Македонија
Интернет-порталите се обединија во борба против крадењето вести
Интернет-порталите и маркетинг-агенциите не дочекаа државата да ја регулира анархијата во интернет-просторот и одлучија да се обидат сами да ги средат наталожените проблеми. Под покровителство на „ИАБ Македонија” (Асоцијација за унапредување на дигиталниот маркетинг во Македонија) успеаја да се обединат најголемите и највлијателни дигитални издавачи (портали) и најголемите маркетинг и ПР-агенции. Работната група што беше формирана за оваа активност ги лоцира сите предизвици, даде предлози за решение и го состави Саморегулаторен етички кодекс, кој беше едногласно усвоен.
Во Кодексот се дефинирани слободата на мисла и определување, забраната за дискриминација и повреда на правата на граѓаните, заштита на правото на приватност, почитување на авторските права, борба против лажните вести и друго. Посебно внимание е посветено на делот за транспарентност, каде што сите портали на својата интернет-страница, во делот на импресумот, треба да се декларираат со полно име, седиште, контакт, главен уредник…
Сепак, најголема новина е делот каде што се регулира преземањето вести од други портали. На овој начин ќе се издвојат само оние издавачи што имаат своја редакција или преземаат вести со одобрување од изворот. Се претпостатвува дека во следните неколку месеци на пазарот ќе останат само сериозните и влијателни портали. Сите оние што нема да добијат сертификат од Асоцијацијата, ќе значи дека нелегално или нетранспарентно работат, што ќе биде јавно објавено на страната на ИАБ. Ова воедно е и порака до бизнис-заедницата, која полесно ќе одлучи каде да ги огласува своите производи и услуги. Кодексот може да го преземете тука, а сите портали што сакаат да го добијат дигиталниот сертификат, може да аплицираат тука.
Собранието на здружението за интерактивно огласување „ИАБ Македонија“ едногласно го усвои предлогот за усвојување Саморегулаторен етички кодекс на добри професионални практики во дигиталното издаваштво на територијата на Македонија, со кој се пропишуваат правилата за фер, етички и добри професионални практики на медиумските издавачи во врска со креирањето и објавувањето содржини, производи и услуги што ги нудат преку своите дигитални медиуми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Бидете сигурни дека нема да се формира Влада без нашите пратеници, велат од Европскиот фронт на ДУИ
Европскиот фронт преводен од Демократската Унија за Интеграција смета дека треба да важи правилото „победник со победник“ кога станува збор за коалицирање меѓу политичките партии при формирањето на новата Влада, а по резултатите од парламентарните избори.
Од тука истакнаа дека не може некој да го одбие легитимитетот на одредена политичка структура како што е Европскиот фронт, ако и тие бараат легитимитет од народот.
„Не може да станува збор за тоа. Ние сме консензуална демократија и како такви ќе функционираме. Секоја политичка авантура ќе биде ризична за европската иднина и за сите политички околности после 8 мај. Бидете сигурни дека ниту една влаејачка политичка гарнитура нема да се формира без пратениците на Европскиот фрронт, затоа што ти се вистинските претставници на амбанскиот, бошњачкиот, турскиот и ромскиот народ. Политичките авантури неславно ќе заврши, а народот ќе победи“, беше истакнато на прес-конференцијата на партијата.
Најавите на лидерот на ВМРО-ДПМНЕ, Христијан Мицкоски за евентуална коалиција помеѓу нив и албанскиот опозициски блок ако победат на изборите, како и пораките дека ДУИ заминува во опозиција наидоа на остри реакции од страна на интегративците. Вчера и нивниот портпарол, Бујар Османи, се осврна на оваа тема, коментирајќи дека ДУИ смета оти е понижувачки за Албанците што партиите договараат коалиции пред одржувањето на парламентарните избори. Османи рече дека волјата на народот мора да се почитува.
Правилото „победник со победник“ беше прекршено од страна нАЖа ДУИ по изборите во 2016 година. Тогаш ВМРО-ДПМНЕ имаше добиено 51 пратеник, СДСМ 49, но ДУИ како победник помеѓу партиите од албанскиот блок, одлучи да формира Влада со СДСМ, откако претходно со години беше во коалиција со ВМРО-ДПМНЕ.
Македонија
Кацарска: Судот ја покажува хуманата страна, над 30 вработени денес даруваат крв по повод 60 години Уставен суд
Со дарување крв вработените во Уставниот суд слават 60 години постоење на судската установа. Претседателката на Уставниот суд Добрила Кацарска вели дека крводарителската акција е само една од акциите кои ќе ги спроведат за одбележувањето на јубилејот.
„Уставниот суд на Република Северна Македонија оваа година слави значаен јубилеј. Тоа е 60 години од постоење на судот. Веќе беше најавено дека во текот на целата година во Судот ќе се преземаат најразлични активности токму заради одбележување на овој значаен јубилеј. Самите вработени дадоа идеја една од акциите кои ќе се спроведуваат во Судот да биде и крводарителската акција, што значи Судот ја покажува и онаа хумана страна. Повеќе од половина од вработените се пријавија за давање крв, што значи од вкупно 60 вработени повеќе од 30 денес се согласни да дадат крв“, рече претседателката Кацарска.
Крводарителската акција е под мотото „Биди хуман спаси живот“, а ја реализира Црвениот крст на Македонија.
Македонија
Арсовска во увид на изградбата на подземната инфраструктура на новиот булевар Хрватска
Град Скопје продолжува со реализација на првата фаза на големиот проект за изградба на подземната инфраструктура на новиот булевар Хрватска, која опфаќа и нова водоводна мрежа која произлегува од градската програма за работа.
Градоначалничката на Град Скопје, Данела Арсовска, заедно со екипи од ЈП Водовод и канализација Скопје и Секторот за планирање и уредување при Град Скопје, денес извршија увид во реализацијата на овој капитален инфраструктурен проект.
Во оваа фаза од изградбата на водоводната мрежа која се движи на трасата по новопроектираниот булевар Хрватска и заради формирање на прстенеста циркулациона мрежа и создавање на подобри хидраулички услови во градската водоводна мрежа предвидено е поврзување на двата магистрални доводи на вода Рашче со профил од Ф1600 и постоечкиот цевковод со профил од Ф700 на булевар Александар Mакедонски.
Со почеток на реализација на предвидениот магистрален цевковод со профил од Ф700 милиметри, по новопредвиден булевар Хрватска во првата фаза, започнати се градежните активности на поврзување на булевар Александар Македонски кај Естекада. Вкупната предвидена должина на магистралниот цевковод по булеварот Хрватска изнесува 2,8 километри. Реализацијата на овој дел од водоводната мрежа е предуслов за подобрување на водоснабдувањето на целата територија на општина Гази Баба.