Забава
Зошто дијамантите се толку скапи?
Маркетингот, пресметаноста на продавачите и Мерлин Монро се `виновни` што дијамантите се толку скапи.
„Кога не би ги имало жените, дијамантите би биле обични камчиња“, рече еднаш познатиот француски писател Виктор Иго. Дали дијамантите се навистина толку вредни или општеството тоа ни го наметнало е дилема што ја разоткрива стручњакот за ова подрачје Едвард Џеј Епстејн, кој во интервју за Power Line вели дека дијамантите на почетокот на 19 век се сметани за многу ретки, се додека во Јужна Африка не е откриен голем кратер во градот Кимберки, кој содржи вистинска ризница со дијаманти.Тоа ја дигнало на нозе компанијата De Beers, која со својата работа успеала да ги постави дијамантите како нешто што е многу битно, а е врзано за веридби, па Американците уште тогаш имале изградено култура за чинот на веридба кој се одивал со прстен украсен со дијамант.Од компанијата De Beers по откривањето на големиот ридник за дијаманти се исплашиле дека цената на дијамантите може драстично да се намали, па со картелот фирми се договориле секоја година, според статистичките податоци да изработуваат и на пазарот да пуштаат одреден број дијаманти, врз база на бројот веридби во САД. Бидејќи компанијата De Beers контролирала 90 отсто од сировото производство на дијаманти, тоа не било тешко и да се направи, па секоја година на пазарот пласирале одреден број прстени со дијаманти, и поради недостапноста на овие камења за купувачите, цената останала висока.Маркетингот, исто така, помогнал за одржување на високата цена, поради рекламите со кои дијамантот е прикажан како симбол за запросување во САД, но и пошироко. Имено, со лансирањето на дијамантите во филмовите и во музиката нивната пазарна вредност неколкупати се зголемила затоа што се повеќе жени сакале да имаат дијамант.Меѓу оние кои ги популаризираа дијамантите секако е и Мерлин Монро, со својата култна изведба на песната „Diamonds are a girl’s best friend”.Продавачите на дијаманти знаат дека дијамантите кои ги продаваат не се толку вредни, но поради нивната симболичка вредност ги наплаќаат скапо. Ова може лесно да го проверите ако купите дијамант и по извесно време сакате да им го продадете назад, ќе видите дека за него нема да ви понудат повеќе од 20 до 40 отсто од цената која вие сте ја платиле.Business Insider пишува за проблемот со `крвавите дијаманти` што е израз кој се користи за дијамантите кои доаѓаат од африканските подрачја и се продаваат на фирми за трговија со дијаманти за да се финансираат граѓански војни./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Хороскопски знак кој има најмногу среќа во животот
Астролозите тврдат дека еден знак од Зодијакот има повеќе среќа во текот на животот од сите други. Благодарение на својата природа, но и на среќниот пат на судбината, тие често успеваат да се најдат на вистинското место во вистинско време, а голема е веројатноста дека околностите во животот ќе бидат такви што сè ќе им се случи на најповолен можен начин.
Овој среќен знак се Близнаците. Нивниот хороскоп е поволен и често во текот на животот ќе забележат дека работите одеднаш тргнале на подобро и дека одеднаш биле опкружени со изненадувачки добри околности.
Кај Близнаците коегзистираат две личности и двете се водат од логиката, но секоја од нив има своја посебна логика, а како што наведуваат астролозите, токму тој „поларитет во ставовите и погледите на светот“ резултира со неверојатна среќа.
Исто така, среќата ги следи Близнаците поради нивниот оптимизам. Ниту еден друг знак не покажува таква самодоверба.
Понекогаш Близнаците се окарактеризирани и како „дволични“, бидејќи знаат совршено да балансираат меѓу двата огна, притоа секогаш следејќи ги сопствените интереси. Како и да е, слободно може да се каже дека Близнаците се тие кои ќе победат во секоја борба.
Припадниците на овој знак речиси секогаш имаат среќа во изборот на брачен партнер, делумно поради фактот што нивната вистинска љубов е искрена и трае вечно. Дури и кога се чини дека нивниот брак виси на конец, Близнаците успеваат да ги надминат проблемите, а врската се продлабочува.
Забава
Синхронизираната авантура за деца „Смрдушковци“ од денеска во повеќе од 10 кина низ републиката
Германскиот детски филм синхронизиран на маедонски и албански јазик „Смрдушковци“, во режија на Јенс Мулер и Тоби Генкел, од денеска почнува да се прикажува во повеќе од 10 кина низ земјава. Во Скопје се прикажува во Кинотека, кината „Синеплекс“, „Милениум“ и „Киноверзум“, во Битола во Центарот за култура и киното „Манаки, во НУЦК „Ацо Ѓорчев“ – Неготино, Центар за култура „Браќа Миладиновци“ Струга, Дом на култура „Крсте Петков Мисирков“ Свети Николе, кината „Киноверзум“ во Велес и Штип и НУЦК „Бели Мугри“ Кочани, НУЦК „Кочо Рацин“ Кичево.
Филмот се фокусира на проблемите на семејството Смрдушковци, мали зелени суштества кои живеат на депонија и јадат ѓубре, и има пораки погодни за децата за рециклирање, емпатија и инклузија.
Во потрага по својот нов дом, Смрдушковци се наделуваат во Смрдвил, едно прекрасно и весело селце. На жалост, во Смрдвил има еден гаден проблем: локалната депонија ја згадува целата околина. Нешто мора да се превземе! Макс, синот на градоначалникот, е млад талент кој тајно мечтае да го реши смрдливиот проблем со една луда машина, која ја изработува заедно со професорот Пенливски и неговата внука Лота. Кога Макс се сретнува со Смрдушковци на депонијата, веднаш станува јасно дека тие се решението за проблемот, затоа што јадат ѓубре! А за Смрдушковци, депонијата значи дека конечно нашле вистински дом. Сè би било во ред ако не беа плановите на сопругата на градоначалникот и бескрупулозниот градежен изведувач Чекановски кои сакаат на депонијата да градат велнес центар! Смрдушковци сега треба да го спасат својот нов дом заедно со пријателите Макс и Лота.
Филмот беше прикажан на најголемите фестивали за детски и фамилијарни филмови како Џифони Италија, Интернационалниот фестивал за деца и млади во Бусан, Интернационалниот филмски фестивал во Сан Себастијан, Германскиот медиа фестивал за деца „Голденер Шпац“ и други.
Дистрибутер на филмот е „Катавеј“ од Скопје, а дистрибуцијата е помогната од German Films, како и од МЕДИА Креативна Европа преку меѓународниот проект KidSquare (Детско катче). Од крајот на месецов филмот ќе биде достапен онлајн на платформата cinesquare.net.
Забава
(Видео) „Его“ – нова песна, но и спот на Тамара Тодевска и Young Dadi
„Его“ е новиот музички проект на Тамара Тодевска и младиот артист Young Dadi. Музиката и аранжманот се на Роберт Билбилов, текстот е напишан од Дади, а спотот е во продукција на TAKAT STUDIOS.
Станува збор за динамична поп-мелодија, која е надополнета со интересен спот, во кој доминираат двајцата аристи. Спотот е во режија на Генц Халими.
„Среќна сум што навистина по повеќе години објавувам песна, која е дует – соработка со друг артист. Дади е дел од помладата музичка сцена. Го следам подолго време, ми се допаѓа неговата работа и секогаш сакам да дадам поддршка на наши домашни млади артисти. Снимањето на спотот го завршивме за еден ден. Снимавме цел ден и навистина уживав во креирањето на целиот проект“, вели Тамара за создавањето на „Его“.
Текстописец на „Его“ е самиот Дади, кој истакна дека секогаш пишува за моменти во кои учествувал. Преку зборовите сака да пренесе свои лични искуства и тоа е причина повеќе за да верува во песната.
„Ова е прва моја соработка со музичар како Тамара Тодевска, која е една од нашите најдобри и најпродуктивни пејачки – активна десетици години на македонската и регионалната музичка сцена. Можам да кажам дека е навистина убаво и поинакво искуство за мене. Како во процесот на снимање на песната во студио така и во продукцијата на самиот спот. Верувам дека песната ќе биде хит и ќе го одбележи овој период пред летото“, изјави Дади.
Песната ќе биде достапна и на сите музички платформи.