Забава
Сликата „Пролет“ на Мане продадена за 65 милиони долари
Сликата „Пролет“ (Spring;Le Printemps) од 1881 година, дело на францускиот сликар Едуар Мане е продадена на аукција во Њујорк, во средата, за 65 милиони долари, соопшти аукциската куќа Christie’s.
Вредноста на делото била проценета меѓу 25 и 30 милиони долари.
Сликата на која е претставена девојка со цветен фустан ја купи Музејот на уметноста „J. Paul Getty“ од Калифорнија.
Сликата првпат била претставена во Париз во 1882 година. Платното повеќе од еден век било во сопственост на американско семејство, а последните две децении било изложено во Националната галерија на уметноста во Вашингтон.
Претходниот рекорден износ на дело на Мане било 33 милиони долари, кога на аукција во Лондон е продаден еден од неговите автопортрети „Self Portrait With a Palette”.
Едуар Мане (1832-1883) е француски сликар чија работа ги инспирирал импресионистите, но самиот одбивал да биде сместен во тоа движење.
Во рамки на годинешната есенска аукција во Sotheby’s во Њујорк, за 100,97 милиони долари во вторник беше продадена скулптура од Алберто Џакомети „Кочија“ од 1950 година. Делото претставува витка богиња која стои на тенк со големи тркала како симбол на обновата во повоениот период.
Најскапото дело на швајцарскиот вајар „Човек кој оди“ беше продадено во 2010 година за 194,3 милиони долари.
Втора „ѕвезда“ на аукциската куќа Sotheby’s оваа есен беше сликата на Винсент Ван Гог „Ваза со бели маргаритки и црвени афиони“ која во вторник беше продадена за 61,8 милион долари.
Есенската аукција во Њујорк завршува на 12-ти ноември.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Леонардо ди Каприо го игра Френк Синатра во новиот филм на Мартин Скорсезе
Леонардо ди Каприо наводно добил улога на Френк Синатра во новиот филм на Мартин Скорсезе, пишува „Variety“. Улогата на Ава Гарднер и припадна на Џенифер Лоренс, со која Ди Каприо соработуваше на филмот Don’t Look Up.
Од друга страна, Ди Каприо и Скорсезе соработуваа неколку пати.
Ова дуо е еден од најплодните актерско-режисерски парови, зад нив се филмовите како Банди на Њујорк, Авијатичарот, Заминат, Островот затворач и Волкот од Волстрит. Нивниот последен филм, Killers of the Flower Moon, беше номиниран за 10 Оскари.
Веста за биографскиот филм на Френк Синатра беше дочекана со ентузијазам од фановите и коментираа на социјалните мрежи дека „Ди Каприо е одличен избор за улогата на Френк Синатра“.
Забава
Роберт де Ниро откри кои се неговите омилени актери на сите времиња
Има малку актери кои можат да се споредат со Роберт де Ниро.
Добитник е на два Оскари и седум номинации во актерски категории. Де Ниро е титан на холивудското платно кој постигна некои од неговите најнезаборавни изведби во филмовите на Мартин Скорсезе, Френсис Форд Копола и Квентин Тарантино.
Де Ниро ја имаше својата прва улога во филмот на Скорсезе Mean Streets од 1973 година. Тој толку многу го освои славниот режисер што го нарече „најголемиот актер на неговата генерација“.
Кариерата на Роберт де Ниро беше обележана со улоги во мрачни трилери и гангстерски филмови, за кои стана синоним за Ал Пачино, Џо Пеши и Реј Лиота.
Запрашан за неговите најрани филмски влијанија, Де Ниро откри дека црпел инспирација од британската кинематографија. Што се однесува до Америка, тој како најинтересни актери ги издвојува Џејмс Дин, Марлон Брандо, Монтгомери Клифт, Ким Стенли и Грета Гарбо.
Омилени актери на Роберт де Ниро се: Марлон Брандо, Монтгомери Клифт, Џејмс Дин, Грета Гарбо, Алберт Фини, Ричард Харис, Ким Стенли.
Забава
Хороскопски знак кој има најмногу среќа во животот
Астролозите тврдат дека еден знак од Зодијакот има повеќе среќа во текот на животот од сите други. Благодарение на својата природа, но и на среќниот пат на судбината, тие често успеваат да се најдат на вистинското место во вистинско време, а голема е веројатноста дека околностите во животот ќе бидат такви што сè ќе им се случи на најповолен можен начин.
Овој среќен знак се Близнаците. Нивниот хороскоп е поволен и често во текот на животот ќе забележат дека работите одеднаш тргнале на подобро и дека одеднаш биле опкружени со изненадувачки добри околности.
Кај Близнаците коегзистираат две личности и двете се водат од логиката, но секоја од нив има своја посебна логика, а како што наведуваат астролозите, токму тој „поларитет во ставовите и погледите на светот“ резултира со неверојатна среќа.
Исто така, среќата ги следи Близнаците поради нивниот оптимизам. Ниту еден друг знак не покажува таква самодоверба.
Понекогаш Близнаците се окарактеризирани и како „дволични“, бидејќи знаат совршено да балансираат меѓу двата огна, притоа секогаш следејќи ги сопствените интереси. Како и да е, слободно може да се каже дека Близнаците се тие кои ќе победат во секоја борба.
Припадниците на овој знак речиси секогаш имаат среќа во изборот на брачен партнер, делумно поради фактот што нивната вистинска љубов е искрена и трае вечно. Дури и кога се чини дека нивниот брак виси на конец, Близнаците успеваат да ги надминат проблемите, а врската се продлабочува.