Здравје
Француските научници развиле молекул што ги напаѓа клетките на меланомот
Француските научници успеале да развијат молекула што е во состојба да ја намали способноста на преживување на клетките на меланомот, а при тоа да не им наштети на здравите клетки, што им раѓа надеж на заболените од овој вид на многу агресивен рак на кожата.
Молекулата наречена HA15 ја разви група научници од францускиот Институт за здравје и медицински истражувања(Инсерм) во Ница, под водство на Стефан Рочи.„Станува збор за малиген тумор на клетките на кожата со потекло од меланоцитот, клетки кои нормално се наоѓаат во нашата кожа и се одговорни за синтезата на меланинот, пигментот што и дава на кожата потемна боја“, се потсетува во соопштението на Инсерм и се додава дека постојат три клинички стадиуми на малигниот меланом: локализиран меланом само на подрачјето на кожата без клинички видливи регионални метастази, потоа клинички видливи метастази во лимфните јазли и трет степен кога зборуваме за метастазите.„Идентификацијата на новите молекули е неодминлив елемент во примената на ефикасната биотерапија кај овој вид на рак, чија раширеност во последните десет години се удвои“, се вели во соопштението на Инсерм. Во тој контекст, француските научници откриле нова група молекули – tiazol benzensulfonamide(TZB) кои имаат антиканцерогени својства, кои се оценети како ‘интересни’.„најпрво оваа група молекули беше откриена кај дијабетесот од типот 2. Имено, ја зголемувала чувствителноста на клетките на инсулинот. Но, доколку сакаме да ја употребиме во борбата против ракот, ќе мора да ја елиминираме таа проинсулинска активност“, објасни Рочи.По повеќе обиди научниците успеале да ја изменат основната структура на TZB и да создадат формула чија ‘главна состојка’ е наречена HA15 , важна бидејќи благодарејќи на процесот апоптоза(програмирана смрт на клетката) и аутофаготицоза(механизам на разградување на внатрешните најчесто непотребни или дисфункционални клеточни делови за да се осигура преживување на клетката во целост), доведува до смрт на клетките на меланомот.Во експериментите спроведени врз лабораториски глувци оваа група молекули била многу ефикасна во намалувањето на големината на туморот, а при тоа не му штетела на околното ткиво, ниту, пак, влијаела врз здравствената состојба на глодарот.„Во истражувањето спроведено на ткивото на пациенти заболени од меланом се покажало дека молекулите биле многу активни во уништувањето на станиците на меланомот, посебно на оние што биле чувствителни или не реагирале на терапијата“, велат француските научници.Се чини дека HA15 е ефикасен и кога станува збор за други тумори, како ракот на дојката, дебелото црево, простата, панкреасот и хроничната леукемија.„Целта на овој проект и нашата студија е да се употребат новите молекули во лекувањето на меланомот, како и на другите видови карцином“, порача Рочи.Резултатите од истражувањето беа објавени во четврток во стручниот американски магазин Cancer Cell. /крај/хн/ст
Извор: Hina
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Здравје
Лошиот сон може да го зголеми ризикот од срцеви заболувања
Знаеме дека добриот сон е неопходен за добро здравје, особено за здравјето на срцето. Истражувањата покажаа дека лошиот сон може да го зголеми ризикот од срцеви заболувања. Но, дали знаевте дека положбата во која спиеме исто така игра улога за здравјето на срцето?
„Спиењето на левата страна може да предизвика суптилни промени во положбата на срцето. На некои луѓе им е дури и непријатно да спијат на левата страна, особено ако имаат срцева слабост или неодамна им бил вграден пејсмејкер“, вели кардиологот Леонард Ганц за Prevention.
Позицијата на спиење може да влијае и на одредени симптоми.
„Палпитацијата и абнормалните отчукувања на срцето може да бидат позабележителни кај некои луѓе штпо лежат или спијат на левата страна. Сепак, не е јасно дали лежењето на левата страна ги зголемува шансите за развој на аритмија и дали тоа влијае на прогресијата на болеста“, додаде д-р Ганц, цитиран од хрватски „Индекс“.
Затоа кардиологот ги советува оние што чувствуваат некакви промени во работата на срцето при лежење на левата страна да изберат поинаква положба.
Оние што страдаат од рефлукс на киселина или гастроезофагеален рефлукс, од друга страна, може да имаат корист од спиењето на левата страна, според лекарите.
Во овој момент нема доволно истражувања за да се докаже која положба на спиење е најдобра за здравјето на вашето срце ако веќе немате срцеви заболувања. Најважно е добро да се одморите.
Она што е познато е дека лежењето на грб може да го влоши пулмоналниот едем кај луѓето со конгестивна срцева слабост. Некои луѓе со срцева слабост велат дека им е потешко да дишат кога лежат или спијат на левата страна.
Здравје
Просечното шише вода содржи 240.000 парчиња нанопластика, која предизвикува рак – 100 пати повеќе отколку што претходно се мислеше
Пластичните шишиња со вода содржат стотици илјади токсични микроскопски пластични честички, открија нови истражувања.
Британски „Дејли мејл“ објави дека наодите, најверојатно, ќе го шокираат секој што преминал од чешма на пакувана вода верувајќи дека е подобро за здравјето.
Пиењето вода од шише може да значи дека го загадувате вашето тело со мали парчиња пластика за кои научниците стравуваат дека може да се акумулираат во вашите витални органи и да предизвикаат непознати здравствени импликации.
Нанопластиката веќе е поврзани со рак, проблеми со плодноста и со вродени дефекти.
Научниците што користат најнапредни техники за ласерско скенирање просечно пронајдоа 240.000 пластични честички во шише вода од еден литар во споредба со 5,5 на еден литар вода од чешма.
Истражувачите на Универзитетот во Колумбија тестираа три популарни бренда на шише вода продадени во САД – и користејќи ласери, ги анализираа пластични честички што ги содржеа на само 100 нанометри во големина.
Честичките – нанопластика – се многу помали од микропластиците претходно откриени во пакувана вода.
Сепак, честичките се сметаат за потенцијално токсични бидејќи се толку мали што може да влезат директно во крвните клетки и мозокот.
Овие микроскопски честички носат фталати – хемикалии што ја прават пластиката поиздржлива, флексибилна и подолготрајна.
Здравје
Нутриционист: Три докажани начини да го забавите процесот на стареење, првите ефекти за две недели
Британската нутриционистка Габриела Пикок изјави дека со правилна исхрана им помогнала на многу луѓе од високото општество да ги забават знаците на стареење за само две недели.
„Науката е јасна дека сите ние имаме моќ да направиме едноставни промени што го менуваат животот на подобро, без оглед на генетската предиспозиција“, вели Пикок, која работела со членови на британското кралско семејство, како што се принцезата Јуџин и принцот Хари.
Авторката, чија книга „2 недели за помлад ти: тајни за подолго живеење и фантастично чувство“, беше објавена на почетокот на оваа година, рече дека е сосема природно што многу луѓе прибегнуваат кон нездрави навики во исхраната.
„Но, сите ние имаме потенцијал да го промениме ова“, изјави таа за „Сан“.
Без оглед на нашата возраст и здравје, Пикок тврди дека никогаш не е доцна да ја промените брзината на стареење и да ги прифатите енергијата и силата на вашето помладо јас.
Според нејзиното мислење, доволно е да се применат овие три работи и доволно е да се забави процесот на стареење, а првите ефекти ќе се видат по две недели.
Избегнувајте шеќер
Иако можеби е тешко да се замисли ако сте љубител на шеќер, таа советува дека намалувањето на шеќерот не само што е добро за целокупното здравје туку може и да го забави стареењето.
Како што дополнително објаснува, шеќерот води до хронично воспаление во телото, кое е еден од најлошите непријатели во процесот на стареењето.
Јадењето шеќер може да доведе до зголемување на телесната тежина, но, како што истакнува Пикок, вашата енергија и нивото на хормоните ќе влијаат на тоа како изгледате и се чувствувате.
Внесувајте разни хранливи материи
„Се разбира, урамнотежената исхрана помага во целокупното здравје, но некои хранливи материи имаат супермоќ против стареењето“, рече таа.
Заедно со антиоксидансите, омега-3 масните киселини, всушност, може да ги намалат брчките со хидратација на кожата и промовирање на еластичноста. Јадењето мрсна риба како лосос е одличен трик.
За уште поголема еластичност на кожата, Пикок вели дека колагенот, кој може да се најде во немасните протеини и супата од коски, е исто така неопходен.
Топло-ладно туширање
Екстремните температури може да бидат исклучително добра техника против стареењето.
Пикок вели дека има многу такви начини, вклучувајќи пешачење или вежбање на отворено во зима или ладната вода на крајот од туширањето.
„За да си ги олесните работите, зошто да не пробате неколку секунди ладна вода на крајот од туширањето?“, препорача таа.
„Се обидувам да се истуширам со ладна вода една-две минути пред да се префрлам на топла“, изјави таа за „Њујорк пост’.