Во присуство на претставници на медиумите, педијатри, фармацевти, технолози, дерматолози и други блиски соработници „Алкалоид“ го одбележа почетокот на кампањата планирана по повод 40-годишиот јубилеј на еден од водечките брендови на компанијата – добро познатиот „Бекутан“.

Приказната за „Бекутан“ започнува во далечната 1978 година, со само 5 производи наменети за нега на бебешката кожа. Прв во редот, според видеосведоштвото на едни од првите директни креатори на проектот, бил кремот „бекутан“:

„Токму на 8 март имав рачно направено точно 3 килограми крем ‘бекутан’, кои им ги подаривме на дечиња во градинка“, стоеше во изјавата на Блажо Ставров, пензиониран технолог, кој заедно со Софка Солеска, пензиониран фармацевт, со особена гордост и пиетет се присетија на скромните почетоци на приказната за „Бекутан“. Според Солеска, индустриското производство на „Бекутан“ започнува во 1978 година, со кремот „бекутан“, во скромни количини дупликатор од 100 литри, во одделението за производство на медицински масти при одделот за фармација во Автокоманда. Денес, производното портфолио на брендот „Бекутан“ брои 26 основни типа производи, сo над 50 форми на пакувања. За своите најнови производи во низата: редизајнираните бебешки пелени „бекутан“ и новата влажна тоалетна хартија „бекутан“, „Алкалоид“ ангажира нови заштитни лица, кои како заштитни модели на „Бекутан“ публиката имаше можност да ги запознае: Дарија Митрева од Скопје, Пела Кукова од Штип, Ледијан Муртези од Скопје, Андреј Пановски од Скопје, Луна Антовски од Тетово, Огнен Тагасовски од Скопје и Михаил Михаилов од Куманово.

За време на настанот од страна на компанијата беа претставени и низа активности преку кои „Бекутан“ ќе ја прослави 4-децениската доверба со своите лојални потрошувачи: „По повод 40-годишниот јубилеј компанијата одлучи да подготви низа активности наменети за нашите ценети корисници, особено оние најмалите, меѓу кои: лимитирани трендовски пакувања од добропознатите шампон и пенлива купка; нови форми од водечкиот производ – препознатливиот крем ‘бекутан’, кои набргу ќе бидат достапни на пазарот; стикери на ‘Вибер’ за полесна и поинтересна комуникација; наградна игра со многубројни интересни награди, а со оглед на динамиката на брендот сигурно ќе следуваат и други изненадувања“, истакна Маја Мизо, бренд-менаџер за „Бекутан“.

40-те години традиција, љубов и грижа за најмалите беа презентирани и во новиот рекламен видеоспот снимен по повод јубилејот, кој премиерно се емитуваше за време на настанот. Во знак на благодарност за долгогодишната соработка во развојот на брендот низ годините, „Алкалоид“ им додели признанија за почесни бренд-амбасадори на пет докторки: прим. д-р Марина Поп Лазарова, доц. д-р Катерина Дамевска, проф. д-р Катарина Ставриќ, прим. д-р Весна Деловска и проф. д-р Катица Пиперкова.

Како гест на благодарност за професионалниот и партнерски однос во текот на годините, „Бекутан“ им додели јубилејни плакети на 5 здравствени установи: Универзитетската клиника за гинекологија и акушерство – Скопје, Специјалната болница по гинекологија и акушерство „Мајка Тереза“ – Чаир, Клиничката болница – Тетово, Првата приватна општа болница „Ремедика“ и Клиничката болница „Аџибадем Систина“.

„Довербата во брендот „Бекутан“ од 1978 година се пренесува од генерација на генерација. Тоа е нашиот најцврст темел за долгогодишна традиција. Формулациите на продуктното портфолио се работени според најновите трендови во медицинската козметологија, во блиска соработка со врвни фармацевти, педијатри и дерматолози во земјата. Со повеќе од 200 милиони продадени производи, ’Бекутан’ е синоним за постојан квалитет, доверба и лојалност. И во иднина ние како компанија ќе продолжиме да работиме сериозно и максимално посветено за оваа наша заедничка успешна приказна да продолжи“, истакна генералниот директор/претседател на УО, Живко Мукаетов.

Рангирани меѓу водечките брендови во сегментот детска козметика на регионално ниво, производите на „Бекутан“ се изработени од врвни суровини со проверен квалитет, исклучително благи формулации и уникатни рецептури, сигурни за употреба уште од првиот ден по раѓањето. Севкупниот производен процес се одвива во согласност со строгите стандарди за добра производна пракса. Лидер во колекцијата е детскиот крем „бекутан“ со продадени над 45 милиони парчиња.