Свет
Лавров ја оцени средбата со Помпео како конструктивна
Рускиот министер за надворешни работи, Сергеј Лавров, и американскиот државен секретар, Мајк Помпео, разговараа во Финска, по што Лавров повторно предупреди дека американската воена интервенција во Венецуела би била катастрофална и неоправдана, пренесе „Ројтерс“.
Лавров пред новинарите оцени дека состанокот бил конструктивен и направен е напредок во преговорите за стратешката нуклеарна стабилност.
„Се обидевме да не се фокусираме на објавите во јавноста кои немаат многу врска со реалните политики“, изјави Лавров, пренесе ТАСС.
Тој изрази надеж дека претседателите на Русија и САД, Владимир Путин и Доналд Трамп, повторно ќе се состанат.
„Претседателите се согласија да се состанат кога ќе се укаже можност. Сигурен сум дека ќе има такви можности. Кремљ ќе ве извести за тоа“, изјави Лавров.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.
Свет
Расте бројот на загинати во израелскиот напад на Бејрут, меѓу загинатите има деца
Бројот на загинати од израелскиот напад врз јужните предградија на Бејрут, жариште на проиранското движење Хезболах, се искачи на 31, соопштија денеска властите.
„Меѓу загинатите има три деца и седум жени“, изјави либанскиот министер за здравство Фирас Абијад на прес-конференција, додавајќи дека најмалку 68 лица се повредени во петочниот штрајк.
Претходно, Министерството објави дека загинале најмалку 12 лица.
Во меѓувреме, бројот на жртви од координираните експлозии со електронски уреди во Либан на почетокот на оваа недела се зголеми од 37 на 39, соопшти Министерството за здравство.