Свет
(Видео) ИСИС објави снимка од напад во Нигер: Американски командоси се бореа до самиот крај

Дванаесет членови на специјалните сили на САД, заедно со 30 нигерски војници, западнале во терористичка заседа во оваа африканска земја на 4 ноември минатата година. Притоа, милитантите од Исламска држава успеале да убијат четворица Американци, а сега, исто така, објавија и снимка од борбата од една или повеќе камери поставени на шлемовите на американските војници.
На снимката во прво лице, изворно долга 9 минути и 15 секунди е прикажана очајната борба на американските Зелени беретки што влегоа во жесток судир со бројниот непријател, кој ги дочека во заседа за време на извидничка патрола во близина на селото Тонго Тонго, непосредно до границата меѓу Нигер и Мали. Американците биле испратени на таа локација да ги испитаат наводите за скривалиште на локалниот командант на Исламска држава.
Војникот кој носеше камера на шлемот, Ла Дејвид Џонсон, наскоро и самиот беше погоден и падна на земја. Се обиде да стане, но наскоро повторно падна и остана да лежи додека околу него се прошири локва крв. Подоцна беше откриено дека тој бил погоден дури 18 пати. Камерата наскоро престана да се движи, а непријателските борци накратко се појавија во кадарот.
Телата на тројца американски командоси, Брајан Блек, Џермаја Џонсон и Дастин Врајт, биле пронајдени истиот ден откако американските трупи конечно испратиле засилување на локацијата, со помош од француските сили, кои овозможиле воздушна поддршка. Телото на четвртиот војник, Џонсон, било пронајдено два дена подоцна на друга локација, што предизвика сомнежи дека терористите го фатиле додека бил жив и го егзекутирале.
Трагичната смрт на четворицата командоси наиде на многу критики во САД, како поради нивната несоодветна опрема и бројност за толку опасна мисија, но исто така и поради испраќањето американски војници во оваа африканска земја. Во Нигер во моментов има околу 800 американски војници на мисија за обука на локална армија во борба против тероризмот. Американскиот претседател Доналд Трамп исто така дополнително предизвика паника во јавноста откако на вдовицата на Џонсон, според нејзините зборови, ѝ рекол дека војникот знаел „за што точно се пријавил и на што се согласил“.
„Не можам да поверувам дека на ваква мисија ги испратиле така опремени“, коментираше во врска со настанот демократскиот конгресмен Марк Ваесеј, член на комитетот за вооружените сили.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Откриено е што САД ѝ нудат на Русија: „Сакаа да објават ударна вест веднаш по Алјаска“

Американски и руски владини претставници разговараа за неколку енергетски договори на маргините на мировните преговори за Украина што се одржаа во август, изјавија за Ројтерс пет извори запознаени со разговорите.
Предложените договори имаат за цел да го охрабрат Кремљ да се согласи на мир, додека Вашингтон за возврат би ги ублажил санкциите воведени врз Русија по нејзината инвазија на Украина во февруари 2022 година, кои ја исклучија земјата од повеќето меѓународни инвестиции во енергетскиот сектор.
Што точно им понуди Америка на Русите?
Според три извори, официјални лица разговарале за можноста „Ексон Мобил“ да се врати во рускиот проект за нафта и гас „Сахалин-1“. Покрај тоа, четири извори рекоа дека се дискутирало и за можноста Русија да купи американска опрема за своите ЛНГ проекти, како што „Арктик ЛНГ 2“, кој е под западни санкции. На почетокот на август, „Ројтерс“ објави и за идејата САД да купат нуклеарни мразокршачи од Русија.
Разговорите се одржале за време на посетата на американскиот претставник Стив Виткоф на Москва, каде што се сретнал со рускиот претседател Владимир Путин и неговиот инвестициски претставник Кирил Дмитриев.
„Белата куќа сакаше да даде голема изјава веднаш по Алјаска“
Сè беше дискутирано и во Белата куќа со американскиот претседател Доналд Трамп, според два извори, а договорите беа накратко споменати на самитот во Алјаска на 15 август.
„Белата куќа сакаше да даде голема изјава по самитот во Алјаска, најавувајќи голем инвестициски договор. Тоа би му дало на Трамп чувство на исполнетост“, рече еден извор.
Службеник на Белата куќа рече дека Трамп продолжува да работи со руските и украинските претставници за да постигне мир, додавајќи дека „не е во национален интерес јавно да се преговара за овие прашања“.
Притисок и геополитичка игра
Во исто време, Трамп се закани дека ќе воведе дополнителни санкции врз Русија доколку мировните преговори не успеат, како и високи царини врз Индија, клучен купувач на руска нафта. Најновите разговори се префрлија на билатерални договори меѓу САД и Русија, заобиколувајќи ја Европската Унија, која остана цврста во својата поддршка за Украина.
Значајно е што на истиот ден со самитот во Алјаска, Путин потпиша декрет со кој би можел да им се овозможи на странските инвеститори, вклучувајќи го и „Ексон Мобил“, повторно стекнивање удел во проектот Сахалин-1.
„САД ја охрабруваат Русија да купува американска, а не кинеска технологија“
Условот е странските акционери да преземат чекори за да го поддржат укинувањето на западните санкции. Да потсетиме дека Ексон ги напушти своите руски операции во 2022 година со отпис од 4,6 милијарди долари, а Кремљ го заплени својот удел од 30% во проектот.
Еден од изворите тврди дека Вашингтон се обидува да ја охрабри Русија да купува американска, а не кинеска технологија, како дел од пошироката стратегија за ослабување на односите меѓу Пекинг и Москва, кои го прогласија своето партнерство за „стратешко без ограничувања“ само неколку дена пред почетокот на инвазијата.
фото: принтскрин
Европа
Германија и Белгија против запленувањето на средствата на руската централна банка во ЕУ

Германија и Белгија не се заинтересирани за идејата за запленување на средствата на руската централна банка кои моментално се замрзнати во рамките на Европската Унија.
Канцеларот Фридрих Мерц и белгискиот премиер Барт де Вевер се согласија по ова прашање за време на состанокот во Берлин.
„Од правна гледна точка, не е толку едноставно“, рече Де Вевер.
Мерц, исто така, предупреди на негативното влијание врз пазарите на капитал. Може да се случи тогаш и другите земји да ги повлечат своите државни средства.
Според Европската комисија, околу 210 милијарди евра средства на руската централна банка се замрзнати во ЕУ поради инвазијата на Украина.
Приходите од камата сега се користат за финансирање на оружје и муниција за Украина.
Сепак, предлозите за директно користење на парите преку налози за експропријација се контроверзни.
Де Вевер се залага за одржување на сегашниот пристап, кој користи само камата на замрзнатите средства на централната банка.
„Тоа е како гуската што ги снесува златните јајца“, објасни тој. „Треба да ја задржиме оваа гуска.“
Само кога ќе се договори мировен договор меѓу Русија и Украина „гуската може да се стави на маса“, заклучи белгискиот премиер.
фото: принтскрин
Свет
(Видео) Боинг со 250 патници принудно слета во Русија, имаше дефект на моторот

Авион на „Ер Чајна“ што леташе од лондонски Хитроу до Пекинг утрово изврши непланирано слетување во Русија по дефект на моторот. Авионот превезуваше повеќе од 250 патници и членови на екипажот, објави „Индипендент“.
🇬🇧🇨🇳🇷🇺 A Boeing airplane flying the London — Beijing route made an emergency landing in Nizhnevartovsk.
“The Air China flight from Beijing to London decided to land at a reserve airfield in Russia due to a malfunction of one of the engines” — Rosaviatsia, Russians aviation… pic.twitter.com/xjBc6a2llT
— Lord Bebo (@MyLordBebo) August 26, 2025
Боингот 777, кој полета од Лондон синоќа во 22:43 часот, беше принуден да слета на аеродромот Нижневартовск во регионот Ханти-Мансијск во Русија. Според „ФлајтАвер“, авионот слета околу 8:17 часот по локално време, околу пет и пол часа по почетокот на своето патување.
Руската агенција за цивилно воздухопловство, Росавијација, го потврди инцидентот. „За време на летот од Лондон до Пекинг, екипажот на авионот „Боинг 777-300“ на „Ер Чајна“ одлучи да слета на алтернативен аеродром во Русија“, се вели во соопштението. „Ројтерс“ објави дека прелиминарната причина е дефект на моторот.
Passengers on the London–Beijing flight that made an emergency landing in Nizhnevartovsk (Russia) have been sitting on the plane for more than three hours.
The Air China Boeing 777-39L(ER) landed in the Russian city after one of its engines failed. According to the outlet Baza,… pic.twitter.com/MM4aT4hCNX
— Russian Market (@runews) August 26, 2025
Агенцијата додаде дека „Ер Чајна“ ќе испрати резервен авион во Нижневартовск за да можат патниците да го продолжат своето патување до Пекинг подоцна во текот на денот. Летот CA856 помеѓу Обединетото Кралство и кинескиот главен град обично трае повеќе од девет часа.
Британското Министерство за надворешни работи моментално советува да не се патува во Русија поради ризиците поврзани со нејзината инвазија на Украина. Сè уште не е познато колку британски државјани биле на летот.
фото: принтскрин