Не треба да одите на спиење без оваа вечерна рутина

Вашата вечерна рутина за нега на кожата често се занемарува, но може да има најголемо влијание врз вашиот тен. Еве како.

Додека спиете, вашата кожа се регенерира, па затоа е важно да ја одржувате чиста, хидрирана и заштитена. Затоа треба да обрнете внимание на негата на лицето, а подолу се чекорите што треба да ги преземете пред спиење.

Отстранување на шминка – задолжителен прв чекор
Отстранувањето на шминката е првиот чекор што никогаш, ама баш никогаш не треба да се прескокнува. Остатоците од пудра, маскара и други козметички производи можат да ги затнат порите и да ја спречат вашата кожа да „дише“ во текот на ноќта. Ова често води до мозолчиња, црнки, црвенило и нерамномерен тен.

Најдобро е да користите благo масло за чистење или мицеларна вода, а потоа да го измиете лицето со гел за чистење.

Чистење на лицето – повеќе од само миење
Дури и ако не носите шминка, вашето лице е изложено на загадување, пот и бактерии во текот на денот. Затоа двојното чистење (масло + гел) е одличен начин темелно да ја подготвите вашата кожа за ноќна регенерација.

Хидратација
Не треба да си легнувате без хидратантен крем. Во текот на ноќта, вашата кожа ја губи влажноста, па затоа ѝ е потребен крем кој ќе ја обнови и ќе помогне во одржувањето на еластичноста.

За сува кожа, изберете побогати креми, а за мрсна кожа, изберете лесни гел формули.

Серуми – мала доза што прави разлика
Ноќта е идеално време за активни состојки како хијалуронска киселина, ниацинамид или ретинол. Тие делуваат додека спиете и помагаат во регенерација, намалување на брчките и подобрување на текстурата на кожата.