Регион
Запленети 250 илјади евра од странец кој летал кон Тирана
Албанската погранична полиција на аеродромот „Ринаси“ кај Тирана блокираше непријавени 25о илјади евра на израелски државјанин кој полетал од Москва за Албанија.
Албанското МВР соопшти дека израелскиот државјанин со иницијали Е.Р (49) ѝ изјавил на пограничната албанска полиција дека парите во кеш не ги пријавил бидејќи не ги познава правилата за внесување девизи во Албанија. Албанските власти почнале истражни дејствија, а медиумите во Тирана додаваат дека засега нема официјална информација која била причината што израелскиот државјанин ги донел парите во кеш во Албанија.
Во дел од албанските медиуми се изнесени и сомнежи дека станува збор за внесување поголеми средства во девизи за руско влијание во земјата. Овие коментари се поврзуваат и со средствата во висина од еден милион долари што опозиционата Демократска партија на Албанија ги добила од поранешен агент на руската КГБ за лобирање. По обвинувањата на премиерот Еди Рама за добиените руски средства на адреса на лидерот на Демократската партија, Лулзим Баша, опозицијата ги демантираше ваквите тврдења. Сепак, албанското обвинителство најави дека ќе почне истрага за наведените милион долари кои дошле на сметка на Демократската партија на Албанија, а медиумите денеска информираат дека ФБИ веќе е вклучена во истрагата. /К.М.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Шмит: Не можам да одредам датум за прием на Западен Балкан во ЕУ
Водечкиот кандидат на Партијата на европските социјалисти за претседател на Европската комисија, Николас Шмит, вели дека не може да одреди датум за влез на Западен Балкан во ЕУ, но се надева дека ќе го забрза процесот на проширување на ЕУ.
Во интервју за Europie Newsroom, Шмит, на прашањето на „Танјуг“ дали мисли дека Западен Балкан може да влезе во ЕУ до 2030 година, рече дека „сега нема да дава никаков датум“ бидејќи, како што рече, датумот за одредување создава очекувања и надежи.
„И ако не можете да го исполните овој датум, тоа ќе создаде огромни разочарувања“, рече Шмит.
Тој додаде дека смета оти сега е важно да има процес на проширување со земјите што се во процес на станување членки, дека се поврзани и дека им се помага повеќе да се приспособат на барањата што треба да ги исполнат за членство во Европската Унија, како што е прашањето за владеењето на правото, „што е фундаментално прашање“.
„Нема да дадам датум, но се надевам дека ќе можеме да го забрзаме и навистина подобро да управуваме со тој процес“, рече Шмит, пренесе „Танјуг“.
Тој додаде дека Европската комисија дала предлози за процесот на проширување, кој треба да биде подинамичен, чекор по чекор и попрогресивен.
„Мислам дека ова е вистинскиот начин за сите земји кандидати, кои многу се разликуваат, од Украина до Црна Гора, има голема разлика“, заклучи Шмит.
Регион
Го извадил черепот на татка си од семејната гробница и го чувал во плакарот: необичен случај во Белград
Маж од Белград, кај кого полицијата пронашла човечки череп во плакарот во собата, рекол дека тоа е черепот на татко му, кој пред 45 години бил закопан во семејната гробница.
Го видел кога го отвориле за да погребаат роднина.
„Белграѓанинот тогаш забележал дека во черепот на татко му нема златни заби. Тоа го повредило и черепот го донел дома. Не ја известил полицијата за случајот“, вели соговорник на „Телеграф“ близок до случајот.
По наредба на Обвинителството, извршена е обдукција во Институтот за судска медицина, пренесуваат медиумите во соседството.
Регион
Српски медиуми: Еден од осомничените за убиството на малата Данка повеќе нема да се брани со молчење
Срѓан Јанковиќ, осомничениот за убиството на двегодишната Данка Илиќ, повеќе нема да се брани со молчење, туку реши да зборува за случајот со девојчето чиешто тело се’ уште не е пронајдено два месеци по нејзиното исчезнување, дознава „Блиц“.
Според неофицијалните информации на српскиот портал, тој размислувал дали ќе даде исказ во Вишото јавно обвинителство во Зајечар и на крајот решил да го прекине молкот.
За потсетување, двегодишното девојче од Данска исчезна на 26 март во Бањско поле кај Бор во Србија, а полицијата 10 дена по претресот ги уапси Срѓан Јанковиќ и Дејан Драгијевиќ од Бор. Се сомневаат дека девојчето го удриле со автомобил, го ставиле телото во багажникот и го однеле на депонија.
Полицијата ги приведе таткото и братот на Дејан Драгијевиќ. Таткото по два месеци излезе од притвор, а истрагата за случајот е во сенка на насилната смрт на братот на Дејан Драгијевиќ – Далибор. Имено, тој починал во притвор, а од МУП соопштија дека му се слошило. Но, според извештајот од обдукцијата, кој го објави српскиот портал „Радар“, тој наводно бил претепан во затвор.
Новинарите од порталот „Србија Данас“ ја посетија мајката на девојчето. Таа не сакаше да го коментира ослободувањето на таткото на Дејан Драгијевиќ од притвор.
„Сум слушнала различни приказни, дека е виновен и дека не е, а од полицијата немам информации“.
Рекла дека била шокирана и разочарана од приказните на нејзините соседи од Бор. Велат дека се шири лагата дека заминала во Германија.
„Не отидов никаде, тука сум. Луѓето ми се јавуваа во два часот по полноќ и ме малтретираа и ми се закануваа. Морав да го сменам бројот неколку пати“, рекла таа.
Телото на двегодишната Данка се уште не е пронајдено.