Македонија
Шилегов: Ќе го зазелениме Скопје и ќе го кандидираме за европска зелена престолнина

Градоначалникот на град Скопје, Петре Шилегов, постојаната претставничка на УНДП во Македонија, Лујза Винтон, директорот на ЈП „Комунална хигиена“, Абдусамед Шабани, и градоначалниците на скопските општини присуствуваа на манифестацијата „Децата и КХС во светот на екологијата“, што се одржа на Школката во Градскиот парк во рамките на деновите на екологијата.
„Подигнувањето на еколошката свест кај граѓаните, особено кај најмладата популација, е важен предуслов за заштита на животната средина и околината во која живееме. Секое дете и секој човек има право на чиста и здрава животна средина. Децениската негрижа за животната средина доведе до уништување на заштитените подрачја, масовна сеча на дрвја, енормно загаден воздух“, изјави Шилегов.
Тој нагласи дека градската администрација е посветена на заложбите за здрава животна средина и одговорно ги следи потребите на своите сограѓани, а идејата за организирање на овој настан е развивањето на еколошката свест, особено кај најмладите, а со тоа и зголемување на помошта од граѓаните за зачувување на животната средина, неопходна за здрав живот на сите.
„Наша цел е до 2021 година да поднесеме кандидатура за Скопје за европска зелена престолнина. Работиме на поставување стандарди за зачувување на животната средина. Оваа пролет се фокусираме на чистење и зазеленување на Скопје. Планираме да го исчистиме градот од дивите депонии и да засадиме над 4.000 нови дрвја на зелените површини. Резултатите од пролетната акција за чистење и зазеленување на градот ќе бидат видливи на краток рок. Наш приоритет е подобрување на животната средина. Должни сме да го надоместиме изгубеното зеленило и дополнително да ги зголемиме парковите и дрворедите во сите општини во градот. Нашите сограѓани заслужуваат подобрување на условите за живеење, а промената започнува од нас. Ние сме пример на нашите деца, внуци, на најмладите. Заедно ќе го направиме Скопје поубаво место за живеење“, рече Шилегов.
Постојаната претставничка на УНДП во Македонија, Лујза Винтон, истакна дека е среќна што денеска постарите имаат можност да научат од најмалите како да рециклираат и да ја зачуваат животната средина.
Директорот на ЈП „Комунална хигиена“, Абдусамед Шабани, нагласи дека тие како претпријатие и во иднина ќе организираат работилници и предавања за најмладите и ќе настојуваат оваа манифестација да стане традиционална.
На манифестација „Децата и КХС во светот на екологијата“, на која учествуваа ученици од училиштата и дечиња од градинките од сите скопски општини, односно секоја општина беше опфатена со по две училишта и една градинка, беа доделени и награди на најкреативните училишта за изработки од рециклирани материјали. Првото место го освоија учениците од ОУ„Лазо Ангеловски“, второто место од ОУ „Тефејуз“, а третото место им припадна на учениците од ОУ „Кочо Рацин“. Дечињата од градинките се претставија и со свои еколошки точки, а секое училиште имаше свои учесници во спортските игри што се одвиваа со едукатори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Четворица пациенти со тешки телесни повреди се примени на хируршките клиники во Скопје

Четворица пациенти со тешки телесни повреди беа примени денеска на хируршките клиники во Скопје по вооружена пресметка на улиците во Тетово.
Како што соопшти Министерството за здравство на КАРИЛ е примен 32-годишен пациент со прострелна рана во предел на граден кош, тешка телесна повреда. На Детска хирургија е примено 12-годишно дете со прострелна рана во предел на десна натколеница. На Торакална хирургија е примен 37-годишен пациент со прострелна рана во предел на граден кош. На Трауматологија е примен 60 годишен пациент со скршеница на десна потколеница.
Сите пациенти, нагласува МЗ, се згрижени и им се укажува соодветна медицинска помош.
Едно лице е почина, а повеќе беа ранети во вооружена престрелка која се случила денеска напладне во Тетово. Од МВР соопштија дека во 12:30 часот на крстосница од улица ,,Илинденска” со улица ,,Благоја Тоска” во Тетово се случила вооружена пресметка помеѓу лица од две возила, при што се случила и сообраќајна незгода по што двете возила го напуштиле местото, од кои едното се упатило кон улица „113“, а додека другото во непознат правец.
-Од добиени сознанија од граѓани и очевидци на местото на настанот, добиена е информација дека возилото кое што се упатило кон ул.” 113″ дека се работи за патничко возило ,,форд фиеста” со тетовски регистарски таблички. Од извршената проверка било констатирано дека се работи за одјавени регистарски таблички од истото возило, сопственост на лицето Е.М.(19) од с.Гајре, тетовско. При преземање мерки, на крстосницата од улица ,,Благоја Тоска” со улица „107″ било пронајдено патничко возило ,,фолксваген голф” со тетовски регистарски таблички, сопственост на Ф.Р.(46) од Тетово, додека во возилото пронајдено е едно починато лице со прострелни рани од огнено оружје. За настанот е формиран тим со кој раководи дежурен јавен обвинител при ОЈО-Тетово и увидна екипа од СВР Тетово, се наведува во полициското соопштение.
Според МВР, во Клиничка Болница -Тетово биле пренесени три лица со повреди од кои едно малолетно девојче од Тетово со повреди од огнено оружје која е задржана на опсервација, а другите две лица О.О.(34) и Р.Т. со прострелни рани, како итни случи се пренесени во Комплексот клиники “Мајка Тереза” во Скопје. Во престрелката од возилата повреден е и еден пешак А.С.(60) од Тетово, кој бил случаен минувач и бил пренесен во клиниките во Скопје.
Во моментот полицијата врши увид и се преземаат мерки за расветлување на мотивите и околностите околу вооружената пресметка која предизвика сериозни последици по животите и здравјето на лица во Тетово.
Македонија
Попладнево избувна голем пожар кај ресенското село Долно Дупени

Попладнево избувна голем пожар кај ресенското село Долно Дупени, во непосредна близина на Преспанското Езеро. Благодарение на брзата реакција на екипите на Територијалната противпожарна единица Ресен, викендиците и куќите од селото се спасени од огнената стихија. Моментално, огнот се движи кон непристапен терен, каде што гаснењето е отежнато.
Два ер трактори на Дирекцијата за заштита и спасување веќе се вклучени во акцијата, а поради високите температури, полициски хеликоптер ќе се приклучи во 16:30 часот. На терен се и жители од селото, кои помагаат на пожарникарите во локализацијата на пожарот.
Ситуацијата е под контрола во делот каде што има објекти. Нема опасност по куќите и викендиците, но борбата продолжува на непристапниот планински терен. Авијацијата ни помага значително, а апелирам до сите граѓани да бидат внимателни и да не предизвикуваат нови пожари – изјави директорот на ДЗС, Стојанче Ангелов.
Македонија
ДСЗИ ќе врши вонреден надзор откако пациентка на 30 години почина во болница

Министерството за здравство инфомира дека иницира инспекциски надзор до Државниот санитарен и здравствен инспекторат во врска со случајот со починатата пациентка во Инфективното одделение во Општата болница во Тетово.
„Јавноста ќе биде навремено известена по завршувањето на постапката за утврдување на фактичката состојба. Министерството за здравство останува посветено на транспарентноста, одговорноста и обезбедување на квалитетна здравствена заштита за сите граѓани“, се вели во соопштението од МЗ.
МВР претходно информираше дека денеска во 03:20 часот во СВР Тетово, Ј.С. од село Копанце, тетовско, пријавил дека на Инфективно одделение во Клиничка болница Тетово била хоспитализирана С.С. (30) од с.Копанце, член од неговото семејство и набргу починала.
„Според пријавеното, таа била примена на болничко лекување, претходниот ден во 19.00 часот и наводно, според негово кажување, не ѝ била укажана соодветна лекарска помош, по што починала. Полициски службеници од СВР Тетово излегле на местото и по однос на пријавата бил формиран тим за испитување на настанот, кој ќе го води дежурен јавен обвинител во содејство со екипа од СВР Тетово“, се вели во соопштението од МВР.