Црна хроника
Гостиварка во кутии за чај шверцувала марихуана
Тројца гостиварци се уапсени поради обид за трговија со марихуана. Дрогата што ја набавиле во Косово планирале со автобус да ја прошверцуваат во Турција, каде што планирале да ја препродадат. Трите килограми марихуана ги спакувале во кутии за чај, но биле откриени од страна на цариниците на граничниот премин Богородица. Против нив е поднесена кривична пријава и им е одреден 30 дена притвор.
Дргата била откриена завчера по што се приведени Т. А. (45), А. З. (42) и А. И. (39) од Гостивар. Според сознанијата на полицијата,Т. А. по претходен договор со А.З, во втората половина од минатиот месец, за неутврдена сума од Косово набавиле марихуана со цел да ја транспортираат од Гостивар до Истанбул заради понатамошна препродажба.
„Кога Т. А. ја набавил марихуаната, тој ја препакувал во картонски кутии од чај, по што го ангажирал З. А. да пронајде лице што ќе го изврши транспортот на дрогата за паричен надомест од 1.500 евра. За таа цел била ангажирана А. И. да го изврши транспорт на марихуана со автобус. Таа резервирала билети и на 31 минатиот месец заминала со автобус кон Истанбул. Истиот ден, околу 19.30 часот, на излезот од Македонија на ГП Богородица, при проверка на багажот мобилен тим од Царинската управа во внатрешноста на автобусот пронашол две најлонски кеси во кои се наоѓале вкупно четири картонски кутии од црн чај исполнети со по едно најлонско пакување со марихуана.
Картонски кутии од чај, во кои имало четири пакувања дрога, биле одземени и предадени на полициски службеници, по што се доставени за крим-техничко вештачење во МВР на РМ. Од извршеното вештачење било утврдено дека се работи за три килограми наркотична дрога марихуана.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Приведен скопјанец: се заканувал со ловечка пушка
Утрово во 01.20 часот во село Богомила, општина Чашка, полициски службеници од Полициското одделение Чашка го лишиле од слобода Ѓ.Ѓ.(36) од Скопје, постапувајќи по претходна пријава од Н.Д.(37) од село Богомила.
Ѓ.Ѓ. пред објект во селото со ловечка пушка му се заканил нему и на С.С., М.Д., Б.Ј., Т.Д., П.Б. и Д.Ѓ..
Бил задржан во полициска станица, а известен бил и јавен обвинител и по документирање на настанот протв него ќе биде поднесена соодветна пријава, соопшти полицијата.
Црна хроника
Кривична за директорот на ЈП „Пазари“ Битола: склучил договор за јавна набавка со фирма избришана од Централниот регистар
Одделот за криминалистичка полиција, по наредба од Основното јавно обвинителство Битола презема предистражни дејствија и во координација со СВР Битола поднесе кривична пријава против Б.К. од Скопје поради постоење основи на сомнение за сторено кривично дело „злоупотреба на постапката за јавен повик, доделување на договор за јавнa набавкa или јавно-приватно партнерство“ по член 275-в од Кривичниот законик и против В.А. од Битола поради постоење основи на сомнение за сторено кривично дело „несовесно работење во службата“ по член 353-в од Кривичниот законик. Имено, првопријавениот Б.К., во својство на управител на правно лице од Битола, на 19.12.2019 со неизвршување на обврските од склучен договор за јавна набавка на стоки за проектирање, набавка и монтажа на фотоволтаични панели за производство на електрична енергија со ЈП „Пазари“ Битола нанел штета на претпријатието. Тој дал гаранција за поставените фотоволтаични панели во рок од 25 години, иако знаел и бил свесен дека во предвидениот рок од една година од основањето на друштвото не го внел основачкиот влог на своето друштво согласно чл.186 ст.5 од Законот за трговски друштва поради што истото согласно чл.552-а и чл.552-б од истиот закон било избришано од Централниот регистар. Исто така, Б.К. знаел дека не можел да гарантира за изведените работи, со што постапил спротивно на дадената изјава за сериозност на понудата.
Второпријавениот В.А., во својство на директор на ЈП „Пазари“ Битола со пропуштање на должен надзор во вршењето на своите овластувања и должности, не извршил надзор кој бил должен да го изврши над носителот на набавката дали е активен субјект или не, со што не постапил согласно одредбите од склучениот договор за јавна набавка и не го раскинал. Исто така, В.А. постапил спротивно на чл.101 ст.7 од Законот за јавни набавки и не објавил негативна референца на електронскиот систем на јавни набавки на Бирото за јавни набавки. На тој начин В.А. му овозможил на првопријавениот да се стекне со противправна имотна корист како право да не биде исклучен од идните постапки за јавни набавки во период од шест месеци од денот на евентуалното објавување на негативната референца, а воедно и по доставена фактура одобрил и извршил плаќање кон првопријавениот односно кон неговото правно лице во вкупен износ од 1 298 000 денари со што го оштетил буџетот на ЈП „Пазари“ Битола.
Црна хроника
Тепачка во Чаир: случајот го пријавила 28-годишна девојка која била меѓу нападнатите
Девојка од скопски Чаир, во полиција пријавила дека заедно со членови од нејзиното семејство биле нападнати и истепани од неколку лица од Скопје.
Имено на 01.05.2024 во 23.00 часот во СВР Скопје, С.С.(28) од Скопје пријавила дека околу 18.30 часот во нивниот дом на подрачјето на Чаир, таа, нејзиниот татко Т.С, нејзиниот чичко Д.С., нејзинатата тетка М.А. и нејзината сестра С.С. биле физички нападнати од И.Р., Б.С.,С.С. ,О.С и И.С., сите од Скопје, кои притоа употребиле и тврд предмет.
Полицијата соопшти дека се преземат мерки за расчистување на случајот.