Контакт

Здравје

Самоубиството е втора главна причина за смртноста кај младите, велат од СЗО

Објавено пред

Секои 40 секунди една личност умира поради извршено самоубиство, пренесува Светската здравствена организација (СЗО) по повод Светскиот ден за превенција на самоубиствата, 10 Септември.

Според податоците на СЗО, речиси 800.000 лица годишно умираат поради извршено самоубиство, а повеќе од три четвртини од случаите се во земји каде што граѓаните имаат ниски или средни примања.

Самоубиството е втора главна причина за смртноста кај младите лица на возраст помеѓу 15-29.

Од Обединетите нации тврдат дека најефективниот начин да се намали бројот на самоубиства е владата да го ограничи пристапот до пестициди.

Во 2016 година, во светски рамки, од 100.000 починати, 10,5 лица се самоубиле, а во Европа тоа биле 13 лица на 100.000 починати.

Најпоразителни податоци покажуваат земјите од Источна Европа, каде што бројките се двојно поголеми од светскиот просек. Меѓу најпогодените се наоѓа Русија, со 26,5 самоубиства на 100.000 смртни случаи, а зад неа се Литванија (25,7 на 100.000) и Белорусија (21,4 на 100.000).

Во Западна Европа највисока стапка на самоубиство имаат Белгија (15,7), Франција (12,1) и Ирска (10,9) на 100.000 смртни случаи.

СЗО изјави дека само 38 земји во светот имаат национални стратегии за спречување на самоубиства.

„И покрај секој напредок, секои 40 секунди едно лице се самоубива“, велат од СЗО.

„Смртта е трагедија за семејството, пријателите и колегите, но самоубиствата може да бидат превенирани. Ги повикуваме сите земји да воведат мерки за превенција на самоубиства во својот национален план за здравство, како и одржливи програми за едукација“, додаваат од организацијата.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Здравје

Во САД се во пораст повредите поврзани со користење на мобилен телефон

Објавено пред

Повредите поврзани со користење на мобилни телефони се во пораст, особено кај младите луѓе, покажува анализата на повреди поради кои луѓето најчесто бараат лекарска помош во САД.

Бројот на повреди на вратот, лицето, очите, носот, ушите и главата се во драматичен пораст во текот на изминатите неколку години, а голем удел во тоа има користењето на мобилните телефони, особено пишувањето на пораки при возење или одење, највеќе кај младите луѓе на возраст меѓу 13 и 29 години, јавува Си-ен-ен.

Најчести повреди се рани на лицето и главата, потоа следат контузии на мозокот, површни повреди на кожата и повреди на внатрешните органи, се вели во истражувањето спроведено од научници од медицинскиот факултет Ратџерс во Њу Џерси.

Повеќето луѓе, 94 проценти, не биле хоспитализирани откако биле санирани повредите. Иако се чини дека овие повреди не би требало да бидат причина за загриженост, авторите на истражувањето предупредуваат дека истите може да имаат долготрајни последици, како на пример лузни.

Трошоците за санирање на повреди на лицето го чинат здравствениот систем на САД околу 3 милијарди долари годишно. Оваа студија, чии резултати беа објавени во стручно списание, е прва која ги проучува повредите на главата и вратот, наместо целото тело. Ваквите повреди биле драстично поретки до 2007 година, кога „Епл“ го претстави првиот паметен телефон „ајфон“.

„Иако популарноста на мобилните телефони и пред тоа беше во пораст, нивните карактеристики беа ограничени и затоа немаше голема веројатност да го одвлечат вниманието на корисниците во споредба со денешните смартфони“, велат авторите на студијата.

Прикажи повеќе...

Здравје

Некои видови пива можат да ви помогнат во борбата против килограмите, тврдат научници

Објавено пред

Група научниците открија дека одредени видови пиво се богати со пробиотички микроби – бактерии кои се заслужни за повеќе позитивни ефекти во човековиот организам, од борба против зголемување на телесната тежина до подобро спиење.

Како што се чини, тајната на пивата кои се богати со овие микроби е фактот дека тие ферментираат двапати – еднаш во пиварницата, а потоа повторно во шишето.

Втората ферментација ја зголемува јачината на пивото и создава поинтензивен и остар вкус. Важно за здравјето е дека ферментацијата во шише користи различен вид квасец во споредба со традиционалниот пивски квасец. Овој квасец не само што го претвора шеќерот во алкохол, туку помага да се создадат киселини кои ги уништуваат бактериите што нè прават болни.

„На овој начин се добива посилно пиво што е многу, многу здраво“, објаснува професорот од Универзитетот во Амстердам, Ерик Класен, но исто така вели дека тој не сака луѓето да го сфатат нивното истражување како лиценца за консумација на повеќе алкохол.

„При високи концентрации, алкохолот е лош за цревата, но ако пиете само по едно од овие пива на ден, тоа би можело да биде добро за вас“, вели Класен.

Исто така, друго истражување на Универзитетот во Небраска во САД открило дека некои шишиња пиво содржат и до 50 милиони пробиотички или „добри“ бактерии. Откако ќе се најдат во цревата, пробиотичките бактерии ги убиваат ривалските „лоши“ бактерии поврзани со многу болести, пренесе „Дејли мејл“.

Прикажи повеќе...

Здравје

Зависноста од мобилни телефони е психијатриско нарушување

Објавено пред

Истражувачи од Кралскиот колеџ во Лондон направиле мета-анализа во која биле вклучени повеќе од 40 различни студии, кои покажале дека во просек 23% од децата, тинејџерите и младите луѓе до 25 години страдаат од зависност од паметни телефони.

Во овие студии анализирани се 41.871 лице и во секоја од нив е откриено дека од ова нарушување страдаат од 10 до 30 проценти од испитаниците. Детектирана е конзистентна поврзаност помеѓу ПСУ (Проблематична употреба на паметни телефони) и проблемите со менталното здравје.

Сепак, концептот на зависност од паметни телефони е контроверзен во академските кругови, па оттука му е дадена и кованицата ПСУ. Меѓутоа, извештаите кои произлегуваат од анализата покажуваат дека има доволно докази за оваа состојба да се поврзе со клиничките психијатриски проблеми.

Заклучокот е дека постои итна потреба да се развијат алатки што ќе ја намалат ПСУ, како и ​​да се осмислат соодветни мерки што ќе ја спречат зачестеноста на ова нарушување. Производителите на телефони почнаа да го прифаќаат тоа. На пример, „Епл“ го лансираше „скрин тајм“ во иОС 13, што им овозможува на родителите да контролираат колку време нивните деца ќе го користат својот паметен телефон. Некои апликации, како „Јутјуб“, им овозможуваат на корисниците увид во времето кое го потрошиле гледајќи видеа на оваа платформа.

Во секој случај, јасно е дека новите технологии честопати имаат негативно влијание врз најмладите, кои немаат мерка кога станува збор за нивната употреба. Затоа, потребно е да се пронајдат системски решенија што ќе им овозможат на децата и тинејџерите да користат телефони, но не и да претеруваат во тоа.

Прикажи повеќе...

Најново

Свет3 минути

Шведска лекарка ја врати Нобеловата награда за мир како протест поради Хандке

Шведската лекарка и писателка Кристина Доктаре, која ја доби Нобеловата награда за мир во 1988 година како членка на мировните...

Свет17 минути

Најмалку шест лица загинаа во пукање во Њу Џерси

Најмалку шест лица, меѓу кои и еден полицаец и двајца осомничени вооружени лица, загинаа во повеќечасовно пукање кај гробиштата и...

Регион30 минути

Шестмина мигранти починаа од студ на грчко-турската граница

Шестмина мигранти починаа од студ на грчко-турската граница. Тие се пронајдени во регионот Еврос, на грчко-турската граница, во периодот од...

Македонија13 часа

Владата даде рок до петок – на увид ги бара сите информации за зачувувањето на статусот на УНЕСКО

Владата ја разгледа и усвои Информацијата за степенот на реализација на препораките на Реактивната мисија на УНЕСКО од 2017 година,...

Македонија13 часа

Предлог-законот за висока раководна служба оди во Собрание

На предлог на Министерството за информатичко општество и администрација, Владата го утврди текстот на предлог – законот за висока раководна...

Свет15 часа

Се подготвува масовен каталонски протест во пресрет на дербито Барселона – Реал Мадрид

Каталонската платформа „Демократско цунами“ ги повика заговорниците за независност на Каталонија за масовни протести по осум дена пред стадионот „Камп...

Регион15 часа

Хрватските возачки дозволи во иднина ќе важат и во САД, Канада, Аргентина …

Парламентарците денеска го поздравија пристапувањето на Хрватска во Конвенцијата за патен сообраќај, односно Женевската конвенција, со која ќе се овозможи...

Македонија19 часа

Благајничката на Камчеви: Со обезбедување дојдов во менувачницата, а парите ги претворив во евра

По паузата во Кривичниот суд во Скопје, продожи судењето за предметот „Рекет“, сведочеше благајничката на семејството Камчеви, Мирјана Бошковска. Таа...

Македонија20 часа

„Екосвест“: ТЕЦ „Битола“ ги надминува дозволените вредности за емисии на токсични супстанции

Државите од Западен Балкан ги надминуваат граничните вредности за емисии во воздухот од термоелектраните на јаглен договорени со Енергетската заедница...

Македонија21 час

Руте: Албанија не е подготвена, а Северна Македонија е поблиску до почнување преговори со ЕУ

Холандија не се спротивставува на проширувањето на ЕУ, рече премиерот на Холандија, Марк Руте, кој верува дека Албанија во моментот...

Македонија22 часа

Камчева: Боки 13 беше како специјален јавен обвинител, тој знаеше сè

Во продолжението на судењето за случајот „Рекет“, сопругата на Орце Камчев, Ана Камчева, рече дека 350 илјади евра за рекет...

Македонија22 часа

(Видео) Сведок во „Еразмус“: Шуклев бараше секс или пари од студентки за преодна оценка

Ексвработениот во бифето на Економскиот факултет, Дејан Трајковиќ, кој е сведок во случајот „Еразмус“, во судницата рече дека професорот Бобек...

Македонија22 часа

(Видео) Заев и Шекеринска: Овој носач на авиони веќе е дел од нашата одбрана

Претседателот на Владата, Зоран Заев, и министерката за одбрана, Радмила Шекеринска, оценија дека сме дел од најмоќната воена и политичка...

Македонија22 часа

(Видео) Камчева: Во стан во Капиштец ми бараа милиони евра за сопругот

Сопругата на бизнисменот Орце Камчев, Ана Камчева, го почна сведочењето за случајот „Рекет“. Камчева рече дека на 9 ноември 2018...

Свет23 часа

Ардерн: Има прашања што мора да бидат одговорени, размерите на трагедијата се катастрофални

Премиерката на Нов Зеланд, Џакинда Ардерн, истакна дека има прашања што мора да бидат поставени и одговорени по ерупцијата на...

Свет23 часа

Военото воздухопловство на Чиле потврди дека авионот се урнал, во тек е потрага

Военото воздухопловство на Чиле соопшти денеска дека воениот авион, кој претходно синоќа исчезна од радарот, се урнал. Воздухопловството се огласи...

Свет23 часа

Пукање во болница во Чешка, најмалку шестмина убиени

Шест луѓе се убиени во пукање во болница во Чешка, објави Би-би-си. Нападот се случил утрово околу 7 часот. Полицијата...

Свет1 ден

Заврши самитот на Нормандската четворка, сите се задоволни од состанокот

Во Елисејската палата во Париз синоќа заврши самитот на лидерите на Нормандската четворка, а францускиот претседател Емануeл Макрон оцени дека...

Македонија1 ден

(Видео) Заев, Шекеринска и Џафери на носачот на авиони ,,Хари Труман“ се сретнаа со адмирал Џејмс Фого

Премиерот Зоран Заев, вицепремиерката и министерка за одбрана Радмила Шекеринска и претседателот на Собранието Талат Џафери слетаа на носачот на...

Регион2 дена

Рама ги повика граѓаните да не ги оштетуваат намерно објектите

Премиерот на Албанија, Еди Рама, денеска го достави првиот прелиминарен извештај за земјотресот што погоди делови од земјата на 26...

Досие