Забава
Во Дубровник ќе се продава чист воздух во шише
Шише со чист воздух од Дубровник би можело да се најде на продажба од лето 2016 година, во пакување од половина и еден литар и за четири пати поскап од пакуваната вода, пишува Слободна Далмација.
Боците ќе бидат наполнети со чист воздух, барем додека сопственикот не ја наполни со вода од Дубровник, којашто, според најавите ќе биде поздрава и почиста од онаа којашто денес може да се купи во продавниците.Водата ќе биде од локалниот извор Омбле, на којшто, според идејата на поранешниот градоначалник на Дубровник Андра Влахушиќ, ќе биде отворен Музеј на вода.„Ќе продаваме како сувенир празни стерилизирани шишиња од тврда пластика којашто не е лесно да се скрши, со гаранција дека водата којашто може да се наполни од било каде е со висок квалитет“, изјави Влахушиќ.Тој објасни дека планира во продажба да се најде и пакет во којшто ќе има една помала боца од 0,5 литри и една поголема, а како подарок ќе се добие книга на којашто на повеќе светски јазици ќе биде напишана приказна за изворот, аквадуктот и историјата на водата од Дубровник.Ѕидините на Дубровник минатата година ги посетиле 900.000 туристи, воглавно со крузери и сите во рацете носеле шише со вода.„Зошто да не им понудиме нешто вака едноставно“, вели Влахушиќ. Тој проценува дека пакетот со шишиња би можел да биде околу 20 куни, боца со воздух би била четири пати поскапа, но цената би била пониска ако би се купувала со карта на Дубровник или со влезници за разгледување на ѕидините.Тој смета дека на туристите тоа би им било интересно бидејќи секаде во светот се навикнати пакуваната вода да мораат да ја купуваат и да ја плаќаат скапо во близина на туристичка атракција, а во Дубровник чистата вода ќе ја добијат бесплатно и купената боца, откако ќе ја наполнат повеќе пати ќе им остане спомен од Дубровник.Но, пред да биде реализирана оваа идеја, на потег е градското претпријатие „Водовод Дубровник“ коешто работи на проектот на прочистување на водата со капацитет од 490 литри во секунда. Вредноста на проектот е околу 50 милиони куни или 6,5 милиони евра. До 1 јуни ќе биде избран изведувач на работите, а повеќе од половина од парите ќе бидат рефундирани од страна на ЕУ фондовите и Хрватски води./крај/тј
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) „Его“ – нова песна, но и спот на Тамара Тодевска и Young Dadi
„Его“ е новиот музички проект на Тамара Тодевска и младиот артист Young Dadi. Музиката и аранжманот се на Роберт Билбилов, текстот е напишан од Дади, а спотот е во продукција на TAKAT STUDIOS.
Станува збор за динамична поп-мелодија, која е надополнета со интересен спот, во кој доминираат двајцата аристи. Спотот е во режија на Генц Халими.
„Среќна сум што навистина по повеќе години објавувам песна, која е дует – соработка со друг артист. Дади е дел од помладата музичка сцена. Го следам подолго време, ми се допаѓа неговата работа и секогаш сакам да дадам поддршка на наши домашни млади артисти. Снимањето на спотот го завршивме за еден ден. Снимавме цел ден и навистина уживав во креирањето на целиот проект“, вели Тамара за создавањето на „Его“.
Текстописец на „Его“ е самиот Дади, кој истакна дека секогаш пишува за моменти во кои учествувал. Преку зборовите сака да пренесе свои лични искуства и тоа е причина повеќе за да верува во песната.
„Ова е прва моја соработка со музичар како Тамара Тодевска, која е една од нашите најдобри и најпродуктивни пејачки – активна десетици години на македонската и регионалната музичка сцена. Можам да кажам дека е навистина убаво и поинакво искуство за мене. Како во процесот на снимање на песната во студио така и во продукцијата на самиот спот. Верувам дека песната ќе биде хит и ќе го одбележи овој период пред летото“, изјави Дади.
Песната ќе биде достапна и на сите музички платформи.
Забава
На новата листа на најубави плажи во Европа, дури четири се хрватски, само една е грчка
Ако ги барате најдобрите плажи во Европа, некои се, всушност, многу блиску, во нашето соседство.
Дури четири хрватски плажи се најдоа на листата на најубави во Европа составена од Book Retreats, популарна онлајн-платформа за барање специјализирано сместување, пренесува Punkufer.hr.
„Во нашата анализа за најдобрите европски плажи за 2024 година Шпанија се покажа како главна европска дестинација за уживање во сонцето, морето и прекрасниот брег. Италија и Португалија не заостануваат, а не треба да се занемари ниту Хрватска со четирите идилични плажи“, пишува Book Retreats.
Најдобрите европски плажи во 2024 година
1. La Concha, Шпанија
2. Praia da Falésia, Португалија
3. Плажа Пасјача, Хрватска
4. Las Canteras, Шпанија
5. Lama Monachile, Италија
6. Cala Comte, Шпанија
7. Tuerredda, Италија
8. Галебове стјене, Хрватска
9. Плажа Мала Радуча, Хрватска
10. Marinha, Португалија
11. San Juan Playa, Шпанија
12. Spiaggia dei Conigli, Италија
13. Cala Saladeta, Шпанија
14. Playa de Mónsul, Шпанија
15. Ponta da Calheta, Португалија
16. Seitan Limania, Грција
17. Praia da Armona, Португалија
18. Опрна, Хрватска
19. Spiaggia di Mari Pintau, Италија
20. Praia do Garajau, Португалија
21. Warnemünde Strand, Германија
22. Primera Playa del Sardinero, Шпанија
23. Terra Estreita, Португалија
24. Porto Giunco, Италија
25. Cala Capreria, Италија
Забава
Бендот „Ареа“ подготвен за акустичното музичко уживање во Филхармонијата
19 и 20 април се датумите резервирани за двата акустични последователни концерти на рок-групата „Ареа“. Концертите се закажани во Филхармонијата, а членовите на групата најавуваат акустична музичка магија и патување низ нивната 30-годишната музичка кариера.
Вакви два концерта „Ареа“ одржа и во 2010 година во Универзалната сала, а интересно е што овој пат на сцената друштво ќе им прават четири девојки, кои се членки на Филхармонијата.
„Со нас ќе настапат уште четири девојки, кои се членки на Филхармонијата – две на виолина и две на виолончело. Така ќе се претставиме со сосема нов аранжман на музика, кој се разликува од оние што ги слушала публика на нашите концерти во живо“, вели Ружица Милошеска-Брчиоска и додава дека со оглед на тоа дека „Ареа“ постои 31 година и зад себе има седум албуми, на сцената ќе има музика за сечиј вкус.
Дека двата најавени концерта ќе бидат поинакви, потврдува и Ивица Брчиоски, гитарист на групата „Ареа“, кој вели дека концертот ќе биде интересен затоа што аранжманите се комплетно изменети и се адаптирани на оркестарот со кој ќе свират.
„Станува збор за акустични аранжмани. Нема да има електрични гитари и ќе звучи сосема поинаку од она што до сега го слушнала публиката. Ќе биде интересно за слушање“, вели Брчиоски.