Здравје
Заштита при сончање со медицинска козметика
Познато е дека сончевата светлина го подобрува расположението и е од витална важност за функцијата на човековото тело. Сепак, оштетувањата од дејството на сончевите зраци може да бидат многу сериозни, имено прекумерното изложување на Сонце може да доведе до сериозно оштетување на кожата, вклучувајќи и појава на рак на кожа.
Последиците од штетните сончеви зраци кои се јавуваат за време или по сончањето ги натера современите медицински компании да развијат нови формули кои повеќе ќе ја заштита кожата од обичните козметички средства за заштита од сонце.
Кожата никогаш не ги „заборава“ изгорениците од Сонцето. УВ-зрачењето може да предизвика оштетување на ДНК, што резултира со предвремено стареење на кожата, загуба на еластичност и колагенот, појава на брчки, алергии, старосни дамки и груба кожа. Оттаму, експертите препорачуваат дека соодветната заштита од сончевата светлина е многу важна. Сепак, и најдобрата заштита, може да пропушти дел од УВ зраците кои можат да предизвикаат оштетување на клетките до подлабоките епидермални слоеви на кожата.
Медицинската козметика за заштита од штетните сончеви зраци нуди многу повеќе од вообичаен крем за сончање, односно нуди УВ заштита и дополнително ДНК заштита. Овозможува и сеопфатна заштита на кожата од оштетувања предизвикани од Сонцето во горните и во подлабоките слоеви на кожата.
Нуди, исто така, високоефикасен фотостабилен УВА/УВБ филтер систем кој ефикасно штити од изгореници, потоа ДНК заштита со глицирхетинска киселина кој ја поттикнува природната ДНК заштита на кожата и механизмите за обновување, и овозможува заштита на клетките со „Ликохалкон А“, кој е ефикасен антиоксиданс за заштита на клетките на кожата од оштетувањата при сончање предизвикани од слободни радикали.
Експертите препорачуваат да се посвети внимание особено при изборот на посебна крема за заштита на лице. Имено, кожата на лицето е различна по сензитивност од кожата на другите делови од телоот, и затоа се наметна како потреба да се направат посебни креми за заштита на лицето од сончевите зраци.
Дерматолозите препорачуваат и при секојдневно излегување од дома, претходно задолжително да се нанесува крема со заштитен фактор на лицето, којашто, освен што содржи УВА/УВБ заштита, дополнително ја зајакнува и природната заштита на клетките на кожата и механизмите за обновување на ДНК. Кремата за лице треба да биде со заштитен фактор 50+, треба да се одбере според типот на кожата -комбинирана, сува или масна. Не треба да содржи парфем. Препрака од медицинските лица до оние кои ставаат пудра, во време на летниот период, е да паузираат и да ставаат нијансирана крема со заштитен фактор, посебно за оние со проблематична кожа со акни.
Доколку за време на сончањето се јавува алергија, денес веќе тоа е решено со крем-гел од 25 и 50 заштитен фактор и крема за заштита од алергии од Сонце за по сончање.
Притоа, д-р Анета Кокалеска Петрушевска, специјалист дерматолог од „Ординација Д-р Анчевски“ дава неколку препораки за соодветна заштита од сонце, како да се нанесува доволно крем за сончање пред да се изложите на сонце; почесто да се нанесува крем за сончање, особено по потење, пливање или бришење со пешкир.
Притоа, истакнува дека изложувањето на сончевите зраци треба да се избегнува во периодот меѓу 11 и 16 часот; луѓето добро да се заштат со капа, светла и лесна облека, очила за сонцеа, по ласерски третмани или пилин, да користат висок заштитен фактор.
„Секогаш пред да заминете на летен одмор, неизоставно посоветувајте се со вашиот дерматолог, која медицинска козметика за заштита од штетните сончеви зраци е најадекватна за кожата на Вашето лице и тело“, советува д-р Кокалеска Пртрушевска./крај/мф/би
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Здравје
Лошиот сон може да го зголеми ризикот од срцеви заболувања
Знаеме дека добриот сон е неопходен за добро здравје, особено за здравјето на срцето. Истражувањата покажаа дека лошиот сон може да го зголеми ризикот од срцеви заболувања. Но, дали знаевте дека положбата во која спиеме исто така игра улога за здравјето на срцето?
„Спиењето на левата страна може да предизвика суптилни промени во положбата на срцето. На некои луѓе им е дури и непријатно да спијат на левата страна, особено ако имаат срцева слабост или неодамна им бил вграден пејсмејкер“, вели кардиологот Леонард Ганц за Prevention.
Позицијата на спиење може да влијае и на одредени симптоми.
„Палпитацијата и абнормалните отчукувања на срцето може да бидат позабележителни кај некои луѓе штпо лежат или спијат на левата страна. Сепак, не е јасно дали лежењето на левата страна ги зголемува шансите за развој на аритмија и дали тоа влијае на прогресијата на болеста“, додаде д-р Ганц, цитиран од хрватски „Индекс“.
Затоа кардиологот ги советува оние што чувствуваат некакви промени во работата на срцето при лежење на левата страна да изберат поинаква положба.
Оние што страдаат од рефлукс на киселина или гастроезофагеален рефлукс, од друга страна, може да имаат корист од спиењето на левата страна, според лекарите.
Во овој момент нема доволно истражувања за да се докаже која положба на спиење е најдобра за здравјето на вашето срце ако веќе немате срцеви заболувања. Најважно е добро да се одморите.
Она што е познато е дека лежењето на грб може да го влоши пулмоналниот едем кај луѓето со конгестивна срцева слабост. Некои луѓе со срцева слабост велат дека им е потешко да дишат кога лежат или спијат на левата страна.
Здравје
Просечното шише вода содржи 240.000 парчиња нанопластика, која предизвикува рак – 100 пати повеќе отколку што претходно се мислеше
Пластичните шишиња со вода содржат стотици илјади токсични микроскопски пластични честички, открија нови истражувања.
Британски „Дејли мејл“ објави дека наодите, најверојатно, ќе го шокираат секој што преминал од чешма на пакувана вода верувајќи дека е подобро за здравјето.
Пиењето вода од шише може да значи дека го загадувате вашето тело со мали парчиња пластика за кои научниците стравуваат дека може да се акумулираат во вашите витални органи и да предизвикаат непознати здравствени импликации.
Нанопластиката веќе е поврзани со рак, проблеми со плодноста и со вродени дефекти.
Научниците што користат најнапредни техники за ласерско скенирање просечно пронајдоа 240.000 пластични честички во шише вода од еден литар во споредба со 5,5 на еден литар вода од чешма.
Истражувачите на Универзитетот во Колумбија тестираа три популарни бренда на шише вода продадени во САД – и користејќи ласери, ги анализираа пластични честички што ги содржеа на само 100 нанометри во големина.
Честичките – нанопластика – се многу помали од микропластиците претходно откриени во пакувана вода.
Сепак, честичките се сметаат за потенцијално токсични бидејќи се толку мали што може да влезат директно во крвните клетки и мозокот.
Овие микроскопски честички носат фталати – хемикалии што ја прават пластиката поиздржлива, флексибилна и подолготрајна.
Здравје
Нутриционист: Три докажани начини да го забавите процесот на стареење, првите ефекти за две недели
Британската нутриционистка Габриела Пикок изјави дека со правилна исхрана им помогнала на многу луѓе од високото општество да ги забават знаците на стареење за само две недели.
„Науката е јасна дека сите ние имаме моќ да направиме едноставни промени што го менуваат животот на подобро, без оглед на генетската предиспозиција“, вели Пикок, која работела со членови на британското кралско семејство, како што се принцезата Јуџин и принцот Хари.
Авторката, чија книга „2 недели за помлад ти: тајни за подолго живеење и фантастично чувство“, беше објавена на почетокот на оваа година, рече дека е сосема природно што многу луѓе прибегнуваат кон нездрави навики во исхраната.
„Но, сите ние имаме потенцијал да го промениме ова“, изјави таа за „Сан“.
Без оглед на нашата возраст и здравје, Пикок тврди дека никогаш не е доцна да ја промените брзината на стареење и да ги прифатите енергијата и силата на вашето помладо јас.
Според нејзиното мислење, доволно е да се применат овие три работи и доволно е да се забави процесот на стареење, а првите ефекти ќе се видат по две недели.
Избегнувајте шеќер
Иако можеби е тешко да се замисли ако сте љубител на шеќер, таа советува дека намалувањето на шеќерот не само што е добро за целокупното здравје туку може и да го забави стареењето.
Како што дополнително објаснува, шеќерот води до хронично воспаление во телото, кое е еден од најлошите непријатели во процесот на стареењето.
Јадењето шеќер може да доведе до зголемување на телесната тежина, но, како што истакнува Пикок, вашата енергија и нивото на хормоните ќе влијаат на тоа како изгледате и се чувствувате.
Внесувајте разни хранливи материи
„Се разбира, урамнотежената исхрана помага во целокупното здравје, но некои хранливи материи имаат супермоќ против стареењето“, рече таа.
Заедно со антиоксидансите, омега-3 масните киселини, всушност, може да ги намалат брчките со хидратација на кожата и промовирање на еластичноста. Јадењето мрсна риба како лосос е одличен трик.
За уште поголема еластичност на кожата, Пикок вели дека колагенот, кој може да се најде во немасните протеини и супата од коски, е исто така неопходен.
Топло-ладно туширање
Екстремните температури може да бидат исклучително добра техника против стареењето.
Пикок вели дека има многу такви начини, вклучувајќи пешачење или вежбање на отворено во зима или ладната вода на крајот од туширањето.
„За да си ги олесните работите, зошто да не пробате неколку секунди ладна вода на крајот од туширањето?“, препорача таа.
„Се обидувам да се истуширам со ладна вода една-две минути пред да се префрлам на топла“, изјави таа за „Њујорк пост’.