Забава
Обувки кои растат за милиони сиромашни деца во светот
На родителите во земјите во развој им претставува голема тешкотија да им купат нови обувки на своите деца кога ќе ги надраснат старите чевли, меѓутоа Кентон Ли, кој некои време живеел и работел во Најроби, дизајнирал „обувки кои растат“ заедно со детското стапало.
Компанијата на Кентон Ли, „Because International“, развила меки сандали кои со помош на копчиња и ременчиња и со многу мек еластичен ѓон, многу лесно се прилагодуваат на детското стапало кое до пубертетот многу брзо расте и се менува, пишува весникот The Independent.
Замислено е секое дете да добие помал и поголем чифт од овие сандали, коишто ќе може да ги носи откако ќе прооди па до четиринаесеттата или петнаесеттата година. Секој чифт од овие обувки може да се прилагоди во пет различни величини.
На оваа идеја Ли дошол уште во 2007 година, кога работел во Најроби и ги гледал многуте босоноги деца како играат со огрубени и често изранувани стапала. Во многу неразвиени земји поради сиромаштијата децата одат босоноги, а според податоците на Светската здравствена организација (СЗО – WHO), околу две милијарди луѓе во светот патат од болести коишто ги пренесуваат разни паразити коишто живеат во почвата.
Во обична патна торба која смее да биде внесена во кабина на патнички авиони собира 50 чифта од „сандалите кои растат“, па може едноставно да се транспортираат. Секој чифт е спакуван во посебна вреќичка којашто може да послужи и како торба за на училиште, на што Ли и неговите соработници мислеле додека ги дизајнирале обувките за сиромашните деца./крај/мф/сн
Извор: The Independent
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Eден од омилените сараевски бендови се враќа на сцената по петгодишна пауза
На сцената се враќа легендарниот сараевски бенд „Плави оркестар“, омилениот бенд на некои луѓе во регионот. Бендот првпат по пет години ќе настапи на 6 јули во Славонски Брод, на 3 август во Опатија, на 24 август во Сплит и на 1 септември во Врсар.
Кариерата на бендот ја одбележаа големите хитови, како што се песните „Суада“, „Каја“, „Подобро пијан отколку стар“, „Сава тихо тече“, чија популарност и присуство постои со години.
Бендот беше основан во Сараево во 1983 година како дел од движењето „Нови примитивци“, во кое беа вклучени и „Забрането пушење“, Елвис Ј. Куртовиќ и некои други музичари од Сараево. Критичарите го сметаат бендот за еден од најголемите културни феномени во осумдесеттите и деведесетите, близок и на постарите и на помладите генерации слушатели.
Издадоа 8 албуми, кои се продадени во над 5 милиони примероци, а неколкупати го обиколија светот со вкупно повеќе од 1.500 концерти.
Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување, кое може да предизвика грчеви во мускулите и губење на подвижноста. А сега во интервју за „Вог“, Дион, меѓу другото, проговори и за својата болест и рече дека живее ден за ден.
Како уметник што настапува пред светската публика од својата 13-та година, Дион рече дека ѝ било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Вог“ признала и колку ѝ било тешко кога ја добила дијагнозата.
„На почетокот се запрашав: ‘Зошто јас? Како се случи ова? Што направив? Дали е моја вина?’ ‘Животот не ти дава одговори. Тоа е сѐ што ви треба за да живеете. Ја имам оваа болест од непозната причина’“, рече таа и додаде дека „има сила во себе и знае дека ништо нема да ја спречи“.
Забава
(Видео) Џорџина и Роналдо објавија видео од плажа, им се допадна на три милиони луѓе
Џорџина Родригез на „Инстаграм“ објави романтично видео на кое ужива на плажа со својот партнер Кристијано Роналдо ставајќи крај на шпекулациите за проблеми во врската.
View this post on Instagram
„Во рајот со тебе“, напиша таа покрај видеото на кое се шетаат на плажа и се бакнуваат, а видеото им се допадна на повеќе од 3 милиони луѓе.
Роналдо на својот „Инстаграм“ сподели и фотографии од одморот, каде што покажа како се забавуваат и напиша: „Среќа“.