Здравје
Што со кожата на лицето по 30-та година?
Современите светски текови на естетската дерматологија диктираат природен, здрав и свеж изглед на кожата на лицето. Основно прашање по 30-та година кога започнувате сериозно да се занимавате со Вашата кожа, и на кое треба да имате одговор, е „Што всушност сакам да постигнам?“.
Доколку се одлучите за здрав и свеж младешки изглед на своето лице и тело, Вашата доверба најдобро е да му ја доверите на дерматолог, бидејќи убавината е Ваш избор, а естетската дерматологија е сигурен и успешен пат кон убавиот и здрав изглед. Односно целта на дерматологот е на Вашата кожа да и го даде она што и е потребно – здрав изглед!Што ни препорачуваат дерматолозите?Апликацијата на ботокс и дермални филери се сè популарни третмани поради импресивните и инстант резултатите кои ги добиваме од нив. Во текот на животот мускулите на лицето ги движиме милион пати и како резултат на тоа добиваме трајни брчки на челото и региите околу него, со што не само што не прави да изгледаме постари, туку и уморни и мрзоволни. Кога ќе се вбризга ботокс во тие мускули се блокираат нервните сигнали, мускулите се опуштаат и брчките се израмнуваат. Ефектите од ботокс траат околу 6 месеци потоа мора да се повтори постапката. Бидејќи пациентот секогаш си оди задоволен од сработеното и добиените резултати се импресивни, без сомнение знаеме дека ќе се врати кај дерматологот по 6 месеци да ја повтори постапката. Убаво е редовно да се практикуваат овие третмани по 30-та година бидејќи освен што ќе бидете задоволни со својот моментален изглед тоа најмногу ќе го осетите кога ќе наполните 40 или 50 години. Вашите врсници кои не користеле третман со ботокс или дермални филери ќе изгледаат многу постаро и позапуштено од вас. Ефектите од третманот многу влијаат на општото расположение кај пациентот, бидејќи со нивно редовно користење ќе чувствувате задоволство и поголема самодоверба во работната средина, вашето социјално опкружување и семејството. Како се одвива третманот?Повеќето од пациентите се плашат од болка при самиот третман, меѓутоа пред третманот се става анестетик и многу внимателно со мала и тенка игличка се влегува само 1мм површински во кожата, така што не се чуствува никаква болка туку благо пецкање кое воопшто не е болно, ниту непријатно. Сето тоа трае само 15 минути така што пациентот нормално си продолжува со своите тековни обврски. Доколку третманот го работи нестручно лице и без искуство, или пак се работи за ефтини и неквалитетни материјали може да се јават многу нус појави како црвенило, модринки, алергија, оток, промашување на мускулната група и како последица на тоа се добива асиметрија на лицето. СоветМногу е важно внимателно да се одбере добар дерматолог кој е сертифициран и работи со квалитетни материјали, кои се природни, нормално се апсорбираат во кожата и природно се разградуваат во организмот со текот на времето. Најдобро резултати се добива од комбинација на ботокс и дермални филери, бидејќи ботоксот делува на хоризонталните брчки на челото и на надворешната страна на краевите од окото, а филерите делуваат на брчките околу насмевката, подочниците, контурите на лицето, волуменот на усните, брчките на вратот и деколтето. Траењето на филерите е од 8 до 12 месеци. Пациентот по третманот увидува дека го направил вистинскиот избор и дека непотребно постоеле стравови и сомневања за истите.И на крај само ќе спомнеме дека потполно се согласуваме со изјавата на позната модна дизајнерка Коко Шанел – „Природата ти го дава лицето кое го имаш на 20 години, но од тебе зависи какво ќе ти биде на 50 години.“Д-р Анета Кокалеска ПетрушевскаСпец. дерматологОрдинација Д-р Анчевски/крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Здравје
Лошиот сон може да го зголеми ризикот од срцеви заболувања
Знаеме дека добриот сон е неопходен за добро здравје, особено за здравјето на срцето. Истражувањата покажаа дека лошиот сон може да го зголеми ризикот од срцеви заболувања. Но, дали знаевте дека положбата во која спиеме исто така игра улога за здравјето на срцето?
„Спиењето на левата страна може да предизвика суптилни промени во положбата на срцето. На некои луѓе им е дури и непријатно да спијат на левата страна, особено ако имаат срцева слабост или неодамна им бил вграден пејсмејкер“, вели кардиологот Леонард Ганц за Prevention.
Позицијата на спиење може да влијае и на одредени симптоми.
„Палпитацијата и абнормалните отчукувања на срцето може да бидат позабележителни кај некои луѓе штпо лежат или спијат на левата страна. Сепак, не е јасно дали лежењето на левата страна ги зголемува шансите за развој на аритмија и дали тоа влијае на прогресијата на болеста“, додаде д-р Ганц, цитиран од хрватски „Индекс“.
Затоа кардиологот ги советува оние што чувствуваат некакви промени во работата на срцето при лежење на левата страна да изберат поинаква положба.
Оние што страдаат од рефлукс на киселина или гастроезофагеален рефлукс, од друга страна, може да имаат корист од спиењето на левата страна, според лекарите.
Во овој момент нема доволно истражувања за да се докаже која положба на спиење е најдобра за здравјето на вашето срце ако веќе немате срцеви заболувања. Најважно е добро да се одморите.
Она што е познато е дека лежењето на грб може да го влоши пулмоналниот едем кај луѓето со конгестивна срцева слабост. Некои луѓе со срцева слабост велат дека им е потешко да дишат кога лежат или спијат на левата страна.
Здравје
Просечното шише вода содржи 240.000 парчиња нанопластика, која предизвикува рак – 100 пати повеќе отколку што претходно се мислеше
Пластичните шишиња со вода содржат стотици илјади токсични микроскопски пластични честички, открија нови истражувања.
Британски „Дејли мејл“ објави дека наодите, најверојатно, ќе го шокираат секој што преминал од чешма на пакувана вода верувајќи дека е подобро за здравјето.
Пиењето вода од шише може да значи дека го загадувате вашето тело со мали парчиња пластика за кои научниците стравуваат дека може да се акумулираат во вашите витални органи и да предизвикаат непознати здравствени импликации.
Нанопластиката веќе е поврзани со рак, проблеми со плодноста и со вродени дефекти.
Научниците што користат најнапредни техники за ласерско скенирање просечно пронајдоа 240.000 пластични честички во шише вода од еден литар во споредба со 5,5 на еден литар вода од чешма.
Истражувачите на Универзитетот во Колумбија тестираа три популарни бренда на шише вода продадени во САД – и користејќи ласери, ги анализираа пластични честички што ги содржеа на само 100 нанометри во големина.
Честичките – нанопластика – се многу помали од микропластиците претходно откриени во пакувана вода.
Сепак, честичките се сметаат за потенцијално токсични бидејќи се толку мали што може да влезат директно во крвните клетки и мозокот.
Овие микроскопски честички носат фталати – хемикалии што ја прават пластиката поиздржлива, флексибилна и подолготрајна.
Здравје
Нутриционист: Три докажани начини да го забавите процесот на стареење, првите ефекти за две недели
Британската нутриционистка Габриела Пикок изјави дека со правилна исхрана им помогнала на многу луѓе од високото општество да ги забават знаците на стареење за само две недели.
„Науката е јасна дека сите ние имаме моќ да направиме едноставни промени што го менуваат животот на подобро, без оглед на генетската предиспозиција“, вели Пикок, која работела со членови на британското кралско семејство, како што се принцезата Јуџин и принцот Хари.
Авторката, чија книга „2 недели за помлад ти: тајни за подолго живеење и фантастично чувство“, беше објавена на почетокот на оваа година, рече дека е сосема природно што многу луѓе прибегнуваат кон нездрави навики во исхраната.
„Но, сите ние имаме потенцијал да го промениме ова“, изјави таа за „Сан“.
Без оглед на нашата возраст и здравје, Пикок тврди дека никогаш не е доцна да ја промените брзината на стареење и да ги прифатите енергијата и силата на вашето помладо јас.
Според нејзиното мислење, доволно е да се применат овие три работи и доволно е да се забави процесот на стареење, а првите ефекти ќе се видат по две недели.
Избегнувајте шеќер
Иако можеби е тешко да се замисли ако сте љубител на шеќер, таа советува дека намалувањето на шеќерот не само што е добро за целокупното здравје туку може и да го забави стареењето.
Како што дополнително објаснува, шеќерот води до хронично воспаление во телото, кое е еден од најлошите непријатели во процесот на стареењето.
Јадењето шеќер може да доведе до зголемување на телесната тежина, но, како што истакнува Пикок, вашата енергија и нивото на хормоните ќе влијаат на тоа како изгледате и се чувствувате.
Внесувајте разни хранливи материи
„Се разбира, урамнотежената исхрана помага во целокупното здравје, но некои хранливи материи имаат супермоќ против стареењето“, рече таа.
Заедно со антиоксидансите, омега-3 масните киселини, всушност, може да ги намалат брчките со хидратација на кожата и промовирање на еластичноста. Јадењето мрсна риба како лосос е одличен трик.
За уште поголема еластичност на кожата, Пикок вели дека колагенот, кој може да се најде во немасните протеини и супата од коски, е исто така неопходен.
Топло-ладно туширање
Екстремните температури може да бидат исклучително добра техника против стареењето.
Пикок вели дека има многу такви начини, вклучувајќи пешачење или вежбање на отворено во зима или ладната вода на крајот од туширањето.
„За да си ги олесните работите, зошто да не пробате неколку секунди ладна вода на крајот од туширањето?“, препорача таа.
„Се обидувам да се истуширам со ладна вода една-две минути пред да се префрлам на топла“, изјави таа за „Њујорк пост’.