Забава
Овие седум работи во вашиот дом можат да ве разболат: Ослободете се од нив што е можно поскоро
Често мислиме дека нашиот дом е безбедна оаза, но вистината е дека секој ден доаѓаме во контакт со предмети кои содржат микроорганизми и алергени, подготвени да нè „испратат во кревет“.
Дури и ако се обидувате да живеете здрав живот, старите навики за одржување на домот можат да бидат тивки саботери на вашата виталност. Еве седум клучни работи на кои треба да обрнете внимание за да го направите вашиот дом безбедно засолниште, а не микробен рај.
1. Навлаки за перници – мека опасност
Перниците можат да бидат засолниште за габи и прашински грини кои ја сакаат топлината и влагата. Ако сакате да спиете со влажна коса, особено ако страдате од астма или проблеми со синусите, подобро е да го избегнувате тоа. Изберете перници што се перат, менувајте ги навлаките за перници најмалку еднаш неделно и редовно проветрувајте ја вашата спална соба.
2. Теписи – скриени собирачи на прашина
Теписите изгледаат декоративно и удобно, но собираат прашина, прашински грини и алергени. Редовното чистење со правосмукалка, вклучувајќи ги и најмалите агли, како и чистењето играчки, далечински управувачи, тастатури и рачки на вратите, значително го намалува ризикот од иритација и астма.
3. Стара правосмукалка – несвесен непријател
Старите модели на правосмукалки често исфрлаат повеќе прашина отколку што отстрануваат. Решението? Инвестирајте во модерна правосмукалка и редовно празнете ги вреќичките за прашина.
4. Хемикалии од средствата за чистење во домаќинството
Многу средства за чистење содржат штетни супстанции кои можат да предизвикаат иритација или дури и долгорочни здравствени проблеми. Наместо тоа, користете природни сојузници – оцет, лимон и сода бикарбона прават чуда, а вашиот дом ќе остане здрав и освежителен.
5. Скриени места со мувла
Мувлата ги сака влажните, темни простори – бањи, подруми, ѕидови без вентилација. Контактот со неа може да предизвика главоболки, гадење, затнат нос и да ја влоши астмата. Решението? Редовно чистење на тврди површини и подобра вентилација на просториите.
6. Папучи и подлоги за бања
Влажната површина веднаш по туширањето станува магнет за бактерии и габи. Практично правило: избришете се пред да стапнете на подлогата и редовно перете ја најмалку двапати месечно.
7. Чад од цигари – невидливиот убиец
Дури и пасивното пушење е сериозна опасност по здравјето. Чадот содржи над 7.000 хемикалии, од кои 70 се канцерогени. Најдобар начин да се заштитите: забранете пушење во домот, особено кога прозорците и вратите се затворени.
Мали трикови, големи промени – обрнете внимание на овие работи и вашиот дом ќе стане вистинска оаза на здравјето, а не скриен извор на болести.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Пејачката Милица Тодоровиќ успеала да изгуби дури 15 килограми
Пејачката Милица Тодоровиќ успеала да изгуби дури 15 килограми пред породувањето, а во една прилика открила дека во тој период решила и здравствен проблем за кој не ни знаела дека го има.
Таа дознала дека има инсулинска резистенција, а проблемот го решила со целосна промена на животните навики. Тодоровиќ отворено зборувала за својата борба со килограмите, истакнувајќи дека претходно често била на диети кои не давале долгорочни резултати.
„Јас сето тоа го нарекувам нова ера на Милица Тодоровиќ, а тоа подразбира сè… Не се магии, едноставно имав голема инсулинска резистенција, тоа беше здравствен проблем за кој не знаев“, изјавила таа во емисијата „Амиџи шоу“.
Милица признала дека со години се борела – губела килограми, па повторно ги враќала, а голема улога во сето тоа имал и стресот. Дури кога го решила здравствениот проблем, успеала да направи трајна промена и да ослабе 15 килограми, чувствувајќи се подобро и поздраво.
Таа истакнала дека е голем гурман, но дека никогаш не се доживувала себеси како „буцка“.
„Сите знаеме како се слабее, но најчесто не го применуваме тоа. Уживам во храната и многу сакам да јадам! И кога се здебелив, тие неколку килограми вишок ми пречеа. Но не се доживував како буцка. Сепак, бев свесна дека тоа што го правам не е добро за здравјето, особено затоа што мојата исхрана најчесто беше пржена, мрсна и слатка“, искрено рекла пејачката.
Наместо строги забрани, Милица вовела јасни правила и дисциплина. Покрај тоа што пиела многу вода и зелен чај, нејзиниот дневен мени кој дал резултати бил:
Појадок: овесни снегулки прелиени со вода и овошје
Ручек: месо и салата
Забава
Тие повторно ќе блеснат силно: Четири хороскопски знаци ќе се радуваат како никогаш досега
Астролозите тврдат дека вратите на среќата, новите можности и позитивните промени се отвораат за одредени хороскопски знаци во наредниот период.
По месеци неизвесност и стагнација, ѕвездите конечно им испраќаат бран добра енергија што би можел да влијае на љубовта, работата, финансиите и личниот развој. Додека некои конечно ќе ги пожнеат плодовите од своите напори, други хороскопски знаци одеднаш ќе се најдат во ситуации што можат да им го променат животот на подобро.
Лав
Прв меѓу нив е Лавот. Лавовите се соочуваат со период во кој повторно ќе блеснат во полн сјај. Нивната харизма и самодоверба доаѓаат до израз, а тоа би можело да ги доведе до деловен успех и нови познанства.
Многу Лавови ќе почувствуваат силен бран на мотивација, па затоа ќе им биде полесно да донесуваат одлуки што ги одложувале долго време. Во љубовта, можат да очекуваат искрени разговори и постабилни врски, додека слободните би можеле да сретнат личност која целосно ќе ги освои.
Бик
Биковите исто така ќе почувствуваат голема промена. По еден турбулентен период, Бикот ќе доживее долгоочекуван мир. Финансиската состојба би можела значително да се подобри, а трудот вложен во претходните месеци конечно ќе почне да се исплати.
Ѕвездите им советуваат да бидат отворени за нови можности бидејќи тие би можеле да го означат почетокот на едно многу успешно поглавје. На приватно ниво, можат да очекуваат повеќе хармонија и чувство на сигурност што им е исклучително важно.
Стрелец
Среќата ќе им биде наклонета и на Стрелците. Стрелците влегуваат во период полн со возбуда, патувања и нови искуства. Енергијата што ќе ја почувствуваат ќе им помогне да излезат од својата рутина и да преземат смели чекори што досега ги избегнуваа.
Можни се големи промени на деловниот план, но и неочекувани средби што ќе им донесат инспирација и оптимизам. Љубовниот живот би можел да цвета, особено за оние кои се подготвени да преземат ризици и да се отворат за нови емоции.
Риби
Рибите исто така ќе почувствуваат позитивни вибрации. Рибите конечно ќе имаат чувство дека работите се склопуваат точно како што посакувале. Нивната интуиција ќе биде посилна од вообичаеното, па затоа лесно ќе препознаваат добри можности и ќе избегнуваат непотребни проблеми.
Ова е идеално време за нови почетоци, креативни проекти и донесување важни одлуки. Многу Риби ќе почувствуваат големо емоционално олеснување и внатрешен мир.
Забава
(Видео) Поради натпреварувачката од Финска, прекршено евровизиско правило кое важи веќе 28 години
Финската виолинистка, Линда Лампениус, добила ретка можност и специјално одобрување во финалето на овогодинешната Евровизија 2026 во Виена да свири во живо. Со ова, по речиси три децении, е направен исклучок од строгото правило на Евровизија според кое инструменталната придружба на сцена мора да биде однапред снимена.
Таа и пејачот Пет Парконен ја претставуваат Финска со песната „Лиекинхеитин“, која се смета за еден од фаворитите.
Организаторите ѝ дозволиле исклучок поради значењето на виолината во настапот. Линда изјавила дека виолината е нејзиниот глас во песната и дека конечно ќе може да „пее“ на сцена.
Инаку, правилото за забрана на свирење во живо постои поради брзите смени меѓу настапите и намалување на технички ризици. Вокалите сепак мора да бидат изведени во живо.
Пред оваа одлука, последниот настап со вистински инструменти во живо бил во 1998 година. Во Бирмингем, претставникот на Македонија, Владо Јаневски, ја изведе песната „Не зори, зори“ во придружба на вистински оркестар. Тој настапи последен таа вечер со оркетар. Нгеовиот настап всушност има два историски моменти. Интересно да се напомене е и дека Јаневски беше првиот евровизиски претставник на Македонија.
Се зголемува свесноста за опасноста од меланом и кожните заболувања
Во рамките на ЕУРОМЕЛАНОМА 2026 денеска во Градскиот парк во Скопје се одржуваат бесплатни прегледи на бемки, дамки и сомнителни...
Многу жени трпат семејно насилство и молчат поради страв, економска зависност и недоверба во системот
Семејното насилство претставува сериозен општествен и здравствен проблем што бара координиран институционален одговор, поголема доверба во системот и ефикасна примена...
(Видео) Маеда му пресуди на Хартс во 88-та минута – Селтик ја одбрани титулата
Фудбалерите на Селтик го победија Хартс со 3:1 во последното коло и ја освоија титулата во Шкотска. Великанот од Глазгов...
Утре затворени улици низ Скопје
Во недела, 17 мај, во Скопје ќе се одржи 14. издание на спортско-рекреативниот настан „Прв до врв“, поради што ќе...
Спринтот во Каталуња за Алекс Маркез, Мартин повотрно падна
Алекс Маркез, на Гресини Дукати, победи во спринтот пред Големата награда на Каталуња. Помладиод од браќата Маркез, го искористи лошото...
Полицијата фати возачи без возачка, пијани и со забрана за управување автомобил
Во текот на изминатото деноноќие, на целата територија на државата, полициски службеници лишија од слобода 17 возачи поради безобѕирно управување....
Авионска несреќа во Германија: Летало се урна во станбена зона, загинаа две лица
Две лица загинаа кога мал авион се урна во станбена зона во германскиот град Лимбургерхоф, јужно од Манхајм. Според медиумските...
Фенербахче подготвиле астрономска понуда за Салах
Мохамед Салах наскоро официјално ќе го напушти Ливерпул, а неговата следна дестинација сè уште не е позната. Познато е дека...
Левандовски потврди дека ја напушта Барселона
Роберт Левандовски официјално потврди дека ја напушта Барселона на крајот од сезоната. Полскиот напаѓач се збогува со каталонскиот клуб со...