Забава
Адвокатот на Меган Маркл: Бакингемската палата ја користи приказната на „Тајмс“ за ширење лажен наратив пред интервјуто за Опра
Во минатото кралското семејство беше познато по тоа што одржуваше внимателна дистанца од популарниот печат, ретко се занимаваше со шпекулации и новинарски статии. Оваа недела, сепак, во изненадувачки потег, Бакингемската палата веднаш и директно реагира на обвинувањата протов војвотката од Сасекс изнесени во „Тајмс“.
Палатата почна истрага за наводите на весникот дека војвотката од Сасекс малтретирала членови на персоналот пред таа и принцот Хари да ги напуштат кралските должности. Тим за човечки ресурси детаљно ги истражува наводите и ќе стапи во контакт со лица што во тоа време работеле во палатата.
Војвотката од Сасекс живееше во палатата Кенсингтон речиси една година по венчавката со принцот Хари во 2018 година и според приказната во британски „Тајмс“, формалната жалба била поднесена преку електронска пошта во октомври 2018 година од Џејсон Кнауф, нивен тогашен секретар за односи со јавноста.
Портпаролот на Меган Маркл во својата најнова изјава наведува: „Војвотката многу ја натажи овој последен напад врз нејзиниот лик, особено како некој што бил цел на малтретирање и е длабоко посветен на поддршка на оние што доживеале болка и траума. Таа е решена да продолжи со својата работа градејќи сочувство во целиот свет и ќе продолжи да се стреми да дава пример правејќи го она што е исправно и што е добро“.
Адвокатите на Хари и Меган изјавија за „Тајмс“ дека целата сторија се користи од страна на Бакингемската палата за ширење целосно лажен наратив пред интервјуто за Опра.
Според портпаролот, сето ова е калкулирана клеветничка кампања, која се темели на штетни дезинформации. „Разочарани сме што гледаме дека на овој клеветнички приказ на војвотката од Сасекс му е даден кредибилитет од страна на еден медиум“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Хит панталони за пролетва: ги издолжуваат нозете
Широките панталони се идеални за пролетен изглед бидејќи одлично одат со романтични блузи, топови и широки сакоа. А доколку изберете ваков тип на бели панталони, даваат ефект на долги нозе и вита линија.
Широките панталони може да се носат во разни ситуации, од лежерни излегувања до елегантни настани, а тајната на добриот изглед е во нивното комбинирање со соодветни модни парчиња и додатоци. Но, пред сè, треба да ги пронајдете вистинските, модел што ѝ одговара и на вашата фигура.
Моделот со средно висока половина ја истакнува силуетата, а самиот крој создава ефект на долги нозе. Покрај тоа, овој модел на панталони во бела боја е идеален за комбинирање со клучните пролетни трендови.
Совршено се вклопуваат со сандали на потпетици.
Забава
Никол Кидман ги изненади фановите со промена на имиџот
Оскаровката Никол Кидман се пофали со својата промена на имиџот на својот инстаграм-профил.
56-годишната актерка ја покажа својата нова боб-фризура заменувајќи ги препознатливите долги кадрици.
Обожавателите во коментарите го пофалија нејзиниот нов изглед, а многумина напишаа дека актерката изгледа помладо.
„Безвременски“, „Ја сакам твојата коса“, „Време беше“, „Изгледаш фантастично“, се дел од коментарите.
Сепак, имаше и такви што беа разочарани од новата фризура.
„Каде ти се локните?“, „Извини, но воопшто не личиш на себе“, „Никогаш не би помислил дека ова е Никол“, напишале тие.
Забава
Real tribute – симфониски концерт на Тина Тарнер на 1 јуни во Скопје
Ексклузивниот концерт, кој го има пропатувано речиси целиот свет, конечно, и во Македонија.
Рок симфонијата Simply the best, посветена на кралицата на рокенролот и музичката икона Тина Тарнер, ќе биде изведена на 1 јуни во арената „Борис Трајковски“ со повеќе од 40 луѓе на сцената.
Тина Тарнер беше славна по своите бурни, енергични сценски изведби и по моќниот вокал, често нарекувана кралица на рокенролот и музичар што остави неизбришлива трага во светот на музиката, забавата и културата. Неисцрпна инспирација е за многумина, а нејзината важност се чувствува и кај генерациите што доаѓаат.
Присутните ќе имаат можност да уживаат слушајќи ги највлијателните и најпознати хитови, како што се Proud Mary, What’s Love got to do with It, Simply the best, We don’t need another hero и многу други. Добро познатите балади ќе ги разнежнат сите присутни, а брзите ритми ќе ги подигнат сите на нозе, вели организаторот.
Рок-симфонијата е посветена токму на неа, а на неа ќе се изведуваат и песни од бендови, како „Ганс анд роузес“, „Дип парпл“, „Еј-си/Ди-си“, како и познати дуети, кои ја одбележаа светската кариера на Тина. На 1 јуни публиката ќе има можност на еден поинаков начин да ја почувствува енергијата на легендарната Тина.
Тина Тарнер беше една од најголемите рок-пејачки на сите времиња и така и ќе остане запаметена.
Сите оние што сакаат да доживеат ноќ исполнета со многу енергија и страст може уште веднаш да ја купат својата влезница.
Влезниците се пуштени во продажба.