Забава
Поранешниот телохранител oткри зошто Мајкл Џексон ставал леплива лента на носот
Мајкл Џексон наводно ставал леплива лента на носот за да управува со медиумскиот наратив за својот изглед, тврди неговиот поранешен телохранител. Речиси 17 години по смртта на Кралот на попот, интересот на јавноста за неговиот живот, кариера и бројни контроверзии не стивнува, а дополнително го поттикнуваат неодамнешниот биографски филм „Мајкл“ (Michael) на режисерот Антоан Фукуа, како и новата тужба во која членовите на семејството Касио го обвинуваат пејачот за сексуално злоставување, пишува „LADbible“.
Мет Фидес, инструктор по боречки вештини кој работеше како личен телохранител на Џексон сè до неговата смрт во 2009 година, тврди дека пејачот бил мајстор за медиумска манипулација. Фидес раскажа дека Џексон се служел со интересни тактики за да го привлече вниманието на медиумите.
Поранешниот телохранител тврди: Сè беше наместено
Гостувајќи во подкастот „Elite“ на Ли Метјус, Фидес го изнесе своето објаснување за тоа зошто Џексон честопати бил фотографиран со маски за лице или со лента преку хируршки изменетиот нос. Според неговите зборови, сето тоа било дел од фино осмислениот јавен имиџ.
„Знаеше како да си поигра со медиумите и да остане во центарот на вниманието“, рече Фидес и додаде: „Лепливиот фластер и лентата на носот, шминката, шапката, маската и очилата за сонце…“ На прашањето на Метјус дали сето тоа било само претстава, Фидес одговори потврдно: „Сè беше наместено. Сакаше луѓето да мислат дека носот му паѓа. Се работеше за антиалергиска лента“.
Еден таков пример беше појавувањето на Џексон на суд во 2002 година со лента преку носот. Иако може да изгледа необично дека некој би сакал светот да мисли дека носот му се распаѓа, фактот што и со години по неговата смрт се дебатира за неговите естетски зафати оди во прилог на тврдењето на Фидес дека Џексон точно знаел како да го задржи вниманието на јавноста.
Фидес тврди дека Џексон точно знаел што прави
Ова не е првпат Фидес да зборува за медиумските тактики на Џексон. Во едно претходно интервју за „Метро“ (Metro), тој исто така го потврди трикот со лентата на носот. „Знаеше да манипулира со медиумите. Точно знаеше како да дојде до насловните страници. Штом ќе пристигнеше во некој град, веднаш организираше состанок“, изјави тој тогаш.
„Во 90 проценти од случаите тоа му успеваше, било да стави маска на лицето, фластер на рацете или лента на носот, што му беше најомилено. Велеше дека сака неговиот живот да биде најголемата мистерија на Земјата“, додаде Фидес.
Зошто Мајкл Џексон го менуваше изгледот?
Џексон во текот на животот призна две операции на носот. Првата уследи откако во 1979 година го скрши носот за време на танцова проба, што му предизвика потешкотии со дишењето. Во биографскиот филм од 2026 година се споменува дека Џексон отишол на операција на носот откако неговиот татко го нарекувал „голем нос“.
Пејачот исто така призна дека има вградено имплант во брадата, додека промената на бојата на неговата кожа беше последица на витилиго – автоимуна состојба која предизвикува губење на пигментот.
Фото: Depositphotos
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Пет години финансиска среќа за три хороскопски знаци
Според астролошките прогнози, од 25 јуни Биковите, Вагите и Јарците влегуваат во петгодишен период на финансиска стабилност и нови можности.
Се наведува дека ова е време кога многумина од овие знаци ќе успеат да ги решат старите долгови, да затворат кредити и да ги подобрат своите финансиски услови. Можно е да се појават приходи преку нови деловни можности, наследства или проекти кои долго време биле во застој.
Биковите би можеле да добијат можност за проширување на имотот или за решавање на долгогодишни финансиски обврски.
Вагите ги очекува период во кој би можеле да наплатат заостанати побарувања или да реализираат финансиски добивки што долго ги очекувале, а дел од нив ќе се насочат кон инвестиции.
Јарците, според астролозите, конечно би можеле да ги видат резултатите од својот труд преку подобро платени ангажмани, нови договори или напредок во кариерата.
Астролозите тврдат дека најголемата промена нема да биде само во парите, туку и во чувството на сигурност и намалувањето на финансискиот стрес, што позитивно би можело да влијае и врз семејниот живот.
Забава
Едноставен трик што може да го разлади станот во летните горештини
И покрај спуштените ролетни и вклучениот вентилатор, многу станови остануваат жешки во летните денови. Еден едноставен трик што често се занемарува е отворањето на ормарите при утринското проветрување.
Според советите, големите ормари во текот на денот акумулираат топлина, особено ако се наоѓаат во близина на прозорци или се изложени на сончева светлина. Топлиот воздух останува заробен зад затворените врати и може дополнително да ја загрева просторијата.
Затоа се препорачува рано наутро, кога надворешните температури се најниски, да се отворат прозорците, но и вратите на ормарите и другите затворени простори. Така свежиот воздух ќе циркулира и ќе помогне да се исфрли насобраната топлина.
Откако температурата надвор ќе почне да расте, прозорците треба повторно да се затворат, а ролетните и завесите да се спуштат за да се задржи посвежиот воздух во домот што е можно подолго.
Забава
Холивудската ѕвезда го следеше натпреварот Канада – БиХ, но многумина не го препознаа
Холивудскиот актер Мајк Мајерс ги изненади навивачите со своето појавување на натпреварот меѓу Канада и Босна и Херцеговина на Светското првенство.
63-годишниот актер, познат по улогите во „Остин Пауерс“ и како гласот на Шрек, го следеше натпреварот во Торонто во друштво на Рајан Рејнолдс.
Мајерс бил прикажан на телевизиските камери за време на натпреварот, но коментаторите на „Би-би-си“ првично не го препознале. Дури подоцна било посочено дека во ложата се наоѓа актерот кој му го позајми гласот на Шрек.
Неговото појавување предизвика бројни реакции на социјалните мрежи, каде многумина коментираа дека толку се вклопил меѓу навивачите што останал незабележан.
Натпреварот меѓу Канада и БиХ заврши 1:1.
(Видео) Холандија и Јапонија ремизираа во дербито на една од најсилните групи на СП
Фудбалерите на Холандија и Јапонија одиграа нерешено, 2:2, во натпреварот од првото коло од Групата Ф на Светското првенство. На...
Зеленски по разговорот со Трамп: Имаме добри идеи за побрз мир
Украинскиот претседател Володимир Зеленски изјави дека разговарал со американскиот претседател Доналд Трамп за напорите за ставање крај на војната во...
Реал се договорил со Кукуреља
Марк Кукуреља (27) ќе стане нов играч на Реал Мадрид, објавја вечерва неколку релевантни медиуми. Шпанскиот репрезентативец ќе го напушти...
Барселона преку Фуксе Берлин до титулата во ЛШ
По феноменален финален натпревар, ракометарите на Барселона успеаја да го победат Фуксе Берлин – 37:34 (20:16) и 13-ти пат во...
(Видео) Голот на Комененсија ги налути Германците, испорачаа седум гола во мрежата на Курасао
Германската фудбалска репрезентација го отвори Светското првенство со убедлив триумф над дебитантот Курасао со 7:1. Уште од самиот почеток беше...
Кремљ: Доналд Трамп му порача на Владимир Путин дека е подготвен да помогне за крај на војната во Украина
Американскиот претседател Доналд Трамп во денешен телефонски разговор му порачал на рускиот претседател Владимир Путин дека прекинот на војната во...
Киев тврди дека пресретнал тајни руски анализи за пад на поддршката за Путин
Украинскиот претседател, Володимир Зеленски, објави, како што тврди, доверливи руски документи кои покажуваат растечка загриженост во Кремљ поради внатрешната состојба...
(Видео) Авион со 12 лица се урна во Мисури, нема преживеани
Единаесет падобранци и пилот загинаа при пад на мал авион во близина на аеродром во американската сојузна држава Мисури. Несреќата...
Муцунски на состаноци во Германија, Обединетото Кралство и Ирска
Министерот за надворешни работи и надворешна трговија, Тимчо Муцунски, во периодот од утре до 18 јуни ќе оствари работни посети...