Свет
Трамп: Ким со радост и нетрпение го очекува состанокот со мене
Американскиот претседател, Доналд Трамп, на „Твитер“ објави дека добил порака од кинескиот претседател со која тој го информирал дека состанокот со севернокорејскиот лидер Ким Џонг-ун поминал добро.
Трамп воедно навел дека му било пренесено оти Ким се радува на состанокот со него кој е предвиден за мај, но истакнал и дека до тогаш мора да се задржат санкциите и притисокот кон Северна Кореја.
Received message last night from XI JINPING of China that his meeting with KIM JONG UN went very well and that KIM looks forward to his meeting with me. In the meantime, and unfortunately, maximum sanctions and pressure must be maintained at all cost!
— Donald J. Trump (@realDonaldTrump) March 28, 2018
„Синоќа добив порака од Си Џипинг дека неговата средба со Ким Џонг-ун во Кина минала добро и дека Ким со нетрпение ја очекува средбата со мене. Во меѓувреме, за жал, максималните санкции и притисокот мора да се задржат по секоја цена“, напиша Трамп.
Севернокорејскиот лидер беше во посета на Кина, што му е прва посета во странство откако ја презеде функцијата во 2011 година.
Ким изразил подготвеност на претстојниот состанок со Трамп да се заложи за повлекување на нуклеарното оружје од Корејскиот Полуостров. Корејскиот лидер, кој во Кина беше дочекан со голема помпа, рекол дека е подготвен да постапи со нуклеарното оружје во согласност со волјата на поранешните севернокорејски лидери.
„Нашиот став за денуклеаризацијата на Корејскиот Полуостров е во согласност со волјата на поранешните лидери Ким Ил-сунг и Ким Џонг-ил“, рекол актуелниот лидерот на Северна Кореја, чија посета на Кина се чуваше во тајност сè до неговото враќање во татковината.
Кинеските медиуми објавија снимки од Ким и Си, кој како домаќин приредил банкет за водачот на Северна Кореја и неговата сопруга.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Бебе почина по операција на крајниците: имало интервенција пред само една недела, се истражува причината за смртта
Седуммесечно бебе од Милано било пронајдено починато во креветчето само една недела по тонзилектомија.
Италијанската полиција веднаш почна да утврдува дали операцијата на крајниците, на која бебето било подложено непосредно пред смртта, има врска со смртоносниот исход.
Родителите на 6 мај го пронашле бебето во неговото креветче и веднаш повикале помош, но веќе било доцна.
Медицинскиот персоналнал направил се, за да го реанимира бебето, дури го пренеле во најблиската болница Форнароли во Магента, но не можеле ништо да направат за да го спасат детето.
Момчето починало во истата болница каде што било оперирано пред една недела, а обдукцијата ќе ја покаже вистинската причина за неговата смрт, пренесуваат локалните медиуми.
Европа
Шефицата на германската дипломатија: Руската војна се води на сите нивоа
Германската министерка за надворешни работи Аналена Бербок изјави дека „војната во Русија се води на сите нивоа“, вклучително и блокадата на украинскиот извоз на жито, но и сајбер нападите, не само во Украина, туку и врз германската владејачка Социјалдемократска партија (СДП) и германските компании.
Тоа е неодговорен процес, настан за кој не можеме да молчиме, изјави Аналена Бербок при посетата на Фиџи, пренесува ДПА.
Неодамна беше објавено дека Русија извршила сајбер напади врз СДП и германски компании од секторите на одбраната, авијацијата и информатичката технологија.
Свет
Во просторијата во која требало да се состане полската влада биле пронајдени уреди за прислушување
Полските безбедносни служби пронајдоа и демонтираа уреди за прислушување во просторијата во која денеска треба да се состане министерскиот совет, изјави портпаролот на координаторот на специјалните служби.
Полска, центар на западните воени резерви на Украина додека Киев се бори против руската инвазија, е во состојба на висока готовност за какви било знаци на шпионска активност.
„Службата за државна заштита, во соработка со Агенцијата за внатрешна безбедност, откри и демонтира уреди што може да се користат за прислушување во просторијата во која денеска треба да се одржи состанокот на Советот на министрите“, напиша Јацек Добржински на социјалната мрежа „Икс“.
„Службите спроведуваат понатамошни активности во врска со ова прашање“, додаде Добржински.
Вчера, владата соопшти дека истражува дали полски судија, кој имал пристап до доверливи информации и барал политички азил во Белорусија, шпионирал.