Забава
Кинезите клонираа полициско куче трагач за да го намалат времето за обука
Научниците од југозападната кинеска провинција Јинан го клонираа, како што велат, „Шерлок Холмс меѓу полициските кучиња трагачи”, во рамки на програмата чија цел е да се скрати времето за обука и да се намалат трошоците за обука на полициските кучиња трагачи, објавија државните медиуми.
Песот трагач, наречен Кунксун, беше клониран во соработка меѓу компанијата Sinogene Biotechnology од Пекинг и Агрономскиот универзитет во Јинан и со поддршка на Министерството за јавна безбедност, според државниот весник „Глобал тајмс“.
Од управата на Sinogene велат дека се надеваат дека на овој начин значително ќе се намали времето за обука на кучињата трагачи. Според нивните информации, клоновите на вештите и обучени воени и полициски кучиња се обучуваат многу полесно отколку обичните кучиња.
„Глобал тајмс“ пишува дека Кунксун ќе стане полноправно полициско куче кога ќе наврши 10 месеци.
Обуката обично трае околу пет години и чини 500.000 јуани, или околу 75.000 американски долари, и не постои гаранција дека таа ќе биде успешна, велат експертите за обука на животни од Универзитетот за агрономија во Јунан.
Првото куче беше клонирано во 2005 година од страна на јужнокорејски научници, а две години подоцна оваа земја почна да ги ангажира клонираните ретривери на кои задача им е да ја надушкаат дрогата на царинските премини.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Бијонсе ја покажа природната коса: Погрешно е мислењето дека луѓето кои носат перики немаат долга и здрава коса
Најголемата музичка ѕвезда на денешницата, Бијонсе, за прв пат во кариерата ја покажа целосно природната коса, се со цел да ја промовира својата нова линија на производи за коса која ја нарече „Cécred“.
Бијонсе често носи перики и навистина ретко ја покажува својата природна коса, но во видеото кое го објави на Инстаграм го покажа целиот процес од фризерскиот салон.
„Погрешно е мислењето дека луѓето кои носат перики немаат долга и здрава коса“, изјави поп дивата и објасни дека косата ја суши на средна температура и се труди што повеќе да ја спаси од топол воздух. Таа користи четка од стар стил за да ја исправи косата, ја фарба и не користи третмани како минивал и слично.
„Ја чувам мојата природна коса русокоса веќе 25 години и тоа одигра голема улога во идејата за лансирање на овие производи“, објасни Бијонсе.
Нејзиното видео за 24 часа е прегледано два милиони пати.
Забава
Џенифер Лопез за првпат во сосема „обично“ издание
Џенифер Лопез (54) носи беспрекорни фустани на јавната сцена и ја нарекуваат кралица на стилот, а често ги раздвижува модните трендови, па дури и знае совршено да носи необични комбинации.
Нејзиниот фантастичен изглед во шестата деценија се должи на нејзината посветеност на спортот и здравиот начин на живот. Познато е дека латино дивата секој ден оди во теретана и дека цел живот напорно тренира, како и дека папараците будно ја следат, па често ја фаќаат во тренерки и патики кога оди на тренинг.
Меѓутоа, додека ја напуштала луксузната зграда во Њујорк, таа изгледала речиси непрепознатливо, без шминка и со мокра коса. Се качила во луксузен автомобил, а се претпоставува дека одела на адресата каде што ја чекале нејзиниот долгогодишен тим експерти – шминкери, фризери и стилисти , за да може да блесне во изданието на кое сме навикнати од оваа голема ѕвезда.
Забава
Ќерката на познатата актерка блесна во фустанот што го носеше нејзината мајка пред 25 години
Наследничката на славната двојка го прослави својот роденден во она во што порано блескаше нејзината мајка Кетрин Зета Џонс.
Ќерката на познатата актерска двојка Кетрин Зета Џонс и Мајкл Даглас пред неколку дена го прослави својот 21 роденден, а за таа прилика облече прекрасен фустан кој нејзината мајка го носеше дури пред 25 години.
Дека јаболкото не паѓа далеку од дрвото и дека некои парчиња облека се вечни, без разлика на модните трендови, покажала младата и убава Керис Зита Даглас, која не била ни родена кога нејзината мајка ја носела оваа креација од свила и тантела.