Забава
Tри филма за Џејмс Бонд го спасија серијалот 007
Според интернет-страницата „Скрин рент“, три филма за Џејмс Бонд го спасија серијалот од изумирање воскреснувајќи го од своите бледи претходници и повторно освојувајќи ги фановите.
Според истиот извор, овој триплет филмови е веројатно најважен во целиот серијал бидејќи од темел го промени, го спаси и ја врати публиката назад во кината заедно со интересот.
Сагата 007 отсекогаш имала свои подеми и падови, и комерцијално и критички. Но, некои нерамнини на патот беа премногу големи за да се игнорираат. Беше потребно обновување на квалитетот и реинвенција на разни елементи.
The Spy Who Loved Me („Шпионот што ме сакаше“) го спаси Бонд по два незначајни филма со Роџер Мур.
Иако Бонд на Роџер Мур во Live and Let Die не беше негово деби во таа улога, овој филм беше добар, генерално. Но, му недостигаше тој посебен ефект што го очекуваат фановите од филм за Бонд. По многу успешната ера на Шон Конери, очекувањата за новиот Бонд беа големи.
Како и неговиот наследник, The Man with the Golden Gun („Човекот со златниот пиштол“), Live and Let Die („Живеј и остави ги другите да умрат“) беше еден од ретките филмови за Бонд што го немаше 007 во воведната секвенција.
Golden Eye („Златно око“) го спаси Бонд по комерцијално разочарувачката ера на Тимоти Далтон.
Продуцентите го гледаа Пирс Броснан како можен 007 уште во средината на 80-тите како потенцијална замена за Роџер Мур.
Casino Royale („Казино Ројал“) докажа дека Бонд може да функционира во 21 век и дека неговата иднина е загарантирана.
„Казино Ројал“ требаше да ги врати работите во реалноста и да го донесе Бонд во 21 век.
Одговорот беше втемелено, зрело и привлечно ремек-дело, кое не само што повторно го измисли Џејмс Бонд туку и ја ревитализира целата сага. Совршено го постави она што, најверојатно, ќе биде најуспешна ера на владеење на кој било Бонд-актер, а тоа е ерата на Даниел Крег. Но, уште поважно, овој филм ѝ докажа на публиката дека Џејмс Бонд може да остане релевантен и денес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Меган Маркл бакна друг маж, реакцијата на принцот Хари стана вирална на социјалните мрежи
Пред неколку дена на хуманитарното натпреварување во поло во Велингтон, Флорида, избраниците на принцот Хари забележаа две победи, што значи дека беа шампиони на овој мини турнир.
Меѓутоа, кога дојде моментот да им се честита трофејот, дојде до неочекувана, но симпатична реакција од војводата од Сасекс, кој не можеше да ја задржи својата љубомора.
Имено, Меган Маркл, сопругата на Хари, се качи на сцената за да им честита на победниците. Војвотката го бакна на двата образа соиграчот на Хари и капитен на тимот, Малколм Борвик, а реакцијата на нејзиниот сопруг на потегот стана вирална на социјалните мрежи.
@czedits__fp__ 😭😭 #princeharry#meghanmarkle#sussexroyal#sussex_family#royal#harryandmeghan#dukeharry#duchessmeghan#dukeofsussexs#duchessofsussex#fyp#meghanandharry#dukeandduchess#royalcouple#meghanmarkleandprinceharry#princehenry#meghanmarklestyle#princeharryandmeghanmarkle#princeharryedit#meghanmarkleedit#fouryou ♬ původní zvuk – •sussex family•
На снимката се гледа дека на Хари не му е сеедно, но судејќи според следните снимки, јасно е дека се шегувал.
View this post on Instagram
Забава
Леонардо ди Каприо го игра Френк Синатра во новиот филм на Мартин Скорсезе
Леонардо ди Каприо наводно добил улога на Френк Синатра во новиот филм на Мартин Скорсезе, пишува „Вараети“. Улогата на Ава Гарднер ѝ припадна на Џенифер Лоренс, со која Ди Каприо соработуваше на филмот Don’t Look Up.
Од друга страна, Ди Каприо и Скорсезе соработуваа неколкупати.
Ова дуо е еден од најплодните актерско-режисерски парови, зад нив се филмовите, како „Бандите на Њујорк“, „Авијатичарот“, „Заминат“, „Островот затворач“ и „Волкот од Волстрит“. Нивниот последен филм, Killers of the Flower Moon, беше номиниран за 10 „Оскари“.
Веста за биографскиот филм на Френк Синатра беше дочекана со ентузијазам од фановите и коментираа на социјалните мрежи дека „Ди Каприо е одличен избор за улогата на Френк Синатра“.
Забава
Роберт де Ниро откри кои се неговите омилени актери на сите времиња
Има малку актери што може да се споредат со Роберт де Ниро.
Добитник е на два „Оскара“ и седум номинации во актерски категории. Де Ниро е титан на холивудското платно, кој постигна некои од неговите најнезаборавни изведби во филмовите на Мартин Скорсезе, Френсис Форд Копола и Квентин Тарантино.
Де Ниро ја имаше својата прва улога во филмот на Скорсезе, Mean Streets, од 1973 година. Тој толку многу го освои славниот режисер што го нарече најголемиот актер на неговата генерација.
Кариерата на Роберт де Ниро беше обележана со улоги во мрачни трилери и гангстерски филмови за кои стана синоним за Ал Пачино, Џо Пеши и Реј Лиота.
Запрашан за неговите најрани филмски влијанија, Де Ниро откри дека црпел инспирација од британската кинематографија. Што се однесува до Америка, тој како најинтересни актери ги издвојува Џејмс Дин, Марлон Брандо, Монтгомери Клифт, Ким Стенли и Грета Гарбо.
Омилени актери на Роберт де Ниро му се: Марлон Брандо, Монтгомери Клифт, Џејмс Дин, Грета Гарбо, Алберт Фини, Ричард Харис, Ким Стенли.