Познатата актерка откри како ослабела повеќе од 36 килограми и драстично го промени својот изглед

Ребел Вилсон конечно ја откри тајната на својата драстична трансформација. Таа ослабе повеќе од 36 килограми, а начинот на кој го направи тоа е многу едноставен.

Актерката Ребел Вилсон со години се бореше со нарушувања во исхраната, и постојано, како што самата истакна, доживуваше емоционално прејадување. Сепак, таа успеа да излезе од оваа битка како победник, а нејзиното драстично губење на тежината, дури 36 кг, привлече бројни погледи од светот.

Како што еднаш истакна, здравата исхрана, редовната физичка активност и целосната промена во начинот на живот ѝ помогнаа да го изгуби овој значаен број килограми. Иако ја доведе својата тежина до здрави телесни граници, актерката вели дека сè уште се бори со одредени проблеми.

„Емоционалното прејадување е нешто од кое веројатно никогаш нема целосно да се ослободам“, изјави таа за TODAY. „Морам да научам како да го држам под контрола.“

Вистинската формула за губење на тежината
Една од клучните промени во нејзината исхрана беше поголем внес на протеини. Нејзиното мени сега вклучува риба, пилешки гради, како и протеински шејкови со бобинки и бадемово млеко.

„Тоа ми одговараше многу бидејќи ми помогна да ја одржам мојата тежина или барем да останам блиску до мојата цел. Секако, тежината на секого малку варира“, рече актерката, а потоа откри дека такосите со говедско месо се нејзин омилен оброк.

Како што вели, сака да ги подготвува во топлината на својот дом и целосно да ужива во нивното јадење.

Покрај здравата храна, Вилсон консумира и таа „храна за душата“. Понекогаш се почастува со кесичка М&М со кикирики, но и со сирење Манчего.

Со тоа, таа покажа дека клучот е во рамнотежата и дека слатките се дозволени во ограничени количини.