Контакт

Забава

По што е различна новата кинеска банка? Напуштање на Бретон Вудс системот

Објавено пред

Кога кон крајот на 2013 година Кина предложи основање на Азиска банка за инфраструктура и инвестиции (Asian Infrastructure and Investment Bank), се надеваше со тоа да понуди регионална алтернатива на мултинационалните институции од системот на Бретон Вудс (меѓународен систем кои ги утврдува правилата на комерцијалните односи помеѓу развиените земји и кој е основа за создавањето на ММФ и Светската банка,  наречен според првиот состанок во 1944 година во Бретон Вудс во САД), во кој Азија е многу слабо претставена.

dobivaj vesti na viber

Кога 58-те земји-членки на новата банка ги игнорираа предупредувањата од Вашингтон и се приклучија кон банката на почетокот на годинава (вклучувајќи и сојузници на САД и членки на Г-7, како што се Франција, Германија, Јужна Кореја и Велика Британија), Кина сфати дека создала потенцијална претходница за воспоставување алтернативен светски економски поредок.

Создавањето на АБИИ значи дека Меѓународниот монетарен фонд и Светската банка, двата доминантни играча во развојното кредитирање и меѓународната финансиска регулација, сега имаат азиски двојник. Иако сите три банки целат кон тоа да обезбедат глобална финансиска стабилност и да го поттикнат економскиот раст во земјите во развој, тие исто така активно ги промовираат националните интереси и политичкиот светоглед на нивните најмоќни членки.

Сличностите помеѓу АБИИ, ММФ и Светската банка се очигледни. Но, постојат и неколку клучни разлики. Западната помош и развојните потфати се насочени кон ширење на либералната демократија и на нивните сопствени институционални рамки. Кина, од друга страна, се држи до својата политика на дистанца од внатрешните работи на другите држави. Всушност, Меморандумот за основање на АБИИ има забележително слични оперативни насоки на банките од Бретон Вудс системот, но им забранува на членките да влијаат врз политичките случувања.

Дали светот стигна до точката од која за политичкиот притисок од доминантните држави повеќе нема место во развојното кредитирање? Ако АБИИ е индикатор, тогаш главните економии и помалку развоените земји се отворени кон оваа идеја. Во новата ера Бретон Вудс системот не може да продолжи со промовирање на либералната демократија, слободните пазари и западните институции на владеење, ако сака ефективно да го предводи светскиот економски поредок. И, кога смне веќе на таа тема, лидерството на САД на глобалната економија ќе мора да престане да биде пристрасно кон западната неолиберална ортодоксност.

Фрустрации од Бретон Вудс

АБИИ се роди од двете главни поплаки за Светската банка и ММФ кои Кина и помалку развоените држави ги споделуваат. Како прво, како што во изминативе 30 години растеа економиите на овие држави, нивната гласачка моќ во рамките и на двете организации останаа на исто ниво, што доведе до диспропорционално ниско влијание и во управувачките иницијативи и и во кредитните програми.

Бројот на гласови кои им се доделуваат на земјите членки на Светската банка и ММФ се одредува според капиталот со кој придонеле и според обемот и стабилноста на нивните економии. Тековно делот гласови на Кина е помал од тој на Велика Британија, наспроти неспоредливо поголемата економија. Индија за малку не влегува на листата на десетте најголеми блокови на гласови, а Италија е поставена на средината на таа листа. Во 2013 година економиите во подем полнеа половина од глобалниот БДП врз база на куповната моќ. Сепак, гласачката моќ во ММФ и во Светската банка е се уште 60 наспроти 40 проценти во корист на напредните економии, со тоа што блокот гласови на вашингтон останува константен на околу 17 проценти, иако околу 73 проценти од земите во развој растеа побргу од САД од 1990 година наваму, со стапка од 3,3 проценти годишно.

Втората поплака е врзана за условеноста на заемите од ММФ и од Светската банка. Добрите институции и економски политики, вели нивниот резон, ќе доведе до поголема веројатност заемите да бидат вратени и ќе ги намали шансите да им потреба од програма за спас во иднина. И така заеми им се даваа само на оние кои ќе ветеа дека ќе ги скастрат националните буџети за да одбегнат тековни дефицити (при што обично први страдаа социјалните програми), ќе ги намалат царините и ќе ја зголемат отвореноста на финансиските пазари. Пакетот неформални критериуми на Светската банка, познат како „Милениумски развојни цели“, оценуваат колку една земја добро ги искористила фондовите, при што хуманитарните мерки, како што се сртност на децата и бројот на нови епидемии, се земаат како показатели заедно со оценката на демократските процеси во земјата и транспарентноста на владата. Во екот на азиската финасиска криза од 1997 година, критиките за условеноста го достигнаа врвот. Кога летото таа година колабираше тајванскиот бат, многумина го обвинуваа ММФ за тоа што ја присили земјата да ги отвори своите финансиски пазари пред да се воспостави правилна финансиска регулатива. Во текот на кризата тајванската економија стана ранлива на шпекулации и ја плати цената кога инвеститорите ги загубија своите облози. Истата програма на отвореност беше применета при зајмите на ММФ за поголемиот дел од Азија, вклучувајќи ги и програмите во Индонезија и во Јужна Кореја, што ги изложи тие држави на финасиско загадување. Решението на ММФ за кризата беше да имплементира мерки за штедење во државите кои беа најпогодени од неа. Како услов да ги добијат пакетите за спас на ММФ и Индонезија и Тајван мораа да ги скастрат нивните фискални буџети, отфрлајќи ги во процесот социјалните програми за да можат да ги платат каматите на заемите. Како резултат, невработеноста се вивна и Индонезијците излегоа на улиците да протестираат поради загубените работни места, стагнацијата на реалните плати (поради инфлацијата) и укинувањето на националната субвенција за горивата. Згора на тоа, ММФ предложи Јужна Кореја неодложно да ја фокусира својата централна банка кон независност и контрола на инфлацијата, политика која многу малку ќе стореше во смисла на потикнување на заздравувањето и, наместо тоа, ќе ја охрабреше банката да остане затворена кон политички популарните мерки, дури и кога беа корисни. Јужна Кореја одлучи да ги игнорира овие совети. Индонезија, пак, затвори 16 приватни банки, оставајќи ги штедачите без покритие и целосно ги истурка од финансискиот систем.

Латинска Америка беше можеби најсилно погодениот економски регион надвор од Азија во 1997 година. ММФ ги наметна истите политики и таму, а реакцијата од локалното население беше уште понагласена. Соочени со епидемиската невработеност и без никаква безбедносна мрежа, урбаното насилство и сивата економија ги зафатија Аргентина, Бразил, Мексико и други држави. Како резултат на тоа, многу економии во Латинска Америка се свртија кон алтернативни извори на финансирање, кои беа достапни без неолибералните политички услови и ги оставија договорите со ММФ едноставно да истечат.

Проверката неколку години по кризата покажа дека спасувачкте политики на ММФ дале разочарувачки резултати. На почетокот на 2000-те, зафатените источноазиски економии имаа примања и до 30 проценти помали од очекуваните ако им се дозволело да растат според предкризните стапки. На пример, Индонезија во 2001 година имаше 5,3 проценти помалку производство отколку во 1997 година. Тајланд, за кој се чинеше дека подобро се снаоѓа со мерките на ММФ отколку неговите соседи, се уште се немаше вратено на предкризните стапки на раст. Откако латиноамериканските држжави ја започнаа транзицијата кон слободен пазар под водство на ММФ по хиперинфлацијата во 1980-те години, годишниот раст падна од 2,8 проценти на 0,3 проценти.

И други региони во светот кои беа цел на зголемена активност на ММФ во истиот период страдаа на сличен начин. Растот на субсахарска Африка падна на 0,8 проценти годишно, упадливо спротивно на растот од 1,6 проценти годишно во текот на претходните 20 години. Во посткомунистичка Источна Европа само опет држави постигнаа раст на ниво од 80 проценти или повеќе од нивото пред 1989 година.

Условеноста на ММФ исто така долгорочно не резултираше со подобри економски политики. Всушност, овие политики генерално ги влошуваат програмите за структурално прилагодување, негирајќи ја нивната ефикасност како вистински поттик за реформи. Можеби уште озагрижувачка е неодговорноста која ММФ и Светската банка ја покажаа кон демократските земји при наметнувањето на условите за програмите за економски реформи, дозволувајќи им на лидерите да ги паузираат реформите пред избори за да и се додворат на јавноста. Спред студијата на германскиот економист Аксел Дреер и на професорот од американскиот универзитет „Џорџ Вашингтон“ Натан Џенсен од 2007 година, при добивањето на заемите сојузниците на САД уживаат во многу помал број на услови отколку другите држави.

Обиди за реформа

Мора да им се признае и на ММФ и на Светската банка дека барем сватија оти нивната неспособност да ги разберат локалните услови претставува проблем. Како одговор на тоа, двете организации се обидоа да спроведат две големи реформи. Прво, се обидоа да ја зголемат гласачката моќ на земјите во развој. Второ, ги преработија програмите за структурално прилагодување за да им доделат повеќе сопственост врз проектите на локалните лидери и да ја зголемат нивната гласачка моќ. Критичарите ги отфрлија и овие нови насоки, со образложение дека гравитираат премногу блиску до рамката на претходните услови. Грција е само последниот пример на штедачкиот стисок на ММФ, кој се намали само откако светот свати дека државата е турната кон брз банкрот. Признавајќи дека нивниот вонреден пакет од заеми е, најверојатно, неповратен, ММФ ги истакна доспеаните долгови на Грција, нејзината неспособност да ги собере даноците и сивата економија на земјата.

Ако се претпостави дека неолибералните програми за слободен пазар засега ќе останат во с’ржта на дејствувањето на ММФ и на Светската банка, постојат и други начини за да се доведат овие две организации во склад со реалноста на глобалната економија и со потребите на светот во развој. Пакетот реформи предложен во 2008 година и усвоен во 2011 година ќе ги усогласи гласачките пакети во Светската банка и во ММФ со тековните економски реалности и ќе ја зголеми гласачката моќ на помалите држави. Шест проценти од тековните гласови ќе бидат префрлени од развиените земји (најмногу од Европа и од блискоисточните држави богати со нафта) кон земјите во развој. По тоа, 102 од 187-те земји-членки на ММФ ( повеќето земји во рзвој) ќе имаат зголемен број на гласови. Ниту една од најсиромашните држави на светот нема да мора да се откаже од своите гласови, а Бразил, Кина, Индија и Русија ќе се најдат помеѓу десетте најголеми сопственици на акциите на овие банкарски организации. Сепак, ниту една од овие реформи не може да биде имплементирана без ратификација од страна на САД, најголемиот акционер во ММФ. Конгресот засега одбива да ги одобри реформите и оние држави кои не го добија местото на преговарачката маса кое го заслужуваат си ги земаа своите фискални иднини во свои раце.

И тука влегува АБИИ. Го искористи моментот за да ја поправи нееднаквоста. Како прво, регионалната природа на банката гарантира дека азиските држави ќе го имаат доминантниот глас во оваа организација. Повелбата на банката исто така наметнува 70 проценти од капиталот да потекнува од Азија, со што осигурува Кина да остане најголемиот акционер. Оттаму, Пекинг ќе го задржи правото на вето врз сите битни одлуки, за кои се потребни 75 проценти од гласовите. Кинеското влијание, сепак, ќе биде контролирано од еднаквото право на акции дадено на сите основачки членки. Друг пат до гласачка моќ е вложениот капитал. Ако Кина плати 30 проценти од оснивачкиот капитал, као што има намера, сепак ќе добие само 26 проценти од гласовите. Ова е во контраст со политиките на ММФ и на Светската банка, кои ја изедначуваат гласачката моќ со инвестираниот почетен капитал, за сметка на другите релевантни мерила.

Во извесна смисла, АБИИ е поставена како експеримент за кинеската верзија на мултиполарност: Пекинг ја задржува цврстата контрола врз организацијата, но не му пречи да им даде повеќе гласачка моќ на своите соседи – се додека од тоа има профит. Западот е добредојден да учествува во работите на Азија, но под азиски услови. Последно, но и најбитно, е тоа што банката се заложи дека политиката нема да учествува во дискусиите за тоа дали и под кои услови треба да се одобри некој развоен проект. Кина љубоморно ги чува своите внатрешни работи и се гордее со тоа што се разви најбргу од сите држави во развој по Втората светска војна. Заслугата за тоа Пекинг ја гледа во неговото тврдоглаво одбивање на неолиберлната ортодоксија на слободен пазар. Кина цврсто верува дека нејзиниот пат може да послужи како водич (иако не и модел) за другите земји во развој кои не ги постигнаа истите стапки на раст.

Чесно е да се праша како АБИИ ќе пресудува дали треба да се одобри заем ако не ги зема предвид сите овие мерки, дури и ако планира да биде многу попрофитабилна од своите двојници од Бретон Вудс. Одговорот е застрашувачки едноставен: АБИИ се враќа кон банкарските основи на оценување на заемобарателот врз чисто економски основи.

Како држава со пребогати девизни резерви, која се соочува со намалени приходи од нејзината економија потпрена на производството, Кина е гладна за профитабилни прекуморски инвестиции. Нејзината сопствена развојна банка во сопственост на државата веќе има позајмено повеќе од Светската банка. Во последните четири години, директните странски инвестиции на Кина растеа со здружена годишна стапка на раст од 16 проценти – двојно повеќе од светскиот просек. Според една студија на Ernst and Young, минатата година кинеските инвестиции можеле да се најдат во 6.128 компании ширум 156 држави и региони.

За Кина, следењето на парите резултураше во вредни билатерални врски со партнери кои се примарни приматели на казнените мерки на ММФ и на Светската банка. Иницијативата „Патот на свилата“, кој треба да минува низ Северна Африка и Централна Азија, не ги фаворизира државите кои се во неолибералниот светски поредок. Инвестициите во Југоисточна Азија, Африка и Латинска Америка подеднакво се распределени помеѓу демократски и авторитативни режими.

Особено инвестициите во Југоиточна Азија дојдоа во критичен период за Кина, која транзиционира од производна економија во економија базирана на услуги. Пекинг мора набргу да почне да увезува повеќе инпут за својата индустрија, а Југоисточна Азија е примарната цел за исполнување на овие потреби. Иако трговската размена на Кина со Југоисточна Азија е се уште релативно мала, регионот и натаму е главен снабдувач на Кина со произведени добра – особено со машинерија и електроника. Регионот во целост во 2013 година имаше трговски дефицит со Кина од 45 милијарди американски долари, но уќествуваше со само 10,7 проценти во вкупниот обем на трговијата на Кина.

Пекинг сака овие бројки да се зголемат. АБИИ му овозможува да го спроведе тоа со еден мултилатерален потфат. Истовремено, развојниот елемент на банката помага да се ублажи антикинескиот сентимент во клучните места за инвестирање, како што се Африка и Латинска Америка. Она што е многу попривлечно кај инвестициите на АБИИ е тоа што ја заменува идеологијата која ги ништи банките од Бретон Вудс системот кои ја ставија политиката пред развојот./крај/мф/сс



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава

Кристофер Нолан и неговата сопруга Ема ќе добијат почесни титули витез и дама

Објавено пред

Британскиот режисер Кристофер Нолан и неговата сопруга и продуцентка Ема Томас ќе добијат почесни титули витез и дама за нивните заслуги во филмската уметност.

dobivaj vesti na viber

Признанието за нивните заслуги доаѓа по наградуваниот филм „Опенхајмер“ за таткото на атомската бомба. Филмот освои седум „Оскари“ оваа година, од кои две освои Нолан. Тој претходно беше номиниран за шест награди „Оскар“ за преиспитување важни работи во својот филмски опус, но никогаш не доби „Оскар“ за режија сè до годинешната награда.

Нолан беше номиниран за истата награда за филмовите Memento, Inception и Dunkirk.

Со текот на годините Томас работеше со Нолан на сите негови главни филмови, од 2020 година.

Нолан и Томас се запознале на Универзитетскиот колеџ во Лондон, а моментно ја водат продуцентската компанија „Синкопи“.

Титулите витез и дама се доделуваат на церемонија во Бакингемската палата во присуство на кралот, но Чарлс во моментот не ги извршува своите должности поради болест. Листата со препораки за награди ја состави британскиот премиер Риши Сунак.

Прикажи повеќе...

Забава

„Тој се откажува од барањето за старателство“: судската битка на Анџелина и Бред е при крај

Објавено пред

Годинешната битка за развод на Бред Пит и Анџелина Џоли, конечно, привршува. „Дејли Ммл“ дознава дека актерот се откажал од барањето за заедничко старателство над нивните деца.

dobivaj vesti na viber

Извор за „Дејли Мејл“ изјавил дека парот, кој од 2016 година води битка за старателство на суд, моментно се во преговори и, конечно, се поблиску до ставање крај на правната драма.

Иако Бред првично бараше заедничко старателство над нивните деца, извор сега тврди дека актерот повеќе не го бара тоа. Тоа значи дека Анџелина ќе го задржи старателството над децата, а тој ќе има право на посета.

Голем фактор во таа одлука е што некои од децата сега се возрасни. Медокс има 22, Пакс 20, а Захара 19. Шилон (17), Нокс и Вивиен (15) сè уште се малолетни. Се верува дека постарите деца имаат лоши односи со Бред и бидејќи се возрасни во очите на законот, тие веќе не се опфатени со никакви аранжмани за старателство.

Захара неодамна јавно се откажа од презимето на татко ѝ, а на Денот на таткото во 2020 година Пакс го нарече Бред „куче од светска класа, кој ги тера неговите четири најмали деца да треперат од страв“. „Ги претвори животите на моите најблиски во пекол“, напиша и додаде:

„Можеш да си кажеш себеси и на светот што сакаш, но вистината еден ден ќе излезе на виделина“.

Прикажи повеќе...

Забава

Најопасните години од животот за секој хороскопски знак

Објавено пред

Кои се најнестабилните фази во животот на сите хороскопски знаци и како да ги преживеете? Со помош на ѕвездената карта, сите знаци на зодијакот можат да се подготват навреме и да спречат непоправливи грешки кои се лесно можни во годините кои претставуваат пресвртница во нивните животи.

dobivaj vesti na viber

Астрологијата открива кои се најопасните години од животот

Овен
Речиси непробојниот Овен ризикува да изгуби самоконтрола на 19, 35 и 66 години. Во текот на овие значајни временски периоди, мора да одржувате критичка перцепција и емоционална флексибилност, тогаш сè ќе работи во ваша корист. По 45, типичен Овен ќе започне нов животен циклус, оставајќи ги зад себе сите пречки и таги од минатото.

Бик
За далекувидниот и одговорен Бик „фаталните пресвртници“ практично не се ни забележливи. Единствено на што треба да внимавате се промените кои се случуваат на 21, 27 и 38 години. Нерационалниот страв од новото и непознатото може да ве забави и блокира, а тоа не ви треба. Оди напред смело.

Близнаци
Штитениците на Меркур треба да обрнат внимание на датумите на годишнината. На 20 години ќе им биде тешко на многу Близнаци – во овој момент судбината почнува да ве тестира, искушувајќи ве на сите можни начини. Но, други тркалезни датуми ветуваат духовен напредок и материјален просперитет.

Рак
Соништата и надежите по правило се нереални – еве што ќе ги мачи типичните Ракови до 31 година. Нема потреба од очај, веќе на 35 години на вашиот животен хоризонт ќе се појават сосема опипливи перспективи. Главната работа е да не паднете во очај пред да наполните 40 години, а потоа кога ќе наполните 50 години, ќе се заблагодарите на судбината за многу благослови.

Лав
Лавовите се предодредени за многу пресвртни точки. Ќе мора да покажете волја на 22, 33, 36, 49, 55 и 76 години. Во исто време, секој успешно положен тест за сила ќе ви овозможи нови можности и дополнителни вештини.

Девица
Брзи подеми и болни падови ги чекаат типичните Девици на 17, 22, 24, 33, 44 и 48. Ова најмногу ќе се однесува на работата и финансиите. Но, по 55 години, многу претставници на знакот ќе се најдат на врвот на успехот и задоволството.

Вага
Опасните периоди на животот за Вагата паѓаат на 17, 24, 33, 40 и 48 години. Многумина ќе мора да го преиспитаат својот стил на комуникација за да избегнат проблеми и да преминат на следното ниво.

Шкорпија
Најопасните години од животот за Шкорпиите се 25, 34, 45 и 60. Во овие периоди, Шкорпиите очајно ќе се борат со самите себе, а внатрешната битка ќе се покаже како најтешкиот тест на судбината.

Стрелец
Стрелецот ќе мора да помине низ неколку животни лекции за да ја пронајде внатрешната рамнотежа и да ја пронајде вистинската смисла на животот. Подгответе се за ударите на судбината на 19, 33, 37, 39 и 50.

Јарец
За типичен Јарец, клучните пресвртници се поврзани со детството и староста: 8, 11, 15, 47, 51, 55, 61 и 79 години. Но, поголемиот дел од свесниот живот за конзервативните и одговорни претставници на знакот ќе биде стабилен.

Водолија
Водолијата во 12, 22, 24, 32, како и во 48 и 50 ја очекуваат судбоносни средби, познанства и настани. Главната работа не е да се заборави чувството за такт и барем малку дисциплина.

Риби
Различни изненадувања ќе се појават во личниот живот и професионалната сфера на Рибите на 13, 15, 25, 30 и 37 години. Дефинитивно е невозможно да се остане смирен на оваа возраст.

Прикажи повеќе...

Најново

Регион3 часа

„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка

Родителите се тие што имаат многу да објаснат. Прво, зошто чекаа да го пријават исчезнувањето? Колку што знам, чекаа два...

Топ3 часа

Нападната и ограбена охриѓанка, со тешки повреди пренесена во болница

Вчера во 10.15 часот во СВР Охрид е пријавено дека, на улицата „Марко Несторовски“ во Охрид, едно лице физички ја...

Македонија3 часа

(Видео) Мицкоски: Коалицијата на ВМРО-ДПМНЕ „Твоја Македонија“ застанува зад бранот промени за стабилна и силна Македонија

Денес потпишавме Повелба за стратешко коалицирање и утврдување на принципите на идна работа на Коалицијата предводена од ВМРО-ДПМНЕ наречена „Твоја...

Топ5 часа

Тешка сообраќајна несреќа во Кичево – три млади лица го загубија животот, има и тешко повредени

Утрово во 4.50 часот на улицата Магистрален пат во Кичево се случила сообраќајна несреќа помеѓу патничко возило „пежо“ со кичевски...

Македонија5 часа

Петровска: Судот донесе одлука дека Ковачки неправедно ме клеветел

Министерката за одбрана, Славјанка Петровска објави дека судот донел одлука со која се утврува дека пратеникот од ВМРО-ДПМНЕ, Драган Ковачки,...

Македонија7 часа

Притвор од 48 часа за две лица задржани по убиството на лекарот во Железара

Со оглед на тоа што се уште се преземаат дејствија за обезбедување докази, јавен обвинител од Основното јавно обвинителство Скопје...

Регион8 часа

Почна нова детаљна потрага по Данка, пристигнаа спасувачки екипи со куче

Две специјалистички спасувачки екипи од Белград и Нови Сад, Одделот за вонредни состојби на МВР на Србија, синоќа пристигнале во...

Регион8 часа

Силен земјотрес ја погоди Бугарија

Земјотрес со јачина од 3,8 степени според Рихтеровата скала ја погоди Бугарија, јавува ЕМСЦ. Земјотресот е регистриран во 8:38 часот...

Европа8 часа

Автобус повторно се преврте на автопат во Германија, патниците биле средношколци

Автобус со околу 60 патници се преврте вчера на автопатот А44 во западната германска покраина Северна Рајна Вестфалија, јавува дпа....

Свет8 часа

Израел ја нападна Сирија: „38 лица загинаа во Алепо, меѓу кои и членови на Хезболах“

Повеќе цивили и војници загинаа откако Израел и милитантните групи започнаа напади врз северниот сириски град Алепо, соопшти утрово сириското...

Европа9 часа

Лавров: Украинскиот план е бесмислен, вклучува повлекување на нашата армија од освоените територии

Рускиот министер за надворешни работи Сергеј Лавров изјави дека мировниот план предложен од Украина е бесмислен бидејќи се заснова на...

Македонија21 час

ВМРО-ДПМНЕ ги утврди пратеничките листи за изборите: „Се работи за луѓе со кредибилитет, искусни и енергични“

Извршниот и Централниот комитет на ВМРО-ДПМНЕ одржаа седница на која беа усвоени пратеничките листи на ВМРО-ДПМНЕ и Коалицијата за претстојните...

Македонија21 час

Села оди во коалиција со Ахмети

На седница на Централното собрание на крилото на Алијансата за Албанците предводено од Зијадин Села, беше одлучено да коалицираат со...

Македонија23 часа

Македонија треба да и’ врати 2,2 милиони евра на Европската Комисија кои биле злоупотребени преку „Еразмус“

Европската канцеларија за борба против измами (ОЛАФ) бара Македонија да врати 2,2 милиони евра злоупотребени преку програмата „Еразмус+“. Директорот на...

Македонија1 ден

Вработените во „Еуроникел“, кои останаа без работа, ќе добијат можност да се вратат во фабриката, новите газди со производството почнуваат во јуни

Речиси 600 вработени во кавадаречката фабрика „Еуроникел индустри“ ќе добијат можност повторно да се вратат на работа во следните 90...

Македонија1 ден

Тошковски: Приведен е и трет осомничен во врска со убиството на лекарот во скопска Железара

Техничкиот министер за внатрешни работи, Панче Тошковски, денеска изјави дека е приведено уште едно лице во врска со убиството на...

Економија1 ден

Трендафилов најави неколку протести: Во вторник ќе ги охрабриме судиите да ја преиначат срамната пресуда за конфискација на Работничкиот дом

Претседателот на ССМ, Слободан Трендафилов, денеска, на прес-конференција, за 2 април најави протест, кој ќе почне пред седиштето на ССМ...

Топ1 ден

Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец

Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против...

Македонија1 ден

(Видео) „ДПМНЕ и Тошковски ја загрозуваат безбедноста на граѓаните“, вели Талевски

„Два месеца откако ВМРО-ДПМНЕ го презеде раководењето со Министерството за внатрешни работи, безбедносната состојба во Прилеп никогаш не била полоша....

Економија1 ден

„Растот на платите со кои се фали Битиќи е лага, платите се стопија со порастот на трошоците на живот“, велат од ВМРО-ДПМНЕ

„Уште една голема манипулација на СДСМ кои се во очај! Во отсуство на било какви економски резултати, Фатмир Битиќи на...