Забава
За 55.000 долари продадена пораката која ја смени историјата
Една телеграма упатена до нацистичкиот водач Адолф Хитлер од пред седум децении која го смени текот на историјата е продадена минатиот вторник на наддавање за само 55 илјади американски долари од Alexander Historical Auctions на северноамерикански колекционер.
Станува збор за телеграмата којашто Херман Геринг му ја упатил на Адолф Хитлер и се смета за предавничка и еден од најважните документи во текот на најзначаjните моменти од најстрашната војна што дотогаш ја видело човештвото, пишува The Washington Post. Според весникот, тоа е пораката којашто, заедно со напредувањето на сојузничките од едната страна, и советските трупи, од другата страна, го натерала нацистичкиот челник да го проголта цијанидот и да се застрела во подземниот бункер во Берлин.
И покрај влијанието што го имал врз текот на Втората светска војна, овој документ завршил во сеф во американската сојузна држава Јужна Каролина и бил целосно заборавен повеќе од деценија, сé додека не дошол до еден студент, кој го понудил на аукцијата.
Оваа телеграма меѓу највисоките нацистички водачи, можела да го промени текот на историјата, доколку по некоја случајност не стигнала во рацете на Хитлер. Некои историчари сметаат дека Хитлер видел во пораката обид за државен удар.
Датирана е на 23-ти април 1945 година кога Адолф Хитлер и повеќето од неговите најблиски сојузници биле во опсада на советските сили, но не и Херман Геринг, кој бил толку близок со фирерот што овој во 1941 година со таен декрет одлучил дека Геринг ќе ја преземе неговата должност, доколку самиот Хитлер биде заробен или убиен.
Малку по полноќ на споменатиот датум, од нацистичката база во Берштезгаден, Геринг му ја испратил телеграмата на Хитлер. Во неа, меѓу другото, напишал дека доколку до 22 часот не добие никаков одговор ќе се чувствува слободен да претпостави дека Хитлер е затворен, како и дека согласно тоа се исполнети условите од тајниот декрет.
Меѓутоа, луѓето од опкружувањето на Хитлер ја искористиле телеграмата дополнително да му го поматат умот и да го наполнат со омраза кон Геринг. Иако Хитлер во почетокот бил апатичен, откако стигнала уште една телеграма во којашто Геринг навел дека тој ќе биде наследникот на сите негови должности, ситуацијата драстично се променила. Разгневениот Хитлер во одговорот го обвинил Геринг за предавство и му порачал дека ќе се откаже од негово санкционирање, доколку поднесе оставка на сите функции.
Гневот набрзо се претворил во депресија, како што во својата автобиографија појаснува (Бертолд Конрад Херман) Алберт Шпер, главниот архитект на Хитлер и министер за вооружување и воено производство.
„Во ред, Геринг нека го договара предавството. Ако војната во секој случај е загубена, не е важно кој тоа го прави“, наводно рекол Хитлер. Шпер натаму тврди дека Хитлер во тие моменти бил на работ од силите. Со години пред тоа бил преоптоварен и ја потиснувал извесноста на својот крај која секојдневно станувала сé поизвесна. На крајот немал сили да ја прикрива ситуацијата во која се нашол и се откажал.
Една седмица подоцна Хитлер и неговата партнерка Ева Браун се самоубиле. А американскиот војник, капетанот Бенџамин Брејдин, го земал документот заедно со уште неколку други и ги донел во САД. Телеграмата со години стоела во семејниот сеф во банка додека еден од наследниците не напишал теза и ја предал на својот професор./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Eден од омилените сараевски бендови се враќа на сцената по петгодишна пауза
На сцената се враќа легендарниот сараевски бенд „Плави оркестар“, омилениот бенд на некои луѓе во регионот. Бендот првпат по пет години ќе настапи на 6 јули во Славонски Брод, на 3 август во Опатија, на 24 август во Сплит и на 1 септември во Врсар.
Кариерата на бендот ја одбележаа големите хитови, како што се песните „Суада“, „Каја“, „Подобро пијан отколку стар“, „Сава тихо тече“, чија популарност и присуство постои со години.
Бендот беше основан во Сараево во 1983 година како дел од движењето „Нови примитивци“, во кое беа вклучени и „Забрането пушење“, Елвис Ј. Куртовиќ и некои други музичари од Сараево. Критичарите го сметаат бендот за еден од најголемите културни феномени во осумдесеттите и деведесетите, близок и на постарите и на помладите генерации слушатели.
Издадоа 8 албуми, кои се продадени во над 5 милиони примероци, а неколкупати го обиколија светот со вкупно повеќе од 1.500 концерти.
Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување, кое може да предизвика грчеви во мускулите и губење на подвижноста. А сега во интервју за „Вог“, Дион, меѓу другото, проговори и за својата болест и рече дека живее ден за ден.
Како уметник што настапува пред светската публика од својата 13-та година, Дион рече дека ѝ било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Вог“ признала и колку ѝ било тешко кога ја добила дијагнозата.
„На почетокот се запрашав: ‘Зошто јас? Како се случи ова? Што направив? Дали е моја вина?’ ‘Животот не ти дава одговори. Тоа е сѐ што ви треба за да живеете. Ја имам оваа болест од непозната причина’“, рече таа и додаде дека „има сила во себе и знае дека ништо нема да ја спречи“.
Забава
(Видео) Џорџина и Роналдо објавија видео од плажа, им се допадна на три милиони луѓе
Џорџина Родригез на „Инстаграм“ објави романтично видео на кое ужива на плажа со својот партнер Кристијано Роналдо ставајќи крај на шпекулациите за проблеми во врската.
View this post on Instagram
„Во рајот со тебе“, напиша таа покрај видеото на кое се шетаат на плажа и се бакнуваат, а видеото им се допадна на повеќе од 3 милиони луѓе.
Роналдо на својот „Инстаграм“ сподели и фотографии од одморот, каде што покажа како се забавуваат и напиша: „Среќа“.