Финските претставници на овогодинешната Евровизија, виолинистката Линда Лампениус и пејачот Пит Паркконен, се огласија на Инстаграм откако стигнаа до финалето на натпреварувањето што се одржа вчера вечер во Виена.

„Ви благодарам многу! Се гледаме во финалето во сабота“, напишаа тие кратко.

Линда и Пит со песната Liekinheitin, што во превод значи „Фрлач на пламен“, се овогодишни фаворити на Евровизија. Тие се на првото место кај обложувалниците и им даваат 37% шанса за победа.

Покрај самата песна, и настапот на финскиот дуо привлече големо внимание. На сцената, тие комбинираат драматично осветлување, рок енергија и виолина свирена во живо од Линда Лампениус, што е историски исклучок на Евровизија бидејќи инструментите во живо генерално не се дозволени од 1998 година.

Критичарите особено ја пофалија комбинацијата од моќниот вокал на Пит Паркконен и театарската изведба што многумина ја опишуваат како „епска“ и „кинематска“. Песната стана огромен хит во Финска веднаш по нејзиното објавување и достигна до број еден на националните листи. Таа опишува турбулентна, деструктивна, но во исто време неодолива љубовна врска.

Линда Лампениус е меѓународно призната финска виолинистка и еден од најпознатите музичари од таа земја. Во текот на нејзината кариера, таа настапувала низ целиот свет, а публиката ја памети и по нејзините минати телевизиски настапи и соработки надвор од класичната музика.

Пит Паркконен е фински пејач и текстописец познат по рок и поп песни, а ова е негово прво појавување на Евровизија.

фото/ЕПА

Меган Маркл повторно го привлече вниманието на јавноста со комбинација од едноставна мода и скап накит во новата промотивна кампања за нејзиниот бренд за животен стил „As Ever“.

Војвотката од Сасекс се појави во видео објавено на Инстаграм во лежерна бела маица и светло сини панталони, но целиот стил го комплетираше со дијамантски ѓердан вреден речиси 63.000 долари.

„Поранешната ѕвезда од серијата „Suits“ носеше маица од Anine Bing „Amani“ и елегантни панталони од модната куќа The Row во вредност од 1.350 долари“, пишува американскиот Page Six.

 

View this post on Instagram

 

A post shared by @aseverofficial

Сепак, најголемо внимание привлече луксузната дијамантска огрлица „Fortuna“ од Logan Hollowell, чија цена е 62.950 долари.

Меган ја надополни комбинацијата со дијамантски обетки од Birks во вредност од 6.900 долари, како и препознатливата Cartier Love нараквица од злато, чија цена е речиси 8.000 долари.

Во промотивното видео за „As Ever“, Меган Маркл е прикажана во неколку различни модни комбинации – од бели ленени панталони и син џемпер додека бере цвеќе, до фармерки и црна блуза.

Во една од сцените, таа носи и бел фустан со отворени рамена што потсетува на венчаницата што ја носеше на свадбата со принцот Хари во 2018 година.

Заедно со објавата, Меган им го претстави „светот на As Ever“ на фановите.

„Сè започна со овошје од градината на Меган и домашни џемови од нејзината кујна, а денес прерасна во внимателно одбрани колекции што внесуваат радост во секојдневниот живот“, се наведува во описот на кампањата.

Брендот „As Ever“ беше лансиран во април 2025 година откако Меган ги претстави своите производи во серијата на Нетфликс „Со љубов, Меган“.

Иако втората сезона од серијата беше емитувана минатата година со специјална празнична епизода, проектот нема да добие трета сезона.

Американските медиуми претходно објавија дека Нетфликс ја прекинал соработката со брендот „As Ever“.

фото/Depositphotos

Бој Џорџ и италијанската пејачка Сенхит, кои го претставуваа Сан Марино на Евровизија 2026 во Виена, не успеаја да се квалификуваат за големото финале. Нивната песна „Superstar“ не доби доволно гласови во првата полуфинална вечер. И покрај тоа што беа елиминирани, познатиот музичар и фронтмен на групата Culture Club, кој е и еден од авторите на песната, нагласува дека целото искуство било фантастично.

Бој Џорџ (64) и се придружи на Сенхит на сцената како специјален гостин, но и покрај нивниот статус на музички легенди и нивниот енергичен настап, дуото не успеа да обезбеди едно од десетте места што водат до финалето.

За Сан Марино, кој често се потпира на меѓународни ѕвезди за да ги зголеми своите шанси, ова беше уште еден неуспешен обид за напредување.

If you voted for us, thank you so much, I was sad we didn't get through to the final but my @eurovision experience has been fabulous. I wouldn't take a minute of it back. Thanlks to @senhitofficial and the entire San Marino delegation. What a fun bunch. We will perform together…

— Boy George (@BoyGeorge) May 12, 2026

Неколку часа по елиминацијата, поп-легендата се огласи на социјалните мрежи за да ја изрази својата тага поради елиминацијата, но и благодарност за можноста.

„Ако гласавте за нас, ви благодарам многу. Жал ми е што не стигнавме до финалето, но моето евровизиско искуство беше фантастично. Не би променил ни минута. Благодарам Сенхит и на целата делегација на Сан Марино“, напиша музичарот.

Тој исто така објави дека ова не е крај на нивната соработка и дека ќе настапат заедно на концертот на неговиот бенд Culture Club во Милано во јули.

фото/ЕПА