Македонија
Мицкоски: Македонија ја снајде цунамито Заев
Лидерот на ВМРО-ДПМНЕ, Христијан Мицкоски, од Струмица порача дека Македонија е единствената држава во Европа каде што економијата во 2017 година е во стагнација.
„Не можеме да кажеме раст, велиме во стагнација бидејќи е 0 отсто. Бев во Унгарија, седнав со премиерот Орбан, и тој вели дека економијата на Унгарија е 5 отсто во пораст. Бев во Бугарија -таму е 4 отсто. Во Америка се фалат дека нема подобра година за американската економија во 2017 година. Германците од кабинетот на Меркел нè посетија и велат – имаме суфицит 32 милијарди евра, не знаеме што да правиме, фантастична година. Само ние веднеме глава, се срамиме, гледаме надолу. Ние знаеме што нè снашло, нè снашло цунамито Заев, ама не знаат они што ни се случило. Значи, имаме една катастрофална ситуација, ветуваа 5 отсто раст, обезбедија 0 отсто, 0 отсто катастрофална ситуација во економијата“, рече Мицкоски.
И не го зборувам ова како претседател на ВМРО-ДПМНЕ и човек од ВМРО, додаде Мицкоски, туку го зборувам и како загрижен граѓанин и како универзитетски професор низ чии раце со кредата в рака поминале илјадници студенти и ги учел за една поинаква Македонија.
„Имаме странски инвестиции – катастрофална ситуација, 100 милиони помалку од 2016 година, која, патем речено, не беше најдобра, туку потпросечна година. Е, сега, тука малку сатирично ќе кажам еден пример на една успешна странска инвестиција за која треба да им се честита на Зоран Заев и другите, а тоа е за продажбата на компанијата на вицепремиерот на грчкото електростопанство. Тоа е една добра успешна странска инвестиција која навистина донесе додадена вредност во џебот на Анѓушев и можеби на Заев. А на сметка на тоа ги продаваат државните национални интереси на радиоемисии, лицитираат со иднината на оваа држава и така натаму. Но, ете, можеме да ја сфатиме таа странска инвестиција како успешна и тука можеме да им честитаме“, рече Мицкоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Намалена видливост на патниот правец Тетово – Скопје, врнежи од снег на Попова Шапка
Сообраќајот на државните патишта се одвива во зимски услови, по влажни коловози, извести АМСМ.
Врнежи од снег со среден интензитет се бележат на Попова Шапка, но во моментов не преставуваат пречка за одвивање на сообраќајот. На планинскиот превој Пресека се бележат слаби врнежи од дожд и снег – (лапавица).
Намалена видливост поради појава на магла до 100 метри има на патниот правец Тетово – Скопје.
Сите патни правци во државата се проодни.
.Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
Македонија
Без струја денеска делови од Аеродром, Карпош и Илинден
Од ЕВН Македонија известуваат дека денеска без електрична енергија ќе останат:
– во период од 08:30 до 13:30 часот дел од корисниците на улиците 8 и 11 Белимбегово, општина Илинден;
– во период од 09:00 до 11:00 часот дел од потрошувачите од улицата Струма, општина Карпош;
– во период од 09:00 до 11:00 часот дел од корисниците на булевар Јане Сандански бр. 30, општина Аеродром.
Македонија
Претежно облачно со услови за повремени врнежи од дожд
Облачно со слаб до умерен ветер од југоисточен правец. Во југоисточните делови ќе има врнежи од дожд (над 20 l/m²), а на повисоките планини во северозападните делови врнежи од снег. Минималната температура ќе биде во интервал од 3 до 7, а максималната ќе достигне од 8 до 14 степени.
Во Скопје, претежно облачно со услови за повремени врнежи од дожд. Ќе дува умерен ветер од променлив правец. Минималната температура ќе се спушти до 4, а максималната ќе достигне до 13 степени.
Времето во наредните денови
Следува период на променливо облачно до сабота и релативно топло време со повремени врнежи од дожд кои наместа ќе бидат пообилни. Во текот на ноќва во југоисточните делови ќе наврне над 20 l/m², а во петок поинтензивни врнежи ќе има во крајните западни делови. Ќе дува умерен, повремено засилен ветер. Од недела ќе настапи заладување и врнежи од снег се очекуваат на планините и во некои од повисоките места.

