Забава
Урината ги нагризува големите цркви во Германија
Улм Минстер, односно Улмската катедрала, позната како највисоката црква во светот, има проблем со корозија и ерозијата, но не ги предизвикуваат хемиските елементи на нејзината величествена кула, туку мажите со пречестото мокрење по ѕидовите во нејзиното подножје.
„Вложуваме милиони во реновирање на кулата, а истовремено камените ѕидови ни се подјадени на дното“, вели за DPA пасторката на оваа импозантна лутеранска црква Табеа Фреи, за проблемот кому голем простор му посветуваат сите водечки медиуми во Германија веќе неколку дена.
„Во желудникот ми е мака од бесот што се нема почитување кон ништо. Песочникот ни отпаѓа. Слоевите дебели по неколку сантиметри се уништени“, вели натаму Фреи.
Виновниците на германски ги нарекуваат „вилдпинклери“ (wildpinkler), оние кои уринираат на јавни простори. Обично „напаѓаат“ кога ќе падне темнината и по неколку испиени пива. Ги избираат крајните, темните делови од црквите и по долгогодишно „дејствување“, солите и киселините од нивната мочка го земаат данокот на ѕидовите од црквата од XIV век.
Далеку од тоа дека Улм е единствениот град во Германија кој се соочува со овој проблем. „Мажите ја одбележуваат својата територија“, вели Волфганг Буеман од германското здружение на уролозите. Таа навика ја опишува како „рудиментарно однесување“ коешто испливува на површината под влијание на алкохолот.
Главниот мајстор за обновување на катедралата во Улм, Михаел Хилберт, објаснува дека зголемувањето на нивото на нитрати во седиментниот камен на предизвикува уривање. „Сите може да ги видат ќошовите поцрнети од урината, а кога Сонцето ќе загрее смрди до небото“, вели Хилберт.
Темелите на црквата во Улм, гордоста на овој град во југозападна Германија, е положени во 1377 година, а изградбата започнала во 1392 година под раководство на Улрих фон Инсинген. Во 1405 година е завршен основниот дел од овој соборен храм и бил осветен,, но изградбата била запрена поради тоа што страничните кораби не можеле да ја издржат тежината на сводовите. Во периодот од 1530 до 1543 година минала под надлежност на лутеранците, кои продолжиле со изградбата на кулата која е конечно завршена во 1890 година. Со 161,5 метри височина, Улмер Минстер е највисоката црква во христијанството.
Споменатиот Хилберт на должноста водач на реставраторските активности е три години и понекогаш „на дело“ фаќа некој од престапниците. „Тврдат дека се инконтинентни, или се пијани па стануваат агресивни“ вели.
Властите на Улм неодамна двојно ги зголемија казните за уринирање врз црквите и таа сега изнесува 100 евра. Нивните колеги во Келн штетниците кого ќе ги фатат да мократ по прочуената тамошна катедрала, ги казнува со 150 евра, а за другите цркви во градот е пониска и изнесува 120 евра.
И во Мајнц имале сличен проблем со уринирањето на јавни места, но таму омилена „дестинација“ на вилдпинклерите бил градскиот совет. Затоа неговите ѕидови се премачкани со специјална боја која мочката ја прска назад врз чевлите.
Меѓутоа, тоа не би имало ефект во Улм. „Тие индустриски супстанции за премачкување тука се бескорисни. Основата е толку порозна што тоа би донело повеќе штета отколку полза“, вели Хилберт.
Пасторката Фреи смета дека градот наместо тоа би требало да обезбеди бесплатни јавно тоалети. „Тоа би бил одговорот за сите туристички дестинација како Улм“. Иако е лута поради штетите нанесени на црквата, таа покажува и помирлив став. „Ние сме евангелисти, ние не се закануваме со вечно проклетство“, додава./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Бијонсе ја покажа природната коса: Погрешно е мислењето дека луѓето кои носат перики немаат долга и здрава коса
Најголемата музичка ѕвезда на денешницата, Бијонсе, за прв пат во кариерата ја покажа целосно природната коса, се со цел да ја промовира својата нова линија на производи за коса која ја нарече „Cécred“.
Бијонсе често носи перики и навистина ретко ја покажува својата природна коса, но во видеото кое го објави на Инстаграм го покажа целиот процес од фризерскиот салон.
„Погрешно е мислењето дека луѓето кои носат перики немаат долга и здрава коса“, изјави поп дивата и објасни дека косата ја суши на средна температура и се труди што повеќе да ја спаси од топол воздух. Таа користи четка од стар стил за да ја исправи косата, ја фарба и не користи третмани како минивал и слично.
„Ја чувам мојата природна коса русокоса веќе 25 години и тоа одигра голема улога во идејата за лансирање на овие производи“, објасни Бијонсе.
Нејзиното видео за 24 часа е прегледано два милиони пати.
Забава
Џенифер Лопез за првпат во сосема „обично“ издание
Џенифер Лопез (54) носи беспрекорни фустани на јавната сцена и ја нарекуваат кралица на стилот, а често ги раздвижува модните трендови, па дури и знае совршено да носи необични комбинации.
Нејзиниот фантастичен изглед во шестата деценија се должи на нејзината посветеност на спортот и здравиот начин на живот. Познато е дека латино дивата секој ден оди во теретана и дека цел живот напорно тренира, како и дека папараците будно ја следат, па често ја фаќаат во тренерки и патики кога оди на тренинг.
Меѓутоа, додека ја напуштала луксузната зграда во Њујорк, таа изгледала речиси непрепознатливо, без шминка и со мокра коса. Се качила во луксузен автомобил, а се претпоставува дека одела на адресата каде што ја чекале нејзиниот долгогодишен тим експерти – шминкери, фризери и стилисти , за да може да блесне во изданието на кое сме навикнати од оваа голема ѕвезда.
Забава
Ќерката на познатата актерка блесна во фустанот што го носеше нејзината мајка пред 25 години
Наследничката на славната двојка го прослави својот роденден во она во што порано блескаше нејзината мајка Кетрин Зета Џонс.
Ќерката на познатата актерска двојка Кетрин Зета Џонс и Мајкл Даглас пред неколку дена го прослави својот 21 роденден, а за таа прилика облече прекрасен фустан кој нејзината мајка го носеше дури пред 25 години.
Дека јаболкото не паѓа далеку од дрвото и дека некои парчиња облека се вечни, без разлика на модните трендови, покажала младата и убава Керис Зита Даглас, која не била ни родена кога нејзината мајка ја носела оваа креација од свила и тантела.