Македонија
Средба Заев-Радев: Постојат отворени можности за напредок на Македонија и регионот

Премиерот Зоран Заев попладнево оствари средба со претседателот на Република Бугарија, Румен Радев.
Како што соопшти Владата, бугарскиот претседател во новата реформска Влада на Македонија гледа можности за продлабочување на соработката помеѓу Македонија и Бугарија, а изрази и поддршка на евро-интеграциските аспирации на Македонија.
„Владата на Македонија е цврсто определена низ потребните реформски процеси и развивањето на добрососедските односи да го осигура патот на Република Македонија кон стратешките цели, ЕУ и НАТО. Република Македонија и Република Бугарија споделуваат иста визија за регионот, интеграција во европските и евро-атлантските структури и среќен сум што постои свесност и одговорност од двете страни за постигнување напредок“ – рече Заев.
Претседателот на Бугарија, Радевна средбата констатирал дека развојот и напредокот на Македонија е важен за балканскиот регион и за Европската унија, бидејки ги покажува позитивните ефекти од процесот на евроинтеграциите.
Исто така, Радев, по примерот на Борисов, ја потврдил поддршката од Бугарија за членство на Република Македонија во ЕУ и НАТО.
Како што соопшти Владата, Заев на средбата рекол дека Република Македонија има интерес за отворање нови гранични премини, со што ќе се олеснат комуникациите меѓу луѓето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.