Здравје
Освежени и подмладени во Новата година
На прагот од празниците сме, убав период во којшто секој сака да се прикаже во најубаво светло. Каква и да ни била година што изминува. сите со радост го чекаме доаѓањето на Новата година, секако со мотив за нов, младешки и поубав изглед. Себепретставувањето почнува со лицето, кое треба да биде свежо и негувано. Без разлика на обврските кои ги имате, убаво би било да одвоите малку време за себе и да направите третман, кој како со магично стапче ќе Ви го врати свежиот и младешки изглед на здрава, затегната и еластична кожа. А уште подобра вест е што еластичноста и свежината на здрава и убава кожа ќе Ви траат цела година и повеќе.
Ординација д-р Анчевски во делот на естетската дерматологија ви предлага современи процедури за корекција на брчки и ремоделирање на лице со ботокс и различни типови на филери спрема индивидуалните потреби (филери за пополнување на усни, филери за пополнување на јагодици, филери за пополнување на образи, врат и раце) радиес, скулптра, мезоконци, ПРП, комбинација на најнови ласерски техники кој што единствено и ексклузивно се изведуваат само во ординација д-р Анчевски како и освежување со мезотераписки коктели. Намерата е да ви кажеме неколку факти за овие сензационални холивудски третмани кои се хит во светот, се со цел да ве мотивираат да се одлучите на ваков чекор пред прагот на Новата година.
Ботоксот идеално ги решава брчките на челото, околу очите и меѓу веѓите. Трае до 6 месеци а потоа е биоразградив и постепено се губи ефектот. Кога го аплицира дерматолог со сертификација за таа процедува е безбеден тетман со совршен резултат.
Филери и самото име кажува дека тие нешто пополнуваат. Ги пополнуваат брчките односно браздите кои се јавуваат од носот до аглите на усните. На тоа место најбрзо почнува да се топи колагенот и се меѓу првите знаци на стареењето. Во својот состав содржат хијалурон, апликацијата им е брза и лесна , се разбира доколку точно се погоди слојот каде треба да се аплицираат. Траат една година и полека се топи нивниот ефект. Одредени фирми имаат специјални филери за контура и волумен на усни, за јаболкници и за длабоки брчки.
Најголемата револуција во третмани за нехируршки лифтинг се постигна со продуктите радиес и скулптра. Првиот е дериват на калциум , вториот дериват на млечна киселина. Обата произлезени од природни продукти. Се аплицираат длабоко во целата образна регија, со чудесна способност да дадат ефект на подигање односно лифтинг и пополнување на празнините кои настануваат со топење на масното ткиво и се причина за боцкањето по целата образна регија. Ефектот на овие третмани трае повеќе од две години.
Мезоконци, хит третман од најново време кој има ефект на затегање но уште повеќе на превенција на стареењето и боцкањето. Во кожата се плетат конци во буквална смисла на зборот кои по состав се специјално обработени хируршки конци со ефект на затегање од година дена.
Мезотерапијата е третман каде со премногу мали иглички се внесуваат витамини, колаген или разреден хијалурон со цел површинско освежување на лицето. Одличен третман кој се применува десетина дена пред за Вас важен настан бидејки лицето, буквално светнува, а моментално најновиот и најпопуларниот мезотераписки третман е ПРП третманот, кој покрај што освежува има силно својство а делува на површна стимулација на колаген за да се измазни лицето, да се затворат порите, лузните од акни и другите лузни а чувството е како да сте добиле нова кожа.
Моментално најновиот и единствениот апарат за рејувенацијана лице во светот познат како Clear lift е идеално решение за освежување на лице и врат при појава на први плитки брчки кога сеуште е рано за апликација на ботокс и филери. После само неколку третмани ефектот е извонреден.
По неколку апликации од било кој продукт лицето никогаш нема да се врати во првобитната состојба туку секој нареден пат ефектот ќе трае подолго и ќе биде потребно помалку продукт. Тоа е бидејќи сите овие продукти имаат згора на се, стимулативно својство да продуцираат нов сопствен колаген кој нема да се стопи туку ќе остане и ќе ја држи вашата кожа цврста и подмладена многу долг период. Ефектот е природен и долготраен и на крај најважно е што ќе добиете многу комплименти од околината.
Доколку при посета на лекар ве опфаќа непријатно чувство на вознемиреност и страв со самото влегување во пријатниот амбиент на ординација д-р Анчевски со љубезноста и стручноста на персоналот тоа чувство исчезнува, си заминувате насмеани и задоволни. Колку и да Ви звучи необично третманите се скоро безболни бидејки во некои од продуктите има анестетик а за останатите се аплицира локален анстетик.
Се чини ви дадовме доволно мотивација да направите нешто убаво за себе во претстојниот период пред новогодишните празници. /крај/мф/би
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Здравје
Лошиот сон може да го зголеми ризикот од срцеви заболувања
Знаеме дека добриот сон е неопходен за добро здравје, особено за здравјето на срцето. Истражувањата покажаа дека лошиот сон може да го зголеми ризикот од срцеви заболувања. Но, дали знаевте дека положбата во која спиеме исто така игра улога за здравјето на срцето?
„Спиењето на левата страна може да предизвика суптилни промени во положбата на срцето. На некои луѓе им е дури и непријатно да спијат на левата страна, особено ако имаат срцева слабост или неодамна им бил вграден пејсмејкер“, вели кардиологот Леонард Ганц за Prevention.
Позицијата на спиење може да влијае и на одредени симптоми.
„Палпитацијата и абнормалните отчукувања на срцето може да бидат позабележителни кај некои луѓе штпо лежат или спијат на левата страна. Сепак, не е јасно дали лежењето на левата страна ги зголемува шансите за развој на аритмија и дали тоа влијае на прогресијата на болеста“, додаде д-р Ганц, цитиран од хрватски „Индекс“.
Затоа кардиологот ги советува оние што чувствуваат некакви промени во работата на срцето при лежење на левата страна да изберат поинаква положба.
Оние што страдаат од рефлукс на киселина или гастроезофагеален рефлукс, од друга страна, може да имаат корист од спиењето на левата страна, според лекарите.
Во овој момент нема доволно истражувања за да се докаже која положба на спиење е најдобра за здравјето на вашето срце ако веќе немате срцеви заболувања. Најважно е добро да се одморите.
Она што е познато е дека лежењето на грб може да го влоши пулмоналниот едем кај луѓето со конгестивна срцева слабост. Некои луѓе со срцева слабост велат дека им е потешко да дишат кога лежат или спијат на левата страна.
Здравје
Просечното шише вода содржи 240.000 парчиња нанопластика, која предизвикува рак – 100 пати повеќе отколку што претходно се мислеше
Пластичните шишиња со вода содржат стотици илјади токсични микроскопски пластични честички, открија нови истражувања.
Британски „Дејли мејл“ објави дека наодите, најверојатно, ќе го шокираат секој што преминал од чешма на пакувана вода верувајќи дека е подобро за здравјето.
Пиењето вода од шише може да значи дека го загадувате вашето тело со мали парчиња пластика за кои научниците стравуваат дека може да се акумулираат во вашите витални органи и да предизвикаат непознати здравствени импликации.
Нанопластиката веќе е поврзани со рак, проблеми со плодноста и со вродени дефекти.
Научниците што користат најнапредни техники за ласерско скенирање просечно пронајдоа 240.000 пластични честички во шише вода од еден литар во споредба со 5,5 на еден литар вода од чешма.
Истражувачите на Универзитетот во Колумбија тестираа три популарни бренда на шише вода продадени во САД – и користејќи ласери, ги анализираа пластични честички што ги содржеа на само 100 нанометри во големина.
Честичките – нанопластика – се многу помали од микропластиците претходно откриени во пакувана вода.
Сепак, честичките се сметаат за потенцијално токсични бидејќи се толку мали што може да влезат директно во крвните клетки и мозокот.
Овие микроскопски честички носат фталати – хемикалии што ја прават пластиката поиздржлива, флексибилна и подолготрајна.
Здравје
Нутриционист: Три докажани начини да го забавите процесот на стареење, првите ефекти за две недели
Британската нутриционистка Габриела Пикок изјави дека со правилна исхрана им помогнала на многу луѓе од високото општество да ги забават знаците на стареење за само две недели.
„Науката е јасна дека сите ние имаме моќ да направиме едноставни промени што го менуваат животот на подобро, без оглед на генетската предиспозиција“, вели Пикок, која работела со членови на британското кралско семејство, како што се принцезата Јуџин и принцот Хари.
Авторката, чија книга „2 недели за помлад ти: тајни за подолго живеење и фантастично чувство“, беше објавена на почетокот на оваа година, рече дека е сосема природно што многу луѓе прибегнуваат кон нездрави навики во исхраната.
„Но, сите ние имаме потенцијал да го промениме ова“, изјави таа за „Сан“.
Без оглед на нашата возраст и здравје, Пикок тврди дека никогаш не е доцна да ја промените брзината на стареење и да ги прифатите енергијата и силата на вашето помладо јас.
Според нејзиното мислење, доволно е да се применат овие три работи и доволно е да се забави процесот на стареење, а првите ефекти ќе се видат по две недели.
Избегнувајте шеќер
Иако можеби е тешко да се замисли ако сте љубител на шеќер, таа советува дека намалувањето на шеќерот не само што е добро за целокупното здравје туку може и да го забави стареењето.
Како што дополнително објаснува, шеќерот води до хронично воспаление во телото, кое е еден од најлошите непријатели во процесот на стареењето.
Јадењето шеќер може да доведе до зголемување на телесната тежина, но, како што истакнува Пикок, вашата енергија и нивото на хормоните ќе влијаат на тоа како изгледате и се чувствувате.
Внесувајте разни хранливи материи
„Се разбира, урамнотежената исхрана помага во целокупното здравје, но некои хранливи материи имаат супермоќ против стареењето“, рече таа.
Заедно со антиоксидансите, омега-3 масните киселини, всушност, може да ги намалат брчките со хидратација на кожата и промовирање на еластичноста. Јадењето мрсна риба како лосос е одличен трик.
За уште поголема еластичност на кожата, Пикок вели дека колагенот, кој може да се најде во немасните протеини и супата од коски, е исто така неопходен.
Топло-ладно туширање
Екстремните температури може да бидат исклучително добра техника против стареењето.
Пикок вели дека има многу такви начини, вклучувајќи пешачење или вежбање на отворено во зима или ладната вода на крајот од туширањето.
„За да си ги олесните работите, зошто да не пробате неколку секунди ладна вода на крајот од туширањето?“, препорача таа.
„Се обидувам да се истуширам со ладна вода една-две минути пред да се префрлам на топла“, изјави таа за „Њујорк пост’.