Забава
Rolling Stone: „Одбрана и последни денови“ на Идоли најдобар албум во екс ЈУ
Врз основа на изборот на тринаесет музички новинари, кои ги собра хрватското издание на популарниот музички магазин Rolling Stone, албумот „Одбрана и последни денови“ на белградската група Идоли е прогласен за најдоброто дискографско издание на просторите од поранешна Југославија од 1955 години до денес.
Станува збор за првото специјално издание на хрватскиот Rolling Stone, кој ја донесува топ листата од стоте најдобри албуми чијшто конечен избор е направен со преклопувањето на тринаесетте листи на членовите на жирито, без уреднички корекции, а ќе биде претставено во среда навечер во Загреб.
Првиот од стоте е вториот албум на Идоли, објавен е 1982 година, со кој бендот излезе до сопствените рамки отворено ризикувајќи ги тиражите, пишува Rolling Stonе, пренесувајќи го коментарот на Влада Дивљан дека таа плоча во поширок контекст била некој вид претскажување за распадот на поранешната држава. Од „Одбрана и последни денови“ останаа во паметењето на многу генерации хитовите „Кенозоик“, „Последни денови“, „Моја си“, „Русија“, „Играле се делије“.
Една година претходно беше објавен албумот на, исто така, белграѓаните Шарло Акробата – „Побистар или потупав човекот станува кога…“, нивен прв и последен студиски албум, кој е на второто место на листата на Rolling Stone. Оценет е како еден од најкреативните изданија на новиот бран, а и денес претставува инспирација за алтернативно насочените музичари од овие простори.
Третото место го зазема двојниот албум „Сончевата страна на улицата“ од 1981 година на загрепската група Азра водена од Бранимир Штулиќ Џони, снимена само половина година од првенецот на кој Штулиќ емоционално разоткри и му даде малку помек звук. Од овој албум препознатливи се песните „Ужасот е мојата фурка“, „Фа-фа-фа“, „Кога Мики вели дека не се плаши“, „Полска во моето срце“, „Карта за среќа“, „Заминување во ноќта“, „Градот без љубов“…
Првиот албума на загрепчаните Хаустор, наречен едноставно по името на бендот, издаден по големиот радио хит „Мојата прва љубов“ е на четвртото место, а зад него е дебитантскиот албум на хрватскиот кантавтор Арсен Дедиќ „Човек како јас“ од 1969 година за кој во текстот се вели дека е „еден од тестаментите на поп културата“ на поранешните простори.
Уште два албума на Азра се меѓу првите десет, трикратното живо издание од 1982 година од концертот во култниот загрепски клуб „Кулушиќ“ „Рамно до дното“, на шестото место, и првенецот со наслов „Азра“ од 1980 година на деветтото место.
На седмото место е „Додека чекаш сабах со шејтанот“ на сараевчаните Забрането пушење од 1985 година издаден во полниот залет на сараевските „нови примитивци“, на осмо е Хаустор со „Третиот свет“ од 1984-та, а на високото десетто место од листата со класици на регионалниот рок „Со ветрот в лице“ на белградскиот култен бенд Екатерина Велика од 1985 година.
Следат „Дневникот на една љубов“ на загрепчанката и еден од најмоќните женски вокали од овие простори, кога и да е, Јосипа Лисац, па „Нови изненадувања за новите поколенија“ на белградска Дисциплина кичме, „Расипани мечти и валкани страсти“, уште една група до Белград – Рибља чорба, „Ново! Ново! Ново! До вчера бевме на филм а сега и во вашата глава“ на загрепски Филм на Јура Стублиќ, „Битанга и принцеза“ на сараевчаните Бијело дугме, „Горибор“ на истоимениот бенд, „Доколку сте слободни вечерва“ на Булдожер, „III“ на Партибрејкерс, „Плукни ѝ на вистината в очи“ на Булдожер и „Вис Идоли“ на лауреатот на овој избор.
Членови на жирито биле музичките новинари Ведран Бркуљ, Ведран Харча, Хрвоје Хорват, Петар Јањатовиќ, Радислав Јованов Гонзо, Анџело Јуркас, Денис Мијаџиќ Деникен, Анте Перковиќ, Бранимир Слијепчевиќ, Зоран Стајчиќ, Јурај Шифтар, Синиша Швец и Горан Тарлаќ. Тие во средата навечер во загрепскиот „Винил клуб“ ќе појаснат што било решавачко за нив при изборот, пренесува Hina.
Листата на Rolling Stone се совпаѓа во актуелниот тренд на навраќањето во 1980-те, меѓу другото и преку серијата „Црно-бел свет“, според истоимениот албум на загрепската група Прљаво казалиште, или изложбата „Осумдесеттите – слатката декаденција на постмодерната“, посветена на деценијата во којашто се издадени најголемиот дел од првите дваесет албуми од споменатата листа..
Во најновото издание на магазинот доминираат главно 1980-те и 1990-те, објавена е и Топ 20 најдобри албуми од овие простори во последните 25 години, како и делот Rest of the Best, во избор на редакцијата.
Уредникот на хрватското издание на Rolling Stone, Тони Мошков вели дека е свесен оти сите нема да бидат потполно среќни од нивниот избор и сигурно ќе има некој албум кој недостига, па во воведникот им порачува на читателите дека работата на селекторите не била лесна, бидејќи вложиле огромен труд да би набројат сите тие албуми, а требало меѓу 1.300-те се преклопување на листите да се добијат стоте најдобри. Идејата на специјалното издание на магазинот била да се сочуваат сеќавањата на некои историски албуми кои и денес претставуваат антологија на музиката од овие простори, вели Мошков./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Бјелогрлиќ ги откри деталите од третата сезона на „Сенки над Балканот“
Третиот циклус од популарната серија „Сенки над Балканот“, која публиката долго време ја чекаше со големо нетрпение, е во фаза на пишување, а како што најави режисерот и актер Драган Бјелогрлиќ, снимањето ќе започне во крајот на летото.
Драган Бјелогрлиќ и неговиот тим соработници интензивно работат на сценариото за третата сезона на една од најпопуларните серии на нашите простори „Сенки над Балканот“, а овој пат актерската екипа ќе ја комплетираат Нина Јанковиќ, Милан Мариќ и Милош Биковиќ во Јосип Броз Тито, пишува nova.rs.
„Во моментов пишуваме. Сенките се многу тежок проект за мене, но страшно инспиративен“, започна Бјелогрлиќ опишувајќи го процесот на создавање:
„Многу се плашам кога влегувам во процесот на пишување, а по процесот на снимање и се останато, толку ме обземаат „сенките“ што веќе не можам да правам ништо друго и да се занимавам со ништо. Веќе сум на возраст кога би сакал да живеам малку поопуштено, затоа и го одложив. Сепак, влеговме во процесот на пишување, ја напишавме целата приказна, првите две епизоди се завршени, сега ја пишуваме третата. Се надевам дека се ќе биде готово до август и дека снимањето ќе започне во текот на август, дека ќе завршиме до Нова година и дека ќе се емитува напролет“.
Во серијата покрај стандардните ликови ќе бидат и Милан Мариќ, Нина Јанковиќ и Милош Биковиќ, а Драган Бјелогрлиќ го откина временскиот период што ќе се прикажува во третиот циклус од популарната серија.
„Имаме работа со периодот од 1939 година, приказната започнува кога Милан Стојадиновиќ распишува избори, тоа беа многу важни избори на кои победи, но не дојде на власт, го наследи принцот Павле. Тоа беше многу значајна година, кога на сите им беше јасно дека доаѓа голема војна, дека светот нема да изгледа како порано и дека секој има свои планови. Можам да кажам дека една од најголемите мистерии се случува на панините Ртањ“, ги откри деталите режисерот Драган Бјелогрлиќ и ја заинтригира публиката која со нетрпение го очекува продолжението на популарната серија:
„Во Србија има многу мистицизам. Го избравме Ртањ од друга причина, а Ртањ е интересен поради легендите, по населението што живее таму и верува во секакви работи и затоа што таму имаше некои рудници“.
Дали овој трет циклус ќе ја заврши приказната останува да видиме. Но, едно е сигурно, а тоа е дека сите со нетрпение ја очекуваат новата и возбудлива приказна за своите омилени херои, кои ги толкуваат: Драган Бјелогрлиќ, Андрија Кузмановиќ, Марија Бергам, Наташа Нинковиќ, Небојша Дугалиќ, Ненад Јездиќ, Срѓан Жика Тодоровиќ, Горан Богдан, Јована Стојиљковиќ.
Забава
Фустаните на принцезата Дијана изложени во Хонг Конг пред аукцијата
Светложолтата јакна обложена на рамениците и украсена со блескави златни копчиња, која ја носеше принцезата Дијана на патувањето во Хонг Конг во 1989 година, ќе биде една од шесте нејзини парчиња изложени во поранешната британска колонија пред аукцијата закажана за јуни.
Колекцијата на фустани, чевли и чанти на принцезата од Велс е изложена во трговскиот центар во Хонг Конг во следните 12 дена од четврток пред колекцијата да се пресели во Ирска до аукцијата на 27 јуни. Принцезата Дијана, која загина во сообраќајна несреќа во Париз во 1997 година, ја диктираше модата секогаш кога се облекуваше и излегуваше, рече Мартин Нолан, директор на аукциската куќа „Џулиен“ со седиште во Калифорнија.
Познатата јакна од нарциси на дизајнерката Кетрин Вокер би можела да достигне цена од 50.000 долари, а синиот вечерен фустан со ѕвездички би можел да достигне цена од 400.000 долари. Принцезата го носеше овој фустан од дизајнерот Мареј Арбејд на премиерата на „Фантом од операта“ во 1986 година во Вест Енд, Лондон.
Изложени е и вечерната тоалета со свила и тантела од дизајнерот Виктор Еделштајн и цветната тоалета на Кетрин Вокер, што Дијана ја носеше во 1991 година.
Еден од посетителите, 69-годишниот Фунг, се присетува како толпата се насобрала на улиците на Хонг Конг кога Дијана пристигнала во тој град во 1989 година. „Таа беше харизматична, грижлива и посветена на добротворната работа. Затоа е исклучително почитувана во Хонг Конг“, вели Фунг.
Во 2023 година аукциската куќа „Џулиен“ продаде вечерен фустан на принцезата Дијана за рекордни 1,14 милион долари.
Забава
Најдобри љубовници во зодијакот: четири знаци што немаат конкуренција
Дали сте љубопитни кои хороскопски знаци се огнени во креветот и маѓепсуваат со својот неодолив шарм и магнетна привлечност? Астрологијата ги открива тајните на сексуалната компатибилност.
Без разлика дали барате огнена страст или сензуална интимност, разбирањето на астролошките особини на вашиот партнер може да го однесе вашиот љубовен живот на нови височини.
Овие четири хороскопски знаци се познати по своите извонредни вештини во областа на интимноста:
1. Шкорпија
Шкорпиите се олицетворение на интензитет и страст. Со ненаситен апетит за задоволство ги оставаат без здив партнерите со своите заводливи вештини.
Нивната магнетна привлечност ги вовлекува другите во нивната мрежа на желби, каде што секој нивни допир го разгорува пламенот на страста. Во спалната соба Шкорпиите се бестрашни истражувачи, кои не се плашат да се нурнат во најдлабоките зони на интимност. Нивната интуитивна природа им овозможува да ги разберат желбите на партнерот создавајќи врска што го надминува физичкото.
2. Лав
Лавовите зрачат со самодоверба и во и надвор од спалната соба. Со својата магнетна харизма и енергија тие ги освојуваат партнерите со својот разигран и авантуристички дух. Лавовите сакаат да бидат во центарот на вниманието, а нивниот ентузијазам за задоволство нема граници. Во спалната соба тие зрачат со страст и креативност, а секоја средба ја претвораат во возбудлив спектакл. Со Лавовите очекувајте огномет и незаборавно искуство, кое ќе ве натера да сакате повеќе.
3. Бик
Бикот е синоним за сензуалност и уживање.
Како земјени знаци, тие се длабоко поврзани со физичкиот свет и уживаат во задоволствата што ги нуди. Бикот одлучно пристапува кон интимноста уживајќи во секој момент и препуштајќи им се на пофините работи во животот. Во спалната соба тие се внимателни љубовници, кои одвојуваат време да ја истражат секоја сензуалност и да ги исполнат желбите на партнерот. Со Бикот очекувајте фантастично искуство во креветот.
4. Вага
Вагите се мајстори за хармонија и рамнотежа. Со нивното шармантно однесување и силно чувство на емпатија тие без напор се поврзуваат со своите партнери на длабоко емотивно ниво. Во спалната соба Вагите им даваат приоритет на комуникацијата и заедничкото задоволство и создаваат безбедна и стимулативна средина за истражување. Тие се внимателни љубовници, кои секогаш се трудат да создадат чувство на хармонија и поврзаност што ја надминува физичката област.