Регион
Средба Бушати-Столтенберг во Вашингтон, разговарано и за Македонија
![](https://makfax.com.mk/wp-content/uploads/2017/03/jens1.jpg)
Шефот на албанската дипломатија Дитмир Бушати во Вашингтон, имал средба со генералниот секретар на НАТО Јенс Столтенберг, јавија албанските медиуми.
Медиумите кои се повикуваат на извори на албанското МНР, нагласуваат дека на средбата е разговарано за најновите состојби на Балканот, а особено за состојбите во Албанија, Македонија и Косово.
Истите извори наведуваат дека Столтенберг ја изнесол оценката дека „Албанија има големо значење за мирот и стабилноста во регионот. Таа е успешна во соработката и заедничките мисии со НАТО, но исто така и во однос на придонесот во борбата против тероризмот“.
Но притоа, не се изнесени други детали околу ставовите на НАТО и Албанија околу состојбата во Македонија и регионот.
Столтенберг и Бушати се согласиле дека треба да продолжи соработката на земјите од Западниот Балкан и понатамошна демократизација. Притоа е изнесена оценката дека треба да продолжи аспирацијата на земјите од овој регион кон интеграциите на НАТО – ЕУ. /крај/мн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Регион
Маж од Албнија вооружен со мачета се заканувал на полицајци во западна Германија, извикувал „Алах акбар“
![](https://makfax.com.mk/wp-content/uploads/2018/08/policija-germanija.jpg)
Маж од Албанија вооружен со мачета бил совладан и уапсен откако рано утринава се заканил дека ќе убие полицајци во полициска станица во западна Германија, соопшти обвинителството.
Инспекторите рекоа дека веруваат дека тој имал исламистички, екстремистички мотив, пренесе АП.
Албанскиот државјанин (29) околу 02.40 часот пристигнал во полициската станица во гратчето Линц на Рајна, меѓу Кобленц и Бон.
Обвинителите рекоа дека тој извикувал „Алаху акбар“ – „Господ е голем“ на арапски – и рекол дека сакал да ги убие полицајците.
Дежурните полицајци ја заклучиле вратата од полициската станица и влезот во внатрешниот двор.
Осомничениот се обидел, но не успеал да ги натера да го отворат влезот, се вели во соопштението на обвинителот.
На местото на настанот биле повикани специјалци кои го совладале со пиштол за шокирање.
Инцидентотследи по нападот со нож на 23 август во западниот град Солинген, во кој осомничен екстремист од Сирија беше обвинет за убиство на три лица.
Регион
Сопругата на Бора Чорба се прости од рокерот со трогателни зборови: „Твоето срце ќе чука со нас засекогаш“
![](https://makfax.com.mk/wp-content/uploads/2024/09/Screenshot-2024-09-06-134325.jpg)
Легендата на рокот, Бора Ѓорѓевиќ, почина на 72 години, на 4 септември, а последен поздрав преку некролог во весник денеска му испратија сопругата Дубравка и другите членови на семејството.
Во Чачак, денеска, 6 септември, беше прогласен ден на жалост, а во Центарот за култура беше отворена книга на жалоста.
„Погребот ќе се изврши в сабота, 7.9.2024 година, во 14.30 часот, на градските гробишта во Чачак. Црковниот обред е во 14 часот. Сочувство ќе се прима од 13 часот. Драг наш, твоето срце ќе чука засекогаш со нас. Твоите песни засекогаш ќе бидат дел од нас… Ни подари грст спомени преку кои ќе те паметиме“, пишува во последниот поздрав на сопругата на Бора и семејството.