кога ги видов таму. Кејт беше во шопинг со Вилијам и изгледаше среќно и добро”, рекол извор, кој ја препознал кралската двојка првпат во јавноста по операцијата на абдоменот на принцезата.
„Децата не беа со нив, но ова е добар знак бидејќи принцезата беше доволно здрава за да дојде во продавницата“, рекол изворот. Иако кралскиот пар не беше фотографиран, за многумина оваа вест е охрабрувачки знак дека принцезата ги прави првите чекори за враќање на кралските ангажмани.
Повторно се шпекулира со тоа кога Кејт Мидлтон ќе им се врати на своите обврски – некои веруваат дека тоа ќе биде на самиот Велигден, други дека ќе биде по Велигден, а трети веруваат дека принцезата ќе им се врати на кралските обврски и пред Велигден. Сепак, извор од палатата не ги потврди шпекулациите.
Отсуството на Кејт Мидлтон ги разбранува социјалните мрежи и многу од нив ги разбудија теоретичарите на заговор, па некои тврдеа дека, всушност, била во кома, а други мислеле дека кралското семејство ја отуѓило.
„Она што се случува е токму она што рекоа дека ќе се случи – таа ќе биде во болница две недели и ќе се врати по Велигден“, изјави извор близок до кралската двојка.