Здравје
Bodytec: Нов начин на тренинг за врвни спортски резултати
Иновативната високотехнолошка метода на фитнес тренирање конечно е достапна и во Македонија. BODYTEC за првпат на нашите простори ви овозможува нов тип на вежбање со помош на електро мускулна стимулација (ЕМС).
Дополнителна сила и перформанси
Повеќе од било кога моќното тело се смета како симбол за успех. Доколку сакате да го имате и задржите, ви треба многу време, сила, енергија, за таа цел ние ви го препорачуваме BODYTEC кој ќе ви го скрати времето и ќе ве донесе до посакуваната цел, без разлика дали сте почетник или врвен спортист. Со BODYTEC успехот е загарантиран.
Поголема издржливост за подобра основа
Силата на мускулите играат голема улога како основа за индивидуалните перформаси. До високи перформанси е можно само ако има доволна мускулна стабилност. Стабилноста на мускулот е тешко да се постигне со конвенционалните методи на вежбање, одзема многу време и финансиски средства, токму тука настапува BODYTEC со помош на овој револуционерен метод на вежбање вие добивате и до 18 пати поголем ефект од стандардното вежбање како и заштеда на време со истовремено стимулирање на сите мускулни групи одеднаш. Интересно е што овој метод се комбинира и со дополнителни вежби како што се кардио вежбите, или и вежби со тежина, како и изготвување на специјални програми во зависност од што точно сакате да подобрите.
Поголема моќност со BODYTEC
BODYTEC продолжува онаму каде традиционалната практика застанува. Додека конвенционалните методи овозможуваат достигнување на максимален капацитет на мускулот со зголемување на тежината која се подигнува, BODYTEC технологијата покрај достигнување на максималниот капацитет без дополнителна тежина, ја зголемува и брзината и експолозивноста на мускулот без оптоварување на пасивните мускули. Електричните импулси прават брз-грч дирекно во мускулните влакна без оптоварување на дополнителни делови од телото, и со овој метод вежбањето на професионалните спортисти би бил незамислив.
ЕДНОСТАВНО поголем успех
Без разлика во кој правец се гледа-студиите ги демонстрираат придобивките од BODYTEC:
BODYTEC e единствен начин на вежбање кој покрај зголемувањето на капацитетот на мускулот ја зголемува и брзината и експлозивноста.
Зголемувањето на ефикасноста на капацитетот било забележано генерално кај 84% од испитаниците!
71% од учесниците покажале значително подобрување во издржливоста!
Силата се зголемила за 108% за само 12 тренинзи!
По само 4 недели посетување на тренинзи максималните перформанси се зголемиле за 30%!
Експлозивната моќ се зголемила за 74%!
И како најголема предност се смета дека вежбањето со BODYTEC односно ЕМS е за 40% поинтензивно од традиционалното вежбање со тежина.
Првиот Bodytec центар во Македонија се наоѓа на ул. Димче Мирчев бр.20 ло.6, Скопје.
Повеќе информации и резервации може да се обезбедат на телефонскиот број: 077 833 332, на е-mail: [email protected], преку официјалната веб страна: http://www.bodytec.mk. крај
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Здравје
Лошиот сон може да го зголеми ризикот од срцеви заболувања
Знаеме дека добриот сон е неопходен за добро здравје, особено за здравјето на срцето. Истражувањата покажаа дека лошиот сон може да го зголеми ризикот од срцеви заболувања. Но, дали знаевте дека положбата во која спиеме исто така игра улога за здравјето на срцето?
„Спиењето на левата страна може да предизвика суптилни промени во положбата на срцето. На некои луѓе им е дури и непријатно да спијат на левата страна, особено ако имаат срцева слабост или неодамна им бил вграден пејсмејкер“, вели кардиологот Леонард Ганц за Prevention.
Позицијата на спиење може да влијае и на одредени симптоми.
„Палпитацијата и абнормалните отчукувања на срцето може да бидат позабележителни кај некои луѓе штпо лежат или спијат на левата страна. Сепак, не е јасно дали лежењето на левата страна ги зголемува шансите за развој на аритмија и дали тоа влијае на прогресијата на болеста“, додаде д-р Ганц, цитиран од хрватски „Индекс“.
Затоа кардиологот ги советува оние што чувствуваат некакви промени во работата на срцето при лежење на левата страна да изберат поинаква положба.
Оние што страдаат од рефлукс на киселина или гастроезофагеален рефлукс, од друга страна, може да имаат корист од спиењето на левата страна, според лекарите.
Во овој момент нема доволно истражувања за да се докаже која положба на спиење е најдобра за здравјето на вашето срце ако веќе немате срцеви заболувања. Најважно е добро да се одморите.
Она што е познато е дека лежењето на грб може да го влоши пулмоналниот едем кај луѓето со конгестивна срцева слабост. Некои луѓе со срцева слабост велат дека им е потешко да дишат кога лежат или спијат на левата страна.
Здравје
Просечното шише вода содржи 240.000 парчиња нанопластика, која предизвикува рак – 100 пати повеќе отколку што претходно се мислеше
Пластичните шишиња со вода содржат стотици илјади токсични микроскопски пластични честички, открија нови истражувања.
Британски „Дејли мејл“ објави дека наодите, најверојатно, ќе го шокираат секој што преминал од чешма на пакувана вода верувајќи дека е подобро за здравјето.
Пиењето вода од шише може да значи дека го загадувате вашето тело со мали парчиња пластика за кои научниците стравуваат дека може да се акумулираат во вашите витални органи и да предизвикаат непознати здравствени импликации.
Нанопластиката веќе е поврзани со рак, проблеми со плодноста и со вродени дефекти.
Научниците што користат најнапредни техники за ласерско скенирање просечно пронајдоа 240.000 пластични честички во шише вода од еден литар во споредба со 5,5 на еден литар вода од чешма.
Истражувачите на Универзитетот во Колумбија тестираа три популарни бренда на шише вода продадени во САД – и користејќи ласери, ги анализираа пластични честички што ги содржеа на само 100 нанометри во големина.
Честичките – нанопластика – се многу помали од микропластиците претходно откриени во пакувана вода.
Сепак, честичките се сметаат за потенцијално токсични бидејќи се толку мали што може да влезат директно во крвните клетки и мозокот.
Овие микроскопски честички носат фталати – хемикалии што ја прават пластиката поиздржлива, флексибилна и подолготрајна.
Здравје
Нутриционист: Три докажани начини да го забавите процесот на стареење, првите ефекти за две недели
Британската нутриционистка Габриела Пикок изјави дека со правилна исхрана им помогнала на многу луѓе од високото општество да ги забават знаците на стареење за само две недели.
„Науката е јасна дека сите ние имаме моќ да направиме едноставни промени што го менуваат животот на подобро, без оглед на генетската предиспозиција“, вели Пикок, која работела со членови на британското кралско семејство, како што се принцезата Јуџин и принцот Хари.
Авторката, чија книга „2 недели за помлад ти: тајни за подолго живеење и фантастично чувство“, беше објавена на почетокот на оваа година, рече дека е сосема природно што многу луѓе прибегнуваат кон нездрави навики во исхраната.
„Но, сите ние имаме потенцијал да го промениме ова“, изјави таа за „Сан“.
Без оглед на нашата возраст и здравје, Пикок тврди дека никогаш не е доцна да ја промените брзината на стареење и да ги прифатите енергијата и силата на вашето помладо јас.
Според нејзиното мислење, доволно е да се применат овие три работи и доволно е да се забави процесот на стареење, а првите ефекти ќе се видат по две недели.
Избегнувајте шеќер
Иако можеби е тешко да се замисли ако сте љубител на шеќер, таа советува дека намалувањето на шеќерот не само што е добро за целокупното здравје туку може и да го забави стареењето.
Како што дополнително објаснува, шеќерот води до хронично воспаление во телото, кое е еден од најлошите непријатели во процесот на стареењето.
Јадењето шеќер може да доведе до зголемување на телесната тежина, но, како што истакнува Пикок, вашата енергија и нивото на хормоните ќе влијаат на тоа како изгледате и се чувствувате.
Внесувајте разни хранливи материи
„Се разбира, урамнотежената исхрана помага во целокупното здравје, но некои хранливи материи имаат супермоќ против стареењето“, рече таа.
Заедно со антиоксидансите, омега-3 масните киселини, всушност, може да ги намалат брчките со хидратација на кожата и промовирање на еластичноста. Јадењето мрсна риба како лосос е одличен трик.
За уште поголема еластичност на кожата, Пикок вели дека колагенот, кој може да се најде во немасните протеини и супата од коски, е исто така неопходен.
Топло-ладно туширање
Екстремните температури може да бидат исклучително добра техника против стареењето.
Пикок вели дека има многу такви начини, вклучувајќи пешачење или вежбање на отворено во зима или ладната вода на крајот од туширањето.
„За да си ги олесните работите, зошто да не пробате неколку секунди ладна вода на крајот од туширањето?“, препорача таа.
„Се обидувам да се истуширам со ладна вода една-две минути пред да се префрлам на топла“, изјави таа за „Њујорк пост’.